Alfonso Camín
Alfonso Camín | |
---|---|
Vida | |
Nacimientu | Xixón, 12 d'agostu de 1890[1] |
Nacionalidá |
|
Muerte | Porceyo, 12 d'avientu de 1982[2] (92 años) |
Estudios | |
Llingües falaes | castellanu |
Oficiu | poeta, escritor |
Xéneru artísticu | poesía |
Alfonso Camín Meana (12 d'agostu de 1890, Xixón – 12 d'avientu de 1982, Porceyo) foi un escritor y poeta asturianu.
Biografía
[editar | editar la fonte]Nació en Roces (Xixón), nel barriu de La Peñuca, y a la edá de quince años, en 1905, en trabayando nuna cantera de Contrueces, embarca pa Cuba, onde s'empecipia nel periodismu. Foi redactor de los periódicos La Nueche y del Diario de la Marina y llegó a dirixir la revista Apolo. En 1914 torna a España como periodista del Diario de la Marina pa cubrir la Primer Guerra Mundial.
Establecióse en Madrid, onde vivió hasta 1936 y ye na capital española onde conoz a la que va ser la so esposa Rosario Armesto. Foi direutor de la revista Norte dende 1929 hasta'l so fallecimientu. Al españar la guerra civil vuelve emigrar treslladándose primeru a Cuba y depués a Méxicu. Torna'l 25 de setiembre de 1967 a Xixón onde finó. Ta soterráu nel campusantu de San Félix, en Porceyo.
Ye consideráu'l Poeta Nacional d'Asturies además d'abrir a la lliteratura el camín de la poesía afroantillana. Los sos poemes dende entamos de los años 1920, influyeron en munchos de los poetes que siguieron esi aldu, Girao, Carpentier y Guillén, ente otros. En 1981 foi nomáu «Fíu Predilectu y Poeta d'Asturies». Con motivu del 30 aniversariu de la so muerte, el RIDEA rinde homenaxe[3][4] al poeta de Roces.
La Biblioteca Pública Municipal de Roces nel Conceyu de Xixón recibe'l nome d'Alfonso Camín, cunta con una importante coleición de les sos obres[5] y una guía de llectura[6] sobre la mesma.
Obres
[editar | editar la fonte]- Adelfas (Habana, 1913. 2ª ed. Méjico, 1920).
- Tapeceres d'Oru (Habana, 1914).
- El valle negru
- Los Emigrantes (1915)
- Cien soneto (Habana, 1915).
- La ruta (Madrid, 1916)
- De l'Asturies simbólica (Habana, 1916. 2ª ed. Méjico, 1918).)
- ¿Quosque tandem? (Méjico, 1920).
- Alabastros (Méjico, 1921)
- Homes d'España (Madrid, Renacimientu, 1923).
- La moza del castañar (Madrid, Renacimientu, 1923).
- Homes d'España y d'América (Habana, 1925).
- De l'Asturies simbólica y nuevos poemes (Madrid, Renacimientu, 1925).
- La Carmona (Novela asturiana) (Madrid, Renacimientu, 1925).
- Cartelos (Poemes) (Madrid, Renacimientu, 1926).
- Los homes y los díes (Madrid, Renacimientu, 1927).
- La Pícara molinera
- Ente volcanes (Novela). (Madrid, Renacimientu, 1928).
- Xochitl y otros poemes. (Madrid, Ed. Ibero-Americana, 1929).
- Antoloxía poética. (Madrid, Ed. Ibero-Americana, 1930).
- Carey (Poemes de Cuba). (Madrid, Ed.Revista Norte, 1931). * Macorina
- L'Apregonada (Novela asturiana).
- El gallu de Mateón
- La Mariscala o'l verdaderu Bobes
- Juan de la Cosa (Madrid, Ed. Revista Norte, 1945).
- España y los sos homes
- América y los sos homes (Méjico, 1957)
- Ente pumares
- Ente palmeres (Vides emigrantes)
- El collar de la emperatriz
- El mundu y los sos homes
- La moza del molín
Referencies
[editar | editar la fonte]- ↑ URL de la referencia: https://dbe.rah.es/biografias/10107/alfonso-camin-meana.
- ↑ Afirmao en: Diccionario biográfico español. Identificador DBE: 10107/alfonso-camin-meana. Apaez como: Alfonso Camín Meana. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
- ↑ España, La Nueva. «so-muerte/1338943.html Camín vuelve a l'actualidá 30 años dempués de la so muerte - La Nueva España - Diariu Independiente d'Asturies». Consultáu'l 15 de xunu de 2016.
- ↑ España, La Nueva. «Albino Suárez: «Camín yera un home de lletres d'imaxinación desbordante» - La Nueva España - Diariu Independiente d'Asturies». Consultáu'l 15 de xunu de 2016.
- ↑ «Coleición Alfonso Camín». Consultáu'l 15 de xunu de 2016.
- ↑ Biblioteca Pública Municipal "Alfonso Camín" de Roces. «Alfonso Camín : guía de llectura». Consultáu'l 15 de xunu de 2016.