WR 65

WR 65
Datos d'observación; (Dómina J2000.0)
Constelación	Circinus
Ascensión reuta (α)	15h 13min 41,68s
Declinación (δ)	-59º 11’ 43,3’’
Mag. aparente (V)	+13,66
Carauterístiques físiques
Clasificación estelar	WC9d
Masa solar	9 M☉
Radiu	(7,7 R☉)
Magnitú absoluta	-5,17
Lluminosidá	132.000 L☉
Temperatura superficial	40.000 K
Astrometría
Distancia	~ 4.570 años lluz (~ 1.400 pc)
Sistema
Nᵁ de componentes	2?
Referencies
SIMBAD	enllaz
Otres designaciones
	LS 3319 / CSI-59-15098 / WRAY 15-1297
	[editar datos en Wikidata]

WR 65^[1] ye una estrella de Wolf-Rayet na constelación de Circinus de magnitú aparente +13,66.

Situación y distancia

WR 65 pue ser miembru del cúmulu Pismis 20 —que contién tamién a la estrella de Wolf-Rayet WR 67— tando a 3272 ± 303 pársecs o 10.600 años lluz del Sistema Solar.^[2] Sicasí, suxirióse que la so distancia podría ser menor —unos 1400 pársecs o 4570 años lluz—, polo que nesti supuestu taría asitiada visualmente delantre del citáu cúmulu.^[3]

Conozse la esistencia d'una burbuya creada por vientu estelar alredor de WR 65, siendo'l so radiu de siete segundos d'arcu. Tamién se detectó en redol a WR 65 una nebulosa relativamente amacera con un radiu d'aproximao 1,5 segundos d'arcu; considerando'l fuerte ritmu de perda de masa estelar, ye posible qu'esta nebulosa tea acomuñada a WR 65.^[2]

Carauterístiques

WR 65 ye una estrella de Wolf-Rayet rica en carbonu de tipu espectral WC9d. Tien una temperatura efectivo de 40.000 K y una lluminosidá ye 132.000 vegaes superior a la lluminosidá solar. Con una masa nueve vegaes mayor que la del Sol, tien un radiu equivalente a 7,7 vegaes el radiu solar. La velocidá terminal del so vientu estelar ye de 1300 km/s. Al igual qu'otres estrelles de Wolf-Rayet, pierde masa estelar, a razón 1,1 × 10^-5 vegaes la masa solar cada añu.^[3] Coles mesmes, ye un emisor d'ondes de radio.^[2]

Posible compañera estelar

WR 65 presenta emisión variable de rayos X, siendo la única estrella WC9d que presenta esta carauterística. Sostúvose qu'esta emisión puede tar aniciada pol choque ente los vientos estelares d'un sistema binariu masivu. Coles mesmes, especulóse que'l periodu orbital del mesmu pue ser d'unos pocos años.^[3] Sicasí, el so espectru nun amuesa indicación de duplicidá.^[2]

WR 65 crea polvu de forma persistente y munches estrelles con esta particularidá son binaries con órbites cuasi circulares. Nun hai qu'escaecer que más de la metá de les estrelles de Wolf-Rayet formen sistemes binarios con estrelles OB como acompañantes.^[2]

Referencies

↑ WR 65 -- Wolf-Rayet Star (SIMBAD)
↑ ^2,0 ^2,1 ^2,2 ^2,3 ^2,4 Oskinova, L. M.; Hamann, W.-R. (2008). «Puzzling X-rays from the new colliding wind binary Wolf-Rayet 65 (WC9d)». Monthly Notices of the Royal Astronomical Society Letters 930 (1). pp. L78-L82. http://cdsads.u-strasbg.fr/cgi-bin/nph-bib_query?2008MNRAS.390L..78O&db_key=AST&nosetcookie=1.
↑ ^3,0 ^3,1 ^3,2 Sander, A.; Hamann, W.-R.; Todt, H. (2012). «The Galactic WC stars. Stellar parameters from spectral analyses indicate a new evolutionary sequence». Astronomy and Astrophysics 540. A144. http://cdsads.u-strasbg.fr/cgi-bin/nph-bib_query?2012A%26A...540A.144S&db_key=AST&nosetcookie=1.

Coordenaes: 15^h 13^m 41.71^s, -59^° 11^′ 44.971^″

[1] WR 65 -- Wolf-Rayet Star (SIMBAD)

[Oskinova-2] 2,0 ^2,1 ^2,2 ^2,3 ^2,4 Oskinova, L. M.; Hamann, W.-R. (2008). «Puzzling X-rays from the new colliding wind binary Wolf-Rayet 65 (WC9d)». Monthly Notices of the Royal Astronomical Society Letters 930 (1). pp. L78-L82. http://cdsads.u-strasbg.fr/cgi-bin/nph-bib_query?2008MNRAS.390L..78O&db_key=AST&nosetcookie=1.

[Sander-3] 3,0 ^3,1 ^3,2 Sander, A.; Hamann, W.-R.; Todt, H. (2012). «The Galactic WC stars. Stellar parameters from spectral analyses indicate a new evolutionary sequence». Astronomy and Astrophysics 540. A144. http://cdsads.u-strasbg.fr/cgi-bin/nph-bib_query?2012A%26A...540A.144S&db_key=AST&nosetcookie=1.

[1]

[2]

[3]