داليدا
| ||||
---|---|---|---|---|
(باللغه فرنساوى: Dalida) | ||||
معلومات شخصيه | ||||
اسم الولاده | (باللغه طليانى: Iolanda Cristina Gigliotti) | |||
الميلاد | 17 يناير 1933 [1][2][3][4][5] | |||
الوفاة | 3 مايو 1987 (54 سنة)[1][2][3][5] | |||
سبب الوفاة | جرعه زايده | |||
مواطنه | ||||
الشريك | كريستيان د لا مازير (1963–1966) لويجى تينكو (1966–1967) الان ديلون (–1962) | |||
اخوه و اخوات | ||||
الحياه العمليه | ||||
النوع | شانسون ، وبوب ، وديسكو | |||
المهنه | ممثلة افلام ، ومغنيه ، وموديل ، ورقاصه [7] | |||
نوع الصوت | الكونترالتو | |||
الآلات الموسيقيه | صوت بشرى | |||
المهنه | ممثلة افلام ، ومغنيه ، وموديل ، ورقاصه [7] | |||
اللغه الام | اللغه المصريه الحديثه ، ولغه طليانى | |||
اللغات المحكيه او المكتوبه | لغه فرنساوى [8]، وانجليزى ، واللغه المصريه الحديثه ، ولغه اسبانى ، ولغه طليانى | |||
بداية فترة العمل | 1954 | |||
التوقيع | ||||
المواقع | ||||
الموقع | الموقع الرسمى (لغه فرنساوى ) | |||
IMDB | صفحته على IMDB | |||
تعديل مصدري - تعديل |
يولاندا كريستينا جيجليوتى (طليانى: Iolanda Cristina Gigliotti) المشهوره بـ داليدا (Dalida) (17 يناير 1933 – 3 مايو 1987) كانت مغنيه مصريه من اصل طليانى (من كالابريا) اتولدت و اتربت فى مصر فى حى شبرا فى القاهره مع اخوها الكبير أورلاندو (1930-1992) و اخوها الصغير برونو (1936). والدهم كان عازف للكمنجه فى دار الاوبرا الخديويه. سافرت فى ديسمبر 1954 لفرنسا و عاشت هناك معظم حياتها.
حياتها المهنيه
[تعديل]داليدا ابتدت مشوارها الفنى كممثله، و ظهرت لأول مره في فيلم "سيجارة وكاس" للمخرج نيازى مصطفى اللى صدر سنة 1955. و تظهر على البوستر اللى يحمل اسمها الفني الجديد داليلا، علشان "كان اسم منتشر جدًا في مصر وأعجبني كتير" زي ما شرحت سنة 1968. وبعد كده غيرته ل"داليدا" للتفريق بينها وبين الشخصية التوراتية دليله. بعدين حققت مسيره فنيه دوليه كمغنيه و باعت أكتر من 140 مليون أسطوانه حول العالم. داليدا غنت اغانى ناجحه كتير بالفرنساوى و الطليانى و الانجليزى و الاسبانى و المصرى و الالمانى و العبرى و الهولاندى و اليونانى و لحد باليابانى. من أشهر أغانيها بالمصرى سالمه ياسلامه اللى عنتها للمره الأولى سنة 1976 وهي نسخه جديده لعمل سيد درويش مع كلمات صلاح جاهين. اشتغلت مع مغنين زي خوليو اجليسياس، شارل ازناڤور، جوني ماثيس و بيتولا كلارك. رجعت إلى السينما مع فيلم اليوم السادس للمخرج يوسف شاهين اللى صدر سنة 1986.
حياتها الشخصيه
[تعديل]رغم الشهره العالميه الكبيره اللى وصلتلها، حياة داليدا الشخصيه كانت سلسله من المشاكل فى أبعادها العاطفيه. فى 8 ابريل 1961 اتجوزت من لوسيان موريس مدير برامج إذاعيه و سبب شهرتها فى فرنسا لكن ماكنش الا جواز عمل ماكنش فى شهر عسل و ماكنش بيكلمها الا عشان اغانيها. حست داليدا ان هوه مبقاش يحبها زى الاول و فى مدينه كان فى يوليه 1961 قابلت داليدا الممثل جان سوبيسكى ووقعت فى حبه و فى يناير 1962 طلقها لوسيان موريس بسبب اكتشافه لخيانتها لى و عاشت داليدا مع جان و انفصلوا عن بعض فى سنة 1963 و فى اكتوبر 1966 قابلت داليدا كاتب الاغانى و المغنى الايطالى لويجى تينكو و اتخطبوا فى يناير 1967 و أعلنوا عن خطط زفافهم اللى هيتم فى شهر ابريل من نفس السنه و تطوعوا فى مهرجان فى مدينة سانريمو فى ايطاليا 27 يناير 1967 كانت الأغنية ciao amore ciao و كانت ليلة مأسوية لان بعد فشلهم فى المهرجان انتحر لويجى فى اوضته فى فندق و داليدا اول من اكتشف جثته فحاولت داليدا الانتحار فى 27 فبراير 1967 فى نفس الاوضه بجرعة زائدة من الحبوب المنومه لكن تم انقاذها بمعجزة و فضلت فى غيبوبة لمده خمس ايام و اتعرضت داليدا الاكتئاب. فى اكتوبر 1967 قابلت شاب ايطالى و حملت منه بعد شهرين وقررت الاجهاض سرا الا بمعرفة اخوها أورلاندو وبنت عمهم و بعد الاجهاض اصبحت عاقم بسبب محاولة الانتحار الاولى. قررت داليدا العلاج النفسى لحد انها سافرت الى الهند للعلاج النفسى فى 21 اكتوبر 1972. عن طريق پاسكال سيڤران قابلت ريتشارد شانفرى المعروف باسم الكونت دى سان جيرمان كانت داليدا بتعانى من الاكتئاب بسبب انتحار طليقها لوسيان موريس فى 11 سبتمبر 1970 و انتحار لويجى تينكو ده غير وفاة والدتها فى 1971 ، وقعت داليدا فى حب ريتشارد بسرعة و كان ريتشارد بيدعى أنه يقدر يحول الرصاص لدهب كانت داليدا معجبه بشخصيته الملونه و حبه ليها و سجلوا اغنية et damour, سنة 1975 و رغم حبهم لبعض الا أنهم انفصلوا فى سنة 1981. بعد سنتين من انفصالهم انتحر ريتشارد فى 20 يوليه 1983. بقت داليدا وحيده لا زوج ولا اطفال فى سنة 1986 سجلت الأغنية الفرنساوىة Les homme de ma vie واللى بتشرح فيها عن حياتها العاطفية الفاشلة و عن كل الرجالة اللى كانو فى حياتها انتحروا عانت داليدا الاكتئاب الحاد فى سنة 1987 و قررت الانتحار فى ليلة 2 مايو 1987 اخدت حبوب زائده من المنوم و كاس كحول لزيادة تأثير المهدئات و توفت فى نهار 3 مايو و كتبت قبل متنتحر رسالة (سامحوني....الحياة مابقتش تحتمل) اتدفنت فى مقابر مونمرتر بشمال باريس و بنى ليها تمثال بالحجم الطبيعى لها.
