Diana Spencer
Diana Frances Spencer (1 de xunetu de 1961, Sandringham (es) – 31 d'agostu de 1997, Hospital de la Pitié-Salpêtrière (es)
) foi la primer muyer del príncipe Carlos d'Inglaterra. Fía menor de John Spencer, octavu conde d'Althorp, y de Lady Frances Ruth Roche. En 1968, tres divorciase'l matrimoniu Spencer, Diana quedó baxo custodia paterna, y ingresó na escuela de King's Lynn. Ente 1977 y 1978 estudió en Suiza, pa dempués afitar la so residencia en Londres, au conocería Carlos d'Inglaterra, heriede del tronu británicu, col qu'entamó a cortexar al cabu dos años.
Princesa de Gales
[editar | editar la fonte]El casoriu celebróse el 29 de xunetu de 1981 na catedral de Sant Paul (Londres) y foi oficiada pol arzobispu de Canterbury, no que foi tou ún acontecimientu social tresmitío per televisión a más de setecientos millones d'espectadores.
En xunu de 1982, Lady Dir parió al so primoxénitu, l'actual príncipe Guillermo. El segundu fíu de los príncipes de Gales, Enrique, nació en setiembre de 1984.
Diana quixo llevar una vida familiar enfotada nel curiao de los fíos, aunque la so axenda oficial impedía-ylo enforma vegaes. Hasta 1985, la pareyade príncipe nunca nun asoleyó roces, pero dende 1986 la prensa sensacionalista británica entamó a espublizar rumores de cris matrimonial.
La edición d'un llibru d'Andrew Morton sobre Diana, nel que l'autor afitaba les tesis del fracasu de la pareya real y confirmaba que Carlos caltenía una rellación cola so amiga Camilla Parker-Bowles, convirtió en noticia lo que, hasta entós, yeren namás cavilgamientos.
N'avientu d'esi añu, los príncipes de Gales sepárense, al tiempu que se da anuncia a una rellación de Diana con James Gilbey y españa una guerra d'acusaciones ente defensores de la princesa y la casa real británica.
El matrimoniu xébrase a la fin en marzu de 1994 y el 29 de febreru de 1996, Diana aceutó divorciase de Carlos.
Nos años siguientes, Diana desendolcó delles aiciones sociales, cola so presencia en una bayura d'actos sociales en favor d'organizaciones de calter humanitariu.
Diana caltuvo una cabera rellación sentimental col millonariu d'orixe exipciu Dodi Al Fayed. Ambos morrieron nun accidente d'automóvil, cuando trataben, al paecer, d'esquitar a los paparazzi y circulaben a gran velocidá pel interior del túnel de l'Alma en París. Lady Di foi enterrada na so llocalidá de nación.
Diana ostentaba dellos titulos nobiliarios, ente los que destaquen: Princesa de Gales y Condesa de Chester, Duquesa de Cornualles, Duquesa de Rothsay, Condesa de Carrick, Baronesa de Renfrew, Dama de las Îles y Princesa d'Escocia.
Antepasaos
[editar | editar la fonte]Lady Diana Spencer ye un nome compartío por dellos miembros de la familia Spencer, aristócrates ingleses averaos a los Churchill del Palaciu Blenheim. Sicasí, ye la Princesa Diana de Gales (1961-1997) la qu'algamó más popularidá.
La más notable de les predecesores de so foi Lady Diana Spencer (1710-1735), foi pidida en matrimoniu pol Príncipe de Gales Federicu. La nieta de John Churchill, primer Duque de Marlborough, foi encamentada pola so güela a axuntase a la familia real, más con oxetivos económicos que de querencies. Sicasí, el Rei Xurde II refugó'l casoriu. Lady Diana casóse finalmente en 1731 con John Russell, cuartu Duque de Bedford.
Referencies
[editar | editar la fonte]- ↑ Afirmao en: Gemeinsame Normdatei. Identificador GND: 118525123. Data de consulta: 31 xineru 2017. Llingua de la obra o nome: alemán. Autor: Biblioteca Nacional d'Alemaña.
- ↑ 2,0 2,1 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: http://www.nytimes.com/2008/03/23/arts/television/23gate.html.
- ↑ 4,0 4,1 4,2 4,3 4,4 Afirmao en: The Peerage. Identificador de persona en The Peerage: p10072.htm#i100712. Apaez como: Lady Diana Frances Spencer. Data de consulta: 9 ochobre 2017. Autor: Darryl Lundy. Llingua de la obra o nome: inglés.
- ↑ 5,0 5,1 5,2 Afirmao en: Kindred Britain.
- ↑ «NAMES IN THE NEWS : Princess Di Uses Sign Language» (10 agostu 1990).
- ↑ URL de la referencia: https://i.pinimg.com/736x/21/66/7c/21667c29bba243e8fd8cd1103c454bc5.jpg. Data de consulta: 17 abril 2024.
- ↑ Afirmao en: Royal Orders: The Honours and the Honoured. Páxina: 147. Editorial: Boxtree. Llingua de la obra o nome: inglés. Data d'espublización: 1994. Autor: Hugo Vickers.
Enllaces esternos
[editar | editar la fonte]- Páxina web oficial (n'inglés)
- Diana Spencer na Internet Movie Database (n'inglés)
- Diana Spencer en FilmAffinity (castellán)
- «Diana Spencer». en Find a Grave. (n'inglés)