Wikimedia Commons

Wikimedia Commons
Versión inicial	7 setiembre 2004
Tamañu	135 749 755 695 740, 246 218 971 518 004, 291 770 164 782 919, 326 359 483 952 645 y 375 021 629 721 153
Llingua orixinal	distintes llingües
Tipu	Proyecto de contenido de Wikimedia (es) , archivu, wiki con conversión de script (es) , proyeutu de Wikimedia, fototeca (es) y plataforma de contenido generado por el usuario (es)
Clasificación n'Alexa	300
Parte de	proyeutu de Wikimedia
N'asturianu	Sí
Más información
Twitter	WikiCommons y WikiCommonsComm
Facebook	WikiCommons
Instagram	wikicommons
Sitiu web	Web oficial
Etiqueta de Stack Exchange	Stack Exchange

Wikimedia Commons (davezu acurtiáu como Wikicommons o simplemente Commons) ye un proyeutu de Wikimedia creáu'l 7 de setiembre de 2004, al envís de sirvir como almacén d'archivos d'imáxenes y otros formatos multimedia pal restu de los proyeutos de la fundación. Tolos archivos han tar lliberaos enantes baxo llicencies llibres (como la GFDL) o nel dominiu públicu.

Anguaño tien más de 7 millones d'archivos multimedia llibres.

Historia

Primero de Commons, esistía una importante duplicación d'esfuerzos ente los proyeutos de Wikimedia, según les versiones en distintos idiomes d'ellos. Pa qu'un archivu qu'esistía nuna wiki pudiera utilizase n'otros, tenía de ser xubíu de nuevu a cada unu d'ellos.

En marzu de 2004, l'usuariu Erik Möller propón la creación d'un estoyu centralizáu de archivos multimedia, que sería bautizáu como "Wikimedia Commons" y llanzáu'l 7 de setiembre del mesmu añu. A finales d'ochobre, un cambéu del software fechu por él mesmu dexó per primer vegada que los archivos de Commons pudieren ser utilizaos direutamente nos demás wikis, ensin necesidá de xubilos per separáu a cada unu d'ellos. En payares escoyó'l logotipu del proyeutu, obra del usuariu Reid Beels, quien lu creara orixinalmente pa Wikinoticies, siendo refugáu.

Finxos

El 30 de payares de 2006, algamó'l millón de ficheros almacenaos.
El 9 d'ochobre de 2007, algamó los 2 millones de ficheros almacenaos.
El 16 de xunetu de 2008, algamó los 3 millones de ficheros almacenaos.
El 4 de marzu de 2009, algamó los 4 millones de ficheros almacenaos.
El 2 de setiembre de 2009, algamó los 5 millones de ficheros almacenaos.
El 27 de xineru de 2010, algamó'l millón d'usuarios rexistraos y tamién les 8 millones de páxines.
El 31 de xineru de 2010, algamó los 6 millones de ficheros almacenaos.
El 17 de xunetu de 2010, algamó los 7 millones de ficheros almacenaos.

Polítiques

Wikimedia Commons nun dexa archivos baxo fair use, llicencies que nun seyan llibres, nin llicencies llibres que nun dexen l'usu comercial o la creación d'obres derivaes (asina, nun s'almiten les variantes "NonCommercial" o "NoDerivs" de Creative Commons). Almítense namái archivos nel dominiu públicu o lliberaos so llicencies como la GNU o Creative Commons "Attribution" y "ShareAlike". Esto fai que la mayoría de les wikis dexen entá la xubida d'archivos llocal, pa poder asina xubir materiales que les polítiques d'esos proyeutos almiten, pero que violen les normes sobre llicencies de Commons.

Yá que l'envís cimeru de Commons ye sirvir de sofitu al restu de wikis de Wikimedia, esíxese que los archivos tengan una utilidá potencial pa los demás proyeutos. Asina, nun s'almiten fotografíes y otres obres puramente personales, al contrariu que n'estoyos como Flickr. A pesar d'ello, munchos de los archivos agospiaos en Commons entá nun s'utilizaron en nengún otru llugar, y pue que nunca lo faigan, yá qu'hai temes sobre los qu'hai munches más imáxenes que les que precisen los demás proyeutos. Esto fai que, por casu, ye daqué frecuente que nun artículu de Wikipedia enllazar les galeríes de Commons sobre'l mesmu tema como forma de facilitar material complementariu.

Imáxenes del añu


Imaxe del añu 2006	Imaxe del añu 2007	Imaxe del añu 2008	Imaxe del añu 2009

Imaxe del añu 2010	Imaxe del añu 2011	Imaxe del añu 2012	Imaxe del añu 2013

Imaxe del añu 2014	Imaxe del añu 2015	Imaxe del añu 2016	Imaxe del añu 2017

Referencies

Enllaces esternos

Wikimedia Commons tien conteníu multimedia tocante a Commons.
Commons n'asturianu