ويكيپيديا:بوتات
لبوتات د ويكيپيديا هوما بوتات مخدّمين ف ويكيپيديا باش يردّو مهام ؤلا عطاشات غاديين بشكل ؤطوماتيكي بلاصت مايديروهوم لكتاتبيا ب يديهوم. هادشي كينفع ملي هاد لعطاشات كيكونو كتار بزاف و غادي يشدو مقدار كبير د لوقت، ؤلا مملين ل درجة بلي أغلبية د لكتاتبيا ماغاديش يبغيو ياخدو لوقت باش يديروهوم.
لبوت ف لعادة كيكون پروڭرام مكتوب ب لونڭاج ديال لبرماجة، على شكل سكريپت كيلونصيه لواحد من لپيسي ديالو، ؤلا من سيرڤور. و كيدوز على الصفاحي باش يجمع معلومات محددة، ؤلا يبدل شي حاجة ف النص ؤلا ف لكوض. أي كتاتبي عندو معا لبرماجة يقدر يطور بوت ديالو و يدير طلب باش ياخد صلاحيات د لبوت. هاد الطلب كاتراجعو الجماعة د لويكيپيديين، لي يقدرو يطرحو أسئلة على التفاصيل التقنية د لبوت و لمهام ديالو، و ف اللخر كيڤوطيو واش يعطيو الصلاحيات ؤلا لا.
يقدر أي كتاتبي يدير تا طلب ديال عطاشة بوتية يلا بانت ليه شي حاجة لي خاصها تدار ف مئات ؤلا ألاف د الصفاحي، و غادي تشد وقت قل بزاف ب لبوت.
بوتات د ويكيپيديا
[بدل لكود]كاينين دابا 8 د لبوتات ف ويكيپيديا ب الداريجة. منهوم بوتات محلية لي وافقات عليها الجماعة، و بوتات عالمية لي خدامة ف بزاف د لويكيات بلا ماتدير طلب محلي.
بوتات محلية
[بدل لكود]- مينوبوت MenoBot: بوت كيدير إصلاحات نصية و ف لكوض د ويكي. أول بوت محلي خدم ف ويكيپيديا ب الداريجة.
- پڭڤبوت PGVBot: بوت خدمتو يعوض لحروف و لكلمات ب الشكال لي تافقات عليها الجماعة د لويكيپيديين، بحال حرف ڭ، گ => ݣ.
- داريجابوت DarijaBot: بوت عام كيدير بزاف د لأنواع د لعطاشات لبوتية، منها لمصاوبة د لمقالات و التصنيفات، الصفاحي د الشرح، الصيانة د لمقالات، و غيرهوم.
- أمغاربوت AmgharBot: بوت عندو صلاحيات ديال أمغار، و كيتكلف ب لمهام لي مايقدر يديرها غير أمغار.
- صاحبوت Sa7bot: بوت مكلّف ب التصحيح د لمعلومات و لكتابة.
- InternetArchiveBot: بوت مكلّف ب لمقادة د لارشيڤات د لعيون.
بوتات عالمية
[بدل لكود]- لبوت لعام ديال ميدياويكي MediaWiki default
- مرسول ميدياويكي MediaWiki message delivery