İra Losko
| İra Losko | |
|---|---|
| ing. Ira Losco | |
 İra Losko 2016-cı ildə | |
| Ümumi məlumatlar | |
| Doğum tarixi | 31 iyul 1981 (43 yaş) |
| Doğum yeri |
|
| Vətəndaşlığı |
 Malta |
| Uşağı | 1 |
| Musiqiçi məlumatları | |
| Fəaliyyəti | müğənni |
| Fəaliyyət illəri | 1998–h.h. |
| Janr | pop |
| Mükafatları |
 |
| iralosco.com | |
 Vikianbarda əlaqəli mediafayllar | |
İra Losko (ing. Ira Losco; 31 iyul 1981, Slima[d]) — Malta müğənnisi. O, Maltanı 2002 və 2016 Avroviziya Mahnı Müsabiqəsində təmsil etmişdir.
Musiqi karyerası
[redaktə | mənbəni redaktə et]İra Losko indiyədək ümumilikdə 20-yə yaxın ölkədə çıxış etmiş və 20-də artıq mükafat qazanmışdır. O, Elton Con, Keti Melua, Maroon 5, Akon, Ronan Kitinq, Bob Qeldof, Tokio Hotel və Cici D'Alessio kimi beynəlxalq ulduzlarla bir səhnəni bölüşmüşdür.
Losko musiqi karyerasını kollec qrupu olan Tiara ilə başlatmışdır. Qrup fəaliyyətini dayandırdıqdan bir müddət sonra Losko Maltanı Estoniyanın paytaxtı Tallində keçirilən 2002 Avroviziya Mahnı Müsabiqəsində təmsil etmişdir. Müsabiqədə ifa etdiyi "7th Wonder" mahnısı ilə İra finalda iştirak edən 24 ölkə təmsilçisi arasında Maltaya 164 xalla ikinci yeri qazandırmışdır. Bu Maltanın Avroviziyadakı ən yaxşı nəticəsi olaraq qalmaqdadır.[1][2]
2003-cü ildə İra Losko Maltada keçirilən Kiçik Avropa dövlətlərinin idman oyunlarının açılışında "Reaching Higher" mahnısı ilə çıxış etmişdir. 2008-ci ildə ifaçı Midalja għall-Qadi tar-Repubblika Respublikaya xidmət medalı ilə təltifləndirilmişdir.
2015-ci ildə Loskonun Maltanın 2016 Avroviziya Mahnı Müsabiqəsi üçün təşkil etdiyi milli seçim turunda iki mahnı ilə iştirak edəcəyi öz təsdiqini tapmışdır. İfaçının hər iki mahnısı "Chameleon" və "That’s why I love you" seçim turunun yarımfinal mərhələsində səsləndirilmişdir. Nəticədə isə ifaçı 23 yanvar tarixində keçirilən final mərhələsində "Chameleon" mahnısı ilə seçim turunda qalib gələrək, Maltanı İsveçin paytaxtı Stokholmda keçirilən Avroviziya 2016-da təmsil etmək hüququ əldə etmişdir[3]. Daha sonra Losko və Maltanın TVM telekanalının birgə verdiyi qərar ilə ifaçının "Chameleon" mahnısı ilə deyil, digər bir mahnı ilə müsabiqədə çıxış edəcəyi bildirilmişdir. 17 mart tarixində müğənninin Stokholm səhnəsində ifa edəcəyi mahnı olan "Walk on Water" rəsmi olaraq təqdim olunmuşdur.[4]
İra Loskonun Avroviziya səhnəsində geyindiyi libas daha öncə Lady Gaga, Prins, Kayli Minoq kimi dünya ulduzları ilə birlikdə çalışan Aleks Zabotto-Bentli tərəfindən hazırlanmışdır. Həmin il hesablamalara görə ümumilikdə Maltanın Avroviziya üçün xərclərinin təxminən 1,500,000 avro olduğu bildirilmişdir. Ölkənin digər illərdəki xərclərindən qat-qat üstün olan bu məbləğ Maltada müəyyən etiraza səbəb olmuşdu.[5]
İra Losko Avroviziya üçün keçirilən uzun məşqlərdən sonra 10 may tarixində baş tutan yarımfinal mərhələsində 18-ci nömrə altında səhnə almışdır. Nəticədə 209 xalla 3-cü yeri tutaraq, final mərhələsinə vəsiqə qazanmışdır. Müsabiqənin finalında bir daha öz mahnısını ifa edən Losko 26 ölkə təmsilçisinin mübarizə apardığı şouda 153 xal toplayaraq, 12-ci yerdə qərarlaşmışdır.
Şəxsi həyatı
[redaktə | mənbəni redaktə et]2016-cı ilin may ayında İra Losko və onun yoldaşı Şon Qravina Loskonun uşaq gözlədiyini elan etmişdirlər.[6][7] Həmin ilin avqust ayında onların Herri adlı oğulları dünyaya gəlmişdir.[8]
Aktivizm fəaliyyəti
[redaktə | mənbəni redaktə et]İra Losko dəfələrlə Maltada LGBT hüquqları, yeniyetmələr arasında anti-dedovşina kampaniyaları kimi bir neçə sosial hadisələrə dəstəyini bildirmişdir.[9] Avroviziya 2016 ərəfəsində ifaçı Stokholmda xüsusi LGBT dostluq şənliyi də təşkil etmişdir.[10]
Diskoqrafiya
[redaktə | mənbəni redaktə et]Albomlar
[redaktə | mənbəni redaktə et]| İl | Albom adı |
|---|---|
| 2004 | Someone Else |
| 2005 | Accident Prone |
| 2006 | Unmasked |
| 2008 | Fortune Teller |
| 2013 | The Fire |
Sinqllar
[redaktə | mənbəni redaktə et]| İl | Mahnı adı |
|---|---|
| 1998 | "Basketball" (Tiara qrupu ilə) |
| 2000 | "Shine" |
| "Falling in Love" | |
| 2001 | "Spellbound" |
| "Don't Give Up" | |
| "We'll Ride the Wind" | |
| "Deep Inside My Heart" | |
| "Butterfly" | |
| "Summer Breeze" | |
| "Fejn Stahbejtli" | |
| 2003 | "Love Me or Hate Me" |
| "Who I Am" | |
| 2004 | "Someone Else" |
| "Say Hey" | |
| "I'm In Love Again" | |
| "Must've Been Good" | |
| 2005 | "Everyday" |
| "Get Out" | |
| 2006 | "Don't Wanna Talk About It" |
| "Driving One Of Your Cars" | |
| "Accident Prone" | |
| "Uh-Oh" | |
| "Waking Up To The Light" | |
| "Winter Day" | |
| 2007 | "Arms Of The Ones..." |
| "Something To Talk About" | |
| "Don't Look Down" | |
| 2008 | "Idle Motion" |
| "Promises" | |
| "Elvis Can You Hear Me?" | |
| "Shoulders of Giants" | |
| 2009 | "What's The Matter With You?" |
| "Fortune Teller" | |
| "What's The Matter With Your Cabrio" | |
| "Shoulders of Giants" | |
| "Love Song" | |
| 2010 | "Something to Talk About" |
| 2012 | "What I'd Give" |
| 2013 | "The Person I Am" |
| "Me Luv U Long Time" | |
| 2014 | "The Way It's Meant To Be" |
| 2015 | "Haunted by Love" |
| "Chameleon" | |
| "That's Why I Love You" | |
| 2016 | "Walk on Water" |
| 2017 | "We are the Soldiers" |
| "OMG" | |
| "Dominoes" |
İstinadlar
[redaktə | mənbəni redaktə et]- ↑ The music of European nationalism. ABC-CLIO. 2004. səh. 2. ISBN 978-1-57607-270-7. 2013-12-10 tarixində arxivləşdirilib. İstifadə tarixi: 6 fevral 2011.
- ↑ "Eurovision Song Contest 2002". Avropa Yayım İttifaqı. 2017-02-10 tarixində arxivləşdirilib. İstifadə tarixi: 6 fevral 2011.
- ↑ "Ira Losco wins the 2016 Malta Eurovision Song Contest". tvm.com.mt. TVM (Malta). 23 yanvar 2016. 2018-01-08 tarixində orijinalından arxivləşdirilib. İstifadə tarixi: 23 yanvar 2016.
- ↑ "Arxivlənmiş surət". 2016-10-03 tarixində arxivləşdirilib. İstifadə tarixi: 2016-04-01.
- ↑ "Arxivlənmiş surət". 2022-04-26 tarixində arxivləşdirilib. İstifadə tarixi: 2018-01-31.
- ↑ "Losco confirms pregnancy rumours: 'I'm a mother-to-be'". Malta Today. 8 may 2016. 20 April 2022 tarixində arxivləşdirilib. İstifadə tarixi: 31 January 2018.
- ↑ "Ira Losco publicly announces what everyone knew – she's pregnant". Malta Independent. 8 may 2016. 2021-05-01 tarixində arxivləşdirilib. İstifadə tarixi: 2018-01-31.
- ↑ "IT'S A BOY! MALTA'S IRA LOSCO AND BOYFRIEND SEAN GRAVINA WELCOME THEIR FIRST BABY HARRY". Wiwibloggs. 26 avqust 2016. 2017-10-30 tarixində arxivləşdirilib. İstifadə tarixi: 2018-01-31.
- ↑ "Biography". Ira Losco. 2016-02-23 tarixində arxivləşdirilib. İstifadə tarixi: 22 aprel 2016.
- ↑ "Arxivlənmiş surət". 2017-03-19 tarixində arxivləşdirilib. İstifadə tarixi: 2018-01-31.
| Əvvəlki: Ember "Warrior" |
Malta Avroviziya Mahnı Müsabiqəsində  2016 |
Sonrakı: Klaudia Faniello "Breathlessly" |