علم مصر
| ||||
---|---|---|---|---|
ألوان | ||||
الاعتماد | 4 اكتوبر 1983 | |||
الاختصاص | مصر | |||
بيصور | النسر الجمهوري حقل | |||
رمز يونيكود | 🇪🇬 | |||
تعديل |
علم مصر اعلن عنه فى يوم 4 اكتوبر سنة 1984 و بيتكون من تلات مستطيلات بالعرض متساويين و طوله بيساوى عرضه مرتين و بترتيب الالوان:
الاحمر (فوق): بيعتبر من اقوى الالوان, و بيعبر عن القوة والامل و دم الشهداء المصريين اللى ضحوا عشان مصر ودايما مستعديين يفدوها بدمهم.
ابيض(فى النص): بيعبر عن طيبة المصريين و السلام.
اسود (تحت): بيعبر عن عصور الجهل و الاستبداد و الاحتلال اللى مرت بيها مصر و بيذكر المصريين بيها
العقاب المصرى فى نص المستطيل الابيض موجود شعار العقاب المصرى و تحته مكتوب جمهورية مصر العربية, و بيعبر عن قوة مصر و الشعار اللى كان بيستخدمه صلاح الدين الأيوبى فى عصر الدولة الايوبيه لأنه قوى ما بياكلش الجثث الميتة و كان مقدس عند الفراعنه.
اعلام مصر فى العصر الحديث
علم الدوله المملوكيه و المماليك المصريه من 1250حتى 1826
رغم ان الدوله المملوكيه قضى عليها الاتراك العثمانيين اللى فتحوا مصر سنه 1517 لكن العثمانيين خلو بقايا المماليك تحت سيطرتهم و بقى المماليك الكبار بكوات و كان ليهم امتيازات خاصه و ادوهم حق الاترقا لدرجة باشا، و بكدا قدر العثمانيين يفرضو سيطرتهم على بقايا المماليك و بقى الوضع على ما هوه عليه لحد أعلن محمد على نفسه باشا منعزل عن العثمانيين و كون حكم مصرى و امبراطوريه مصريه قويه و انتصر على العثمانيين و ضم اراضى تركيه لمصر معركة الاهرامات.
علم مصر وقت الحكم العثمانى و اوائل حكم محمد على من 1826 لحد 1867
العلم لونه احمر و فيه هلال ابيض فيه نجمة سباعيه و النجمه السباعيه زودها محمد على على علم الدوله العثمانيه لانه كان عايز ينفصل بمصر عن الدوله العثمانيه.
اتمتعت مصر باستقلال صورى على شكل خديويه علشان تبين استفلالها عن السلطه العثمانيه و اعلن محمد على العلم الجديد لمصر بقى علم احمر فيه تلات هلالات لونهم ابيض و قدام كل هلال نجمة. بيتقال ان التلات نجوم دول بيعبروا عن انتصرات الجيش المصرى فى عهد محمد على فى القارات التلاته (افريقيا - أوروبا - اسيا) او بيعبروا عن سيطرة محمد على على مصر و السودان و الحجاز والشبه بينه و بين العلم العثمانى كان علشان محمد على كان نفسه يقضى على الاسره العثمانيه و يحكم هوه الامبراطوريه كلها.
علم المملكة المصريه من 1922 لحد 1954
العلم اخضر فيه هلال ابيض و تلات نجوم لونهم ابيض به هلال ابيض. واعلن عنه فى سنه 1923 بعد اعتراف بريطانيا باستقلال مصر مع ان الانجليز كانو بيتدخلوا لسه فى سياسات مصر. والنجوم التلاته بيتقال انها بترمز للاجزاء التلاته اللى بتتكون منها المملكة المصرية هيا مصر و النوبه و السودان، او ديانات المصريين التلاته وهما الاسلام و المسيحية واليهودية. فضل العلم دا مستخدم لحد ما قامت ثورة 23 يوليو بقيادة جمال عبد الناصر سنه 1952.
اتغير العلم القديم بواحد جديد بيتكون من تلات الوان (احمر و اسود و ابيض) وفى نصه شعار الجمهورية اللى هوه النسر، النسر كان عريض الشكل و ليه درع اخضر فى هلال ابيض و تلاتة نجوم. واعلنوا ان الالوان بتمثل
- الاحمر للثوره.
- الابيض للعد الجديد او السلام والتحرير والرخاء.
- الاسود للعهد القديم و اعداء الثوره.
اتقال كمان ان الالوان دى بتمثل الحرية والاشتراكية والوحدة.
علم الجمهورية العربية المتحدة من 1958 لحد 1971
اتعلنت الوحده الفيدرالية بين مصر و سوريا واتغير اسم " جمهورية مصر "لالجمهورية العربية المتحدة وبقى الاقليم الجنوبى (مصر) و الشمالى (سوريا) و اتشال النسر وحطه مكانه نجمتين خضر بيمثلوا مصر و سوريا. خلصت الوحده بعد ما حصل انقلاب فى سوريا سنه 1961, بس فضل العلم زى ما هوه و فضل اسم مصر هوه الجهورية العربيه المتحده و اتشال اسم مصر لاول مرة فى التاريخ.
السادات مسك الحكم و حصلت وحده تانيه باسم اتحاد الجمهوريات العربية مع ليبيا و سوريا و شالوا النجمتين من العلم المصرى وحطه صقر كشعار للاتحاد و بعد ما الاتحاد فشل. فضلت مصر بنفس العلم لحد ما فى سنه 1984 رجع العقاب تاني
يعتبر الفراعنه اقدم ناس فى التاريخ صمموا علم ليهم بيمثل و بيرمز للمصريين و كانو بيستخدموا الاعلام فى الحروب و الاعياد و الحفلات.
التاريخ | العلم |
---|---|
قبل 1826 | |
1867-1826 | |
1882-1867 | |
1914-1882 | |
1923-1914 | |
1958-1923 | |
1958-1952 |
|
1971-1958 | |
1984-1971 | |
1984- لحد دلوقتي |
مشتقات من العلم المصرى
-
علم القوات المسلحة
-
علم القوات البحرية
-
علم القوات الجوية