Quintueles (parroquia)

Quintueles
Alministración
País	España
Autonomía	Principáu d'Asturies
Provincia	provincia d'Asturies
Conceyu	Villaviciosa
Partíu xudicial	Villaviciosa
Tipu d'entidá	parroquia d'Asturies
Xeografía
Coordenaes	43°31′59″N 5°34′09″W / 43.53311°N 5.56912°O
	Quintueles Quintueles (Asturies)
Altitú	143 m
Llenda con	Quintes, Arroes, Xixón, Cabueñes y Deva
Demografía
Población	827 hab. (2021)
Porcentaxe	5.51% de Villaviciosa
Más información
Estaya horaria	UTC+01:00

Quintueles^[2] ye una parroquia del conceyu de Villaviciosa (Asturies). Llenda'l norte col mar Cantábricu, al sur cola parroquia de Deva (Xixón), al este coles parroquies de Xixón y Cabueñes (Xixón) y al oeste coles parroquies de Quintes y Arroes (Villaviciosa).

Xeografía

Asítiase nel llitoral cantábricu, na zona conocida como Les Mariñes. A unos 19 km. de Villaviciosa y 12 km de Xixón. Ye un pueblu costeru con guapos cantiles sobre'l mar Cantábricu con altures considerables. Trátase, colos sos 647 habitantes (padrón de 2006), en 407 viviendes, de la segunda población más poblada del conceyu, tres la capital. Con cuasi 10 quilómetros cuadraos, llenda al norte pel mar; al oeste con conceyu de Xixón; al este, Quintes y al sur, Arroes.

Llocalidaes

Nᵘ	Nome	Población	% población Quintueles (parroquia)
1	Rovigo		n/d
2	Quintueles		n/d

Sitios

Ca Castor
Capellanía
Cazamular
Cerreo
El Fielato
El Graneru
El Llendón
El Peñucal
El Regatón
El Vayu
Friúz
Granderroble
La Casona
La Corolla
La Güerta
La Rasuca
La Tuerba
La Venta la Esperanza
Los Pisones
Mataoveya
San Clemente

Economía

La población se dedicó a l'agricultura y a la ganadería dende antiguo, mas anguaño son les actividaes del sector secundariu les que predominen xunto a un puxante sector servicios.

Patrimoniu cultural

Los sos mayores monumentos son naturales como la sablera de la Ñora, la segunda más visitada de conceyu. Les múltiples sendes qu'esisten pal visitante. Los sos horros, quintes y grandes finques cultivaes colos productos estelares de la zona, como son la mazana y les fabes. Paquen la pena visitar les canteres de piedra arenisca de gran tradición na zona. Tien una pequeña ermida del sieglu XV que fai homenaxe a la Virxe de les Nieves, protexida nel so día por un gran carbayu.

Accesos

Pa llegar dende Xixón, garramos l'A-8 en direición a Santander y l'abandonamos na salida 378, direición Quintueles. Nel cruce cola N-632, yá dientro del pueblu, ha xirase haza la izquierda. Tres 200 metros, alcontrámonos, a la derecha, la carretera VV-I, en direición a la sablera de la Ñora. A unos dos quilómetros alcuéntrase lo que se pue considerar el centru del pueblu: la escuela y la Ilesia. Otra opción ye empobinamos pela carretera N-632 en direición a Villaviciosa. Poco dempués de pasar les instalaciones de la Llorea, déxase atrás el conceyu de Xixón y s'entra nel de Villaviciosa y, con ello, nel pueblu de Quintueles. A unos 3 quilómetros atoparemos el desvíu haza sablera de La Ñora. En total, unos 10 quilómetros dende Xixón.

Fiestes

5 d'agostu. Fiestes de Granderrroble. Virxe de les Nieves.
24 d'agostu. Fiestes de San Bartolomé.
23 de payares. Fiesta de San Clemente.
Abril. Tienen gran sonadía'l Festival Gastronómicu de la Llámpara, que se celebra en primavera en Quintueles, organizáu pola Sociedá Cultural Recreativa "Clarín" de Quintes en collaboración con hosteleros de dambos pueblos.

Ver tamién

Sablera de la Ñora

Referencies

↑ Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
↑ «Espediente colos topónimos oficiales de Villaviciosa». BOPA.

Enllaces esternos

	Parroquies de Villaviciosa
Amandi \| Argüeru \| Arnín \| Arroes \| Bedriñana \| Breceña \| El Bustiu \| Camoca \| Candanal \| Carda \| Careñes \| Castiellu \| Cazanes \| Celada \| Coru \| Fuentes \| Grases \| La Llera \| Llugás \| La Madalena \| Miravalles \| Niévares \| Oles \| Pion \| Priesca \| Pueyes \| Quintes \| Quintueles \| Rales \| Rozaes \| Samartín de Vallés \| Samartín del Mar \| San Pedru Ambás \| San Xusto \| Santoxenia \| Seloriu \| Tazones \| Tornón \| Valdebárcena \| Villaverde \| Villaviciosa

[295a86791112e9f6fb69c894402525c5375513b3-1] Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.

[toponimia-villaviciosa-2] «Espediente colos topónimos oficiales de Villaviciosa». BOPA.

[1]

[2]