ڤلاد التالت
| ||||
---|---|---|---|---|
(باللغه رومانى: Vlad al III-lea Țepeș) | ||||
معلومات شخصيه | ||||
الميلاد | سنة 1431 [1] | |||
الوفاة | 14 ديسمبر 1476 (44–45 سنة) | |||
الاب | فلاد التانى دراكول [2] | |||
اخوه و اخوات | ||||
اللغات المحكيه او المكتوبه | سلافونيه كنسيه ، ولغه رومانى | |||
التوقيع | ||||
تعديل مصدري - تعديل |
ڤلاد التالت (رومانى: Vlad Țepeș نطق: [ˈvlad ˈt͡sepeʃ]) امير ولاهيا (رومانى: Valahia), معروف كمان باسامى زى ڤلاد المخزوَق, ڤلاد دراكولا (1431 – ديسمبر 1476), كان امير منطقة ولاهيا اللى فى جنوب رومانيا و اتعرف بقسوته الرهيبة فى معاقبة المجرمين و اعدائه بالخازوق (و علشان كدا من اساميه ڤلاد المخزوق) و سبب شهرته فى العالم هيا رواية دراكولا (Dracula) اللى الفها برام ستوكر (Bram Stoker) سنة 1897, بعد ما الهمله ڤلاد التالت, و اللى بتحكى عن مصاصين الدم.
الحقيقة التاريخية انه كان امير عظيم من عيلة باساراب قدر يدافع عن بلاده ولاهيا ضد الغزو العثمانى و ديبلوماسى عبقرى نجح فى الحفاظ على بلده على الحياد بين الامبراطورية العثمانية و الامبراطورية المجرية. و علشان كدا بيعتبره الرومانيين بطل قومى و تمثاله موجود لسة لحد دلوقتى فى وسط مدينة بوخارست (Bucharest).
اول حياته
[تعديل]ڤلاد دراكولا اتولد فى ترانسيلفانيا (Transylvania) سنة 1431 و كان عنده اخ اكبر منه اسمة ميرشا و اخ اصغر منه اسمة رادو الوسيم (رومانى: Radu cel Frumos). رغم انه اساسا من ولاهيا فى الجنوب بس عيلته عيلة باساراب كانت منفية فى الشمال لان ابوه كان بيعارض تدخل الاتراك العثمانيين.
الرهينة
[تعديل]السلطان العثمانى عمل ضغط كبير على ابوه وهدده باحتلال بلده و علشان كدا اتفق اخيرا مع السلطان انه يعينه اقطاعى على ولاهيا و انه يبعت اتنين من ولاده رهينة عند السلطان علشان يحافظ على وعده.السنين اللى قضاها ڤلاد اسير عند السلطان ساهمت بشكل كبير فى تشكيل شخصيته و كان غالبا ما بيتجلد بالكرباج عقابا ليه على عناده و وقاحته مع السجانين. و هنا اتعلم فنون التعذيب.
سنين الحكم و المنفى
[تعديل]فى سنة 1477 مات ابوه مقتول و اخوه الكبير اتقتل على ايد اعداءه السياسيين, و علشان يحافظ الاتراك على الاستقرار فى المنطقة غزو ولاهيا و عينو ڤلاد التالت امير عليها فاكرين انه ح يبقى لعبة فى ايديهم. الوضع بسرعة اتغير و حصل غزو من امير مجرى اسمه هونيادى و شاله من الحكم فى اقل من سنة و بعديها هرب ڤلاد على مولداڤيا (Moldavia) فى الشمال. اتطورت الامور و مات هونيادى (انجليزى: John Hunyadi) و انشغلت المجر بتحرير صيربيا من الاتراك و ساعتها هجم ڤلاد على والاهيا و بقى الحاكم الوحيد ليها. قضى سنين حكمه فى صياغة القوانين و مقابلة الوفود الاجانب ورياسة المحاكمات المهمة و كمان كان بيحضر الاعياد الدينية و كان كمان بيستمتع بالصيد.ف سنة 1495 بطل يدفع الجزية للعثمانيين و عمل تحالف مع المجريين و اللى جنن الاتراك و قررو يتخلصو منه و لكنهم فشلو. السلطان محمد التانى (الفاتح) قاد جيش ضخم متكون من 60,000 من القوات النظامية و 30,000 من القوات المش نظامية وفى ربيع 1462 هجم على ولاهيا.و كتحية ليه, ڤلاد المخزوق اعدم 20,000 سجين تركى بالخاوزق و علقهم علشان يرحبو بالسلطان على طول الطريق. جيش ڤلاد ماقدرش يوقف السلطان اللى دخل العاصمة بتاعة ولاهيا و عين اخوه رادو الوسيم امير على ولاهيا, ڤلاد استمر فى حرب العصابات ضد الاتراك بس اخوه عمل صفقة مع النبلاء فى ولاهيا و مع الامبراطور المجرى و بكده ڤلاد بقى وحيد و اتسجن و بعديها طلع من السجن المجرى و استمر فى مقاتلة الاتراك.
موته
[تعديل]سنة 1476 و فى معركة قرب بوخارست مع العثمانيين اتقتل ڤلاد دراكولا و قطعو راسه و بعتوها على استانبول علشان السلطان يتاكد انه مات. السلطان حفظ راسه فى العسل و علقها على خازوق للعرض على الناس.
بورتريه
[تعديل]ڤلاد التالت له صوره مرسومه اكتشفها مؤرخين رومانيين ف أواخر القرن التسعتاشر فى قلعة امبراس [3][4]
شوف كمان
[تعديل]مصادر
[تعديل]- ↑ https://www.nbcnews.com/sciencemain/vlad-impaler-real-dracula-was-absolutely-vicious-8C11505315 — تاريخ الاطلاع: 14 نوفمبر 2019
- ↑ المؤلف: Leo van de Pas
- ↑ Florescu, Radu R.; McNally, Raymond T. (1989). pp. 74–75.
{{cite book}}
: Missing or empty|title=
(help); Unknown parameter|lastauthoramp=
ignored (help) - ↑ المرجع غلط: اكتب عنوان المرجع فى النُص بين علامة الفتح
<ref>
وعلامة الافل</ref>
فى المرجعFlorescu