فيلموجرافيا
[تعديل]تمثيل افلام مصريه
- فيلم "ارحم دموعي" مع المخرج هنرى بركات
- سيجارة و كاس (1955) مع ساميه جمال
- غزل البنات ( كومبارس )
- فيلم يوسف و إخوته مع عمر الشريف (1954)
- فيلم قناع توت عنخ آمون (1955)
- 1959 : Brigade des mœurs de Maurice Boutel
- 1958 : Rapt au Deuxième Bureau de Jean Stelli
- 1961 : Parlez-moi d'amour
- 1963 : L'Inconnue de Hong Kong de Jacques Poitrenaud avec Serge Gainsbourg
- 1965 : Menage all'italiana (Ménage à l'italienne) de Franco Indovina, avec Ugo Tognazzi
- 1968 : Io ti amo d'Antonio Margheriti
- 1977 : Comme sur des roulettes de Nina Companeez
- 1986 : Le Sixième Jour de Youssef Chahine
- فيلم اليوم السادس إخراج: يوسف شاهين.
أغانى بالمصرى
[تعديل]وصلات برانيه
[تعديل]شوف كمان
[تعديل]مصادر
[تعديل]- ↑ أ ب وصلة : 119375001 — تاريخ الاطلاع: 2 مايو 2014 — الرخصة: CC0
- ↑ أ ب معرف الشبكات الاجتماعيه: https://snaccooperative.org/ark:/99166/w6hx1nfv — باسم: Dalida — تاريخ الاطلاع: 9 اكتوبر 2017
- ↑ أ ب فايند اغريف: https://www.findagrave.com/memorial/3685 — باسم: Dalida — تاريخ الاطلاع: 9 اكتوبر 2017
- ↑ مُعرِّف شخص في قاعدة بيانات "روغلو" (Roglo): https://wikidata-externalid-url.toolforge.org/?p=7929&url_prefix=https://roglo.eu/roglo?&id=p=iolanda+cristina;n=gigliotti — باسم: Iolanda Cristina Gigliotti
- ↑ أ ب مُعرِّف شخص في أرشيف مُونزِينجِر (Munzinger): https://www.munzinger.de/search/go/document.jsp?id=00000016354 — باسم: Dalida — تاريخ الاطلاع: 9 اكتوبر 2017
- ↑ وصلة : 119375001 — تاريخ الاطلاع: 15 ديسمبر 2014 — الرخصة: CC0
- ↑ أ ب المحرر: Anne Commire و Deborah Klezmer — العنوان : Dictionary of Women Worldwide — الناشر: جيل (ناشر) و Yorkin Publications — ISBN 978-0-7876-7585-1
- ↑ مُعرِّف "كُونُور" (CONOR): https://plus.cobiss.net/cobiss/si/sl/conor/81744483
لينكات برانيه
[تعديل]- داليدا على موقع قاعدة بيانات الأفلام على الإنترنت - IMDb (الإنجليزية)
- داليدا على موقع روتن توميتوز - Rotten Tomatoes (الإنجليزية)
- داليدا على موقع Munzinger IBA (الألمانية)
- داليدا على موقع ألو سيني - AlloCiné (الفرنسية)
- داليدا على موقع ميوزك برينز - MusicBrainz (الإنجليزية)
- داليدا على موقع أول موفي - AllMovie (الإنجليزية)
- داليدا على موقع قاعدة بيانات الأفلام السويدية (السويدية)
- داليدا على موقع أول ميوزيك - AllMusic (الإنجليزية)
- مقالات تحتوي نصا باللغه الفرنساوى
- مقالات تحتوي نصا باللغه الطليانى
- مواليد 1933
- مواليد 17 يناير
- وفيات 1987
- مغنيين فرنساويين
- مغنيات ايطاليات
- ممثلات ايطاليات
- مصريين طليان
- مغنيات مصريات
- ممثلات مصريات
- موديلات مصريات
- ملكات جمال مصريات
- فرنساويين طليان
- فرنساويين مصريين
- مغنيات فرنساويات
- ممثلات فرنساويات
- موسيقيين فرنساويين
- منتحرين
- ممثلات انتحروا