Xəlil Kələntər
| Xəlil Kələntər | |
|---|---|
| Doğum yeri | Miyanə |
| Elm sahəsi | elektronika |
| İş yeri | |
Xəlil Kələntər — İran azərbaycanlılarından olan elektronika mühəndisi.[1]
Həyatı