Noldaf goyol
Noldaf goyol Anser caerulescens | |||||||||||||||
| |||||||||||||||
giltafa pulara | |||||||||||||||
Bliind | Animalia | ||||||||||||||
Dansok | Chordata | ||||||||||||||
Pula | Aves | ||||||||||||||
Veem | Anseriformes | ||||||||||||||
Yasa | Anatidae | ||||||||||||||
oxi | |||||||||||||||
Anser | |||||||||||||||
Brisson, 1760 | |||||||||||||||
katca | |||||||||||||||
Anser caerulescens | |||||||||||||||
Linnaeus, 1758
| |||||||||||||||
Noldaf goyol ( Anser caerulescens ) tir katca ke Anatidae yasa, tigisa koe naelafa arktikafa lenteka.
Pimtara
[betara | va krent betá]Goyol, faltaf goyol isu batakaf
[betara | va krent betá]Va faltaf goyol valente Kanada is koe Alaska mali konaka sanda loloon trasit ; batakaf goyol luxeon illaumad : tulon moe Baffin ewala, faltaf goyol va 80 % ke sanelia lizukon kaatoed ! Bat goyol dis va lukoptlerkaf bruxeem ukakiraf gu falte va tigixo ronon dun wad ; ede wan abdufid, pune va batakaf goyol koe jontika gola ke naelafa lenteka co ikarundatad. Wori toloya apta va sint grupaotced, voxen ota dem aotcafa tolonga tir axafa kiren kon goyol va milksevaf dositik sokabdualbar. Lazava ke titaytcura ke batakaf goyol zo grupensed ise rotid ke sinaf nazbalkesis zoneem.
Noldaf goyol va toloya apta sodir : batakafi zveri dem ebeltafa wiltotsa ; solve faltaf goyol tid dem antafa batakafa taka. Ison, konaka amidacapa tid : logijaf goyol moe ewaleem ke arktikafa Kanada is Nunaata begamud lize kotak tir vas mon toloy vuntoy goyol ; lepinaf goyol luxeon tid lok vas toloy ik baroy celemoy olkik. Kot goyol sotir lamas ise va ruga radimi almotcera wali pereaksat is anyusteaksat jovler.
Tanara va po askir
[betara | va krent betá]Kotviele goyol ton boniaxopo begamur, pune va volnik me craker. Moe Wrangel ewala lentrone Sibira, 400 000 bati zeri tandeon nazbalked isen va 100 begama fuxe tanoy decemiray patat ! Wivgasik ( naelaf bresitol is gijafa razama is lakroda ) lente otapa dimelanid ise va cwasa goyolya is sinaf atoeem voldjuvangid. Voxen bumafa tolonga ok tumam keskoton meromalplatis va ruzadera co xaked. Wori begamuson drume noldafa bugimoda tisa gijarotifi fliwafi zveri, lan goyol va keskotafa nendara trasid.
Afigasuteks
[betara | va krent betá]-
Noldaf goyol
-
Noldaf goyol
-
Noldaf goyol
-
Noldaf goyol, talason
-
Ato ke Noldaf goyol
Xantaza
[betara | va krent betá]- Noldaf goyol dene www.europalingua.eu
Notraca
[betara | va krent betá]Pulasa vuestexa is klita
[betara | va krent betá]
- (en) vuest- : Alan P. Peterson : Anser caerulescens is Anseriformes
- (en) vuest- : Animal Diversity Web : Anser caerulescens
- (fr+en) vuest- : Avibase : Anser caerulescens
- (en) vuest- : Catalogue of Life : Anser caerulescens (Linnaeus, 1758)
- (en) vuest- : Walvedeyafa Zveriopafa Aba : Anser caerulescens is Anseriformes
- (fr) vuest- : DORIS : espèce Anser caerulescens
- (fr) vuest- : Oiseaux.net : Anser caerulescens
- (fr) vuest- : INPN : Anser caerulescens (Linnaeus, 1758)
- (fr+en) vuest- : ITIS : Anser caerulescens (Linnaeus, 1758)
- (en) vuest- : Fauna Europaea : Anser caerulescens
- (en) vuest- : NCBI : Anser caerulescens
- (en) vuest- : Tree of Life Web Project : Anser caerulescens
- (en) vuest- : UICN : Anser caerulescens (Linnaeus, 1758)
- (en) vuest- : World Register of Marine Species : Anser caerulescens (Linnaeus, 1758)
Ara vuestexa
[betara | va krent betá]- Noldaf goyol (Anser caerulescens) dene Wikispecies