Vall de Lierp
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Vall de Lierp | |
Municipio d'Aragón | |
Entidat • País • Provincia • Comarca |
Municipio Ribagorza |
Capital | Eixea[nota 1] |
Partiu chudicial | Boltanya |
Superficie | 32,41 km² |
Población • Total • Densidat |
60 hab. (2013) 1,85 hab/km² |
Altaria • Meyana |
1.012 m. |
Distancia • 122 km |
enta Uesca |
Alcalde | José María Ariño Castel |
Codigo postal | 22451 |
Parroquial • Diocesi • Arcipestrau |
Balbastro-Monzón Sobrarbe-Ribagorza |
Coordenadas | |
Web oficial |
Vall de Lierp (oficialment Valle de Lierp en castellano, La Vall de Lierp en catalán[1]) é un municipio aragonés de la provincia de Uesca, a la comarca de Ribagorza. Los suyos habitants en dicen simplament la Vall.[2]
La suya población é de 60 habitants a una superficie de 32,41 km² y una densidat de población d'1,85 hab/km².[3] Llingüisticament, el municipio se troba en pllena zona de transición entre l'aragonés y el catalán ribagorzanos.
Cheografía
[editar | modificar o codigo]Vall de Lierp é el municipio, que prene nome de la vall natural a on é situau; una vall menor que desepara las falderas meridionals de la montanya d'el Turbón y la serra d'el Chordal. El municipio é feito de llugars chiquinins (aldeyas) y mases, sin garra llugar granizo, con lo que é un habitat disperso. La Casa de la Vila é en Eixea, manimenos, que por mida y por proximidat enta la carretera fa una miqueta ixa función.
Eixea, seu d'el concello, é a 1.012 metros d'altaria sobre el nibel de la mar,[4] a una distancia de 122 km de la ciudat de Uesca, la capital de la suya provincia.[4]
El municipio limita pe'l norte y nor-este con Torlarribera, pe'l canto de las Vilas. La vall de la Ribera é una vall chirmana con la vall de Lierp, tanto en orientación (baixan dende el Turbón cara ta l'Isabana) como llingüisticament, pos las dos presentan una gradación entre l'aragonés y el catalán en las suyas variedaz ribagorzanas.
Per l'este, tot seguind el curso d'el barranco cara ta el río Isabana, llimita con el municipio de Beranui, con llugars como Calvera, Vallabriga y el monesterio d'Obarra. Pe'l sud, el termino municipal llimita con la serra d'el Chordal y con la parte oriental d'el municipio de la Foradada d'el Toscar per la vall d'el barranco de Vacamorta,[1] que é de l'atro costau de la serra. Por l'ueste, el municipio fa la muga con vall de Bardaixí, vall y municipio homonimos que rematan en l'Esera cerqueta de Campo.
La vall de Lierp é una vall de dos concas hidrograficas. Las aiguas de llevant se'n van llibrement cara ta l'Isabana y els llugars que n'i ha en ixe canto (Piniello y Reperós) son despoblaus en l'actualidat, que a mes a mes son mes cerca de la cabecera municipal de Torlarribera que d'Eixea. Por el canto occidental, a la inversa, las aiguas marchan ta l'Esera a traviés d'el congustro d'Eixea u «forau d'Eixea», pasand ta la vall de Bardaixí como afluents d'el barranco d'Esplluga. Son las aldeyas de la parte occidental Padarnín, l'Obago, Pueyo y Sarrat, a mes d'Eixea, que fa de cabecera municipal. Manimenos, la divisoria d'aiguas é suave y no suposa una muga real entre els diferents nuclios d'el municipio.
Los llugars
[editar | modificar o codigo]Vall de Lierp é un habitat disperso de diferents llugars u aldeyas, de molt poquetas casas cada un. En tenim con varias, de casas, como Eixea, que fa las veces de capital municipal per estar el mas gran y tamé el que ye mas cerca de la carretera que va de Beranui ta Campo. Atros no son mes que casas dispersas en barrios, como Sarrat u como l'Obago, a la baixant d'el Chordal, y Padarnín y Piniello a la d'el mont Turbón. Pueyo é una aldeyeta de dos casas a'l costau de Sarrat, a la falda solana d'el Turbón. Y Reperós é mes leixos de toz los atros, despobllau, ya a'l cabo baixo de la vall, mes cerca de Beranui y a'l cantet de Torlarribera.
La llengua
[editar | modificar o codigo]La vall de Lierp, y por ixo mesmo el municipio homonimo que aplega las distintas entidaz de población que se i troba, é una vall natural y chiquirrina que s'ubre enta l'Isabana, a la conca d'el cual el parlar é caracterizau como catalán de transición enta aragonés. Manimenos, la realidat llingüistica de la vall de Lierp arresulta encara mes complexa que la de la vall a la cual afluyen las suyas aiguas,[5] con que é un de los curiosos casos (como tamé pasa con la suya vecina vall de la Ribera) anon la transición entre los dos idiomas se fa gradualment entre los nuclios d'un mesmo municipio.[5]
La vall de Lierp tene, per la suya cabecera, contacto inmediato con la ya aragonesoparlant vall de Bardaixí y la terra de Campo (aon se parla inequivocament aragonés ribagorzano[5]), lo cual dota a la parla local d'una naturaleza transicional mes marcada que a la vall de l'Isabana, arriband ta'l punto que se puede considerar aragonés de transición ta catalán el parlar de las aldeyas situadas mes cerca d'el cabo alto de la vall, proxima con el limite con Bardaixí, y catalán de transición enta aragonés lo charrau a los nuclios mes baixos, cercans con Beranui y l'Isabana,[5] que son despoblaus en l'actualidat. Tot ixo, mesmo sin que calga sallir d'el termino municipal. Esto é tot lo mesmo que pasa a la vecina vall de la Ribera (Torlarribera, Visalibons, las Vilas, etc.).
Publicacions
[editar | modificar o codigo]José María Ariño Castel publicó La Bal de Lierp. Geografía y léxico. (Consello d'a Fabla Aragonesa, Uesca, 1999). L’autor (Vall de Lierp, 1946) esplanica en primera parti bels datos de cheografía umana, fesica y economica sobre a Vall de Lierp y cada uno de os suyos lugars. A segunda parti ye una replega de 988 vocables de a vall, toz con bella frase d’exemplo ta que se i veiga o contesto. Ye una contrebución de gran intrés que viene a emplir a falta d’información que tenébanos sobre ista redolada, una de as mas orientals en as que se charra aragonés, un aragonés ribagorzano ya de transición enta o catalán.
Caracteristicas
[editar | modificar o codigo]- Demostrativos aragoneses: este, ixe, aquel.
- Posesivos aragoneses: el suyo, la mía, los suyos... y no pas los catalans el seu, la meva/meua, els/los seus.
- Plurals femenins que rematan en -as: la vaca → las vacas.
- Presenta el fonema fricativo dental xordo (θ) pa totas las Z y las C debant de e y de i: cebolla /θe'boʎa/, cenizo /θe'niθo/, tocín /to'θin/, zarpa /'θarpa/, zurrupar /θuru'pa/; como é regular en aragonés y en castellano, y no se sonoriza ta /s/ como é normal en catalán (con excepcions contadas) y en benasqués.
- Pronuncian las -T que se troba a final de parola: Sarrat /sa'rat/, tot /'tot/, y especialment a la fin de los dimunitivos masculins: chiquet /tʃi'ket/, corderet /corde'ɾet/, etc. como pasa de regular en aragonés ribagorzano pero no en atros dialectos aragoneses. Manimenos, la -T a la fin de substantivos femenins que en llievan no la guardan, como é normal tamé en ribagorzano y en tot l'aragonés: ciudat /θiw'da/, salut /sa'lu/, comunidat /komuni'da/, velocidat /beloθi'da/, etc. Los pllurals son con fonema fricativo dental xordo (θ): corderez /korde'ɾeθ/, y se vei tamé en toponimia basada en nomes pllurals como las Corz[6] /laskorθ/, els Sarraz[6] /elsa'raθ/, etc. que n'i ha en el termino.
Rechistro
[editar | modificar o codigo]Entre que se feba el prochecto de l'Archivo Audiovisual de l'Aragonés, que se va fer dende l'anyo 2001 y enta debant, con la finalidat de documentar d'una traza grafica los parlars vivos de los diferents llugars aragonesofonos de l'Alto Aragón, se va grabar en video colacions y explicacions sobre la vida tradicional per parte de parladors patrimonials de la parla local d'Eixea y de Padarnín, que son aldeyas de Vall de Lierp. Las ditas grabacions son disponibles a la plataforma YouTube.[7]
Puestos d'interés
[editar | modificar o codigo]- En Sarrat i ha un museu etnolochico de titularidat municipal, que exposa bels 170 obchectos en una superficie de 100 metros cuadraus,[8] adentro de lo que enantes eba l'abadía d'el llugar. Los obchectos exposaus dimanan toz de las casas d'el municipio.[8]
Demografía
[editar | modificar o codigo]
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. |
Administración
[editar | modificar o codigo]Reparto de concellers
[editar | modificar o codigo]Partiu | 1979 | 1983 | 1987 | 1991 | 1995 | 1999 | 2003 | 2007 | 2011 | 2015 | 2019 |
Partido de los Socialistas de Aragón | - | 5 | 1 | 1 | 1 | 1 | 1 | 1 | 2 | 2 | 2 |
Partido Aragonés | - | - | - | 0 | 0 | - | 0 | 0 | 1 | 1 | 1 |
Unión de Centro Democrático | 5 | - | - | - | - | - | - | - | - | - | - |
Total | 5 | 5 | 1 | 1 | 1 | 1 | 1 | 1 | 3 | 3 | 3 |
Alcaldes
[editar | modificar o codigo]Lechislatura | Nombre | Partiu politico |
---|---|---|
1979–1983 | ||
1983–1987 | ||
1987–1991 | ||
1991–1995 | ||
1995–1999 | ||
1999–2003 | ||
2003–2007 | ||
2007–2011 | ||
2011–2015 | José María Ariño Castel | Partido de los Socialistas de Aragón |
2015–2019 | ||
2019–2023 | ||
2023–2027 | Jose Angel Rami Nerin [10] | PSOE |
Festas
[editar | modificar o codigo]Toz els llugars de la Vall fan las festas de conchunta. Este é el calendario festivo de Vall de Lierp:[11]
- La festa menor é pa Santa Agueda, el 5 de febrero.
- 13 de chunio, romería enta la ermita de Sant Antón.
- 29 de chunio, romería enta la ermita de Sant Pedro en Padarnín.
- 2 de chuliol, romería enta la ermita de la Virchen d'el Pueyo, entre Eixea y l'Obago.
- La festa mayor tradicionalment eba el 4 y 5 de setiembre. Actualment las festas con Semana Cultural se fan la semana antes de la zaguera d'agosto.
Notas
[editar | modificar o codigo]Referencias
[editar | modificar o codigo]- ↑ 1,0 1,1 (ca) La Vall de Lierp en a Gran Enciclopèdia Catalana; consultada o 27 d'abril de 2019
- ↑ (an) Video Noms dels llugás de l'Archivo Audiovisual de l'Aragonés, feit a Padarnín por l'Asociación Cultural Parola.
- ↑ (es) Valle de Lierp en o Nomenclátor de Unidades Poblacionales de l'INE. Consultau o 27 d'abril de 2019.
- ↑ 4,0 4,1 (es) Valle de Lierp en a web d'a Diputación Provincial de Uesca, consultada o 27 d'abril de 2019.
- ↑ 5,0 5,1 5,2 5,3 (es) Isábena, valle del río en Gran Enciclopedia Aragonesa. Consultada el 27 d'abril de 2019.
- ↑ 6,0 6,1 (es) Información de Fauna y Flora en la web de l'Ayuntamiento; consultada el 27 d'abril de 2019.
- ↑ Canal YouTube de la Asociación Cultural Parola, responsable del Archivo Audiovisual de l'Aragonés.
- ↑ 8,0 8,1 (es) Noticia El Museo Etnológico de Valle de Lierp (Huesca) rescata la forma de vida del medio rural, consultada el 27 d'abril de 2019.
- ↑ Archivo electoral
- ↑ (es) Consulta el listado de alcaldes que han sido proclamados en Aragón en Heraldo de Aragón
- ↑ (es) Fiestas y Tradiciones, de la web de l'Ayuntamiento de Vall de Lierp, consultada el 28 d'abril de 2019.
Se veiga tamién
[editar | modificar o codigo]Vinclos externos
[editar | modificar o codigo]Se veigan as imáchens de Commons sobre Vall de Lierp.
- (es) ValleLierp.es, web d'el Concello de Valle de Lierp.
- (es) Vall de Lierp en el portal de turismo de Ribagorza.
- (an) Pesca y Guiso de Lliebre, videos de l'Archivo Audiovisual de l'Aragonés sobre la parla autoctona en Eixea (Valle de Lierp).
- (an) Noms dels llugás, Receta del membrillo y Romería de San Pedro, videos de l'Archivo Audiovisual de l'Aragonés sobre la parla autoctona en Padarnín (Valle de Lierp).
Arén de Noguera | Benavarri | Benás | Beranui | Bisagorri | Bonansa | Campo | Capella | Castigaleu | Castilló de Sos | Chía | Estupinyán | La Foradada d'el Toscar | Graus | Isabana | Llascuarre | Monesma y Caixigar | Montanui | Las Pauls | Perarruga | La Puebla de Castro | Puent de Montanyana | Santa Llestra y Sant Quílez | Saúnc | Secastiella | Seira | Sesué | Sopeira | Tolva | Torlarribera | Vall de Bardaixín | Vall de Lierp | Viacamp i Lliterà | Vilanova |
Lugars d'el municipio de la Vall de Lierp | |
---|---|
Poblaus: Eixea | Padarnín | Pueyo | Reperós | L'Obago | Sarrat Despoblaus: Piniello |