Blizdekol (Ammotragus lervia)
Blizdekol Ammotragus lervia | |||||||||||||||
| |||||||||||||||
giltafa pulara | |||||||||||||||
Bliind | Animalia | ||||||||||||||
Dansok | Chordata | ||||||||||||||
Volveydansok | Vertebrata | ||||||||||||||
Pula | Mammalia | ||||||||||||||
Volveypula | Theria | ||||||||||||||
Tolvolveypula | Eutheria | ||||||||||||||
Veem | Artiodactyla | ||||||||||||||
Yasa | Bovidae | ||||||||||||||
Volveyyasa | Caprinae | ||||||||||||||
oxi | |||||||||||||||
Ammotragus | |||||||||||||||
Blyth, 1840 | |||||||||||||||
katca | |||||||||||||||
Ammotragus lervia | |||||||||||||||
Pallas, 1777
| |||||||||||||||
Blizdekol (Ammotragus lervia) tir tana moukolafa katca ke Ammotragus oxi vey Bovidae yasa ( Caprinae volveyyasa ) ke ARTIODACTYLA veem.
Gan Pallas bak 1777 taneon zo pimtayar.
Pimtara
[betara | va krent betá]Blizdekol (Ammotragus lervia) vas deaxol lodam namulol vektar. Aftalerkafa uka ke im nover da in gu bixe is pistok ke anameda zo dojer. Va uulaf is zegodaf noleem sodir ; im tir vaf is aultoves keve ast is abduinieem.
Blizdekolya ton lospa giblid ; blizdekolye ba renugal kazokeved.
Blizdekol va werd is luc gimalestur.
Blizdekol tir prantapaf tollubekdunol. Inieem tir gamiaf is vaf gu zae, dem bargentimaf levak is abrotce vas 65 ik 80 cm-. Abrotce ke inieem ke blizdekolya tir vas anton 40 cm-. Va trelaf yinaxot keve kapray is metsa, is abrotcapafa gila leve larida dir, i va gila kale bade is riwe besasa va radimeinieem
Blizdekol valente Afrika blir, dye lente Niger bost kale Sudana is Ahmar bira. Inafo gubefo irubaxo tir yekirafo letaxo. Va jontika ruxinda malestur, i va luc is larga. Irubaxo tir lindackafo, neken in balte ulir kotviele va lava trasir.
Blizdekol me tir doblipis sulem : dene tum dem baroy ik tevoy olkik gubeon blir, voxe dile do tol-sanoy milkatcik tici rodugal. Guazafe blizdekolye antion blid, vaxeon bak walikrarugal.
Bat govitol tir donaf ticumasik isu grablesik. Bak afizcek koe izgaxo zavzagir nume to bak anton lofedaf bartiv ok miel va sinka kaaneyar. Riuca ke tor koe irubaxo askir da in va beta tamba zemapar.
Nazbarugal loviele tir bak san-taneaksat. Ocagugal remi aluboy aksat is acku jijar aze blizdekolya va tanoy ok toloy oc nazbar.
Kira
[betara | va krent betá]- Veem : Artiodactyla
- Yasa : Bovidae
- Lum : upene vas 90 ik 105 cm- ke blizdekolye ; vas 70 ik 90 cm- ke -olya
- Aldo : 100 ik 140 kg- ke -olye ; 40 ik 45 kg- ke -olya
- Talgeem : 32 talga
- Nazbarugal : santaneaksat
- Ocagugal : 150 ik 165 viel
- Occek : 1 ok 2 ( rion 3 )
- Ikralukruca : 2 tanda ke -olya
- Blirugal : mon 15 tanda
Vexala dem apteem
[betara | va krent betá]Sedme Mammal Species of the World (siatos ke 2005), bata katca vas 6 apta ruldar :
- Blizdekol (Ammotragus lervia lervia) (Pallas, 1777)
- Blizdekol (Ammotragus lervia angusi) (W. Rothschild, 1921)
- Blizdekol (Ammotragus lervia blainei) (W. Rothschild, 1913)
- Blizdekol (Ammotragus lervia fassini) (Lepri, 1930)
- Blizdekol (Ammotragus lervia ornatus) (I. Geoffroy Saint-Hilaire, 1827)
- Blizdekol (Ammotragus lervia sahariensis) (W. Rothschild, 1913)
Pulasa vuestexa is xantaza
[betara | va krent betá]
- (en) vuest- : Mammal Species of the World (v- 3, 2005) : Ammotragus lervia (Pallas, 1777)
- (en) vuest- : CITES : Ammotragus lervia
- (en) vuest- : UICN : katca Ammotragus lervia (Pallas, 1777)
- (en, fr) vuest- : ITIS : Ammotragus lervia (Pallas, 1777)
- (en) vuest- : Tree of Life Web Project : Ammotragus lervia
- (en) vuest- : Catalogue of Life : Ammotragus lervia (Pallas, 1777)
- (en) vuest- : Paleobiology Database : Ammotragus lervia (Pallas, 1777)
- (en) vuest- : Animal Diversity Web : Ammotragus lervia
- (en) vuest- : NCBI : Ammotragus lervia
Ara vuestexa
[betara | va krent betá]- Blizdekol (Ammotragus lervia) dene Wikispecies
Kotavafa vuestesa xantaza
[betara | va krent betá]- Kotava winugaf moukolaf ravlemak (Kotava, Latinava, 2019)
- Blizdekol dene www.europalingua.eu