Dei fire store(Los cuatro grandes)
Dei fire store (Los cuatro grandes) ye un término qu'utilizó la editorial danesa Gyldendal pa faer más atractiva la comercialización de los sos cuatro autores noruegos de cabecera: Bjørnstjerne Bjørnson, Alexander Kielland, Jonas Lie y de Henrik Ibsen.
El conceutu apaez enantes de la Primer Guerra Mundial, colo independencia de Noruega y la búsqueda de referentes. Pero va ser al rodiu l'añu 1920 cuando lu escomience usar Gyldendal.
Algamó ésitu porque, en cierta medida, los cuatro pertenecíen a la mesma generación y yeran figures influyentes dientro la lliteratura escandinava realista del últimu terciu del sieglu XIX y sirvió pa remitise a la edá d'oru d'esta lliteratura. De toes formes, el so usu ye controvertíu, porque dexa de llau otros autores non menos importantes de la mesma xeneración, como Amalie Skram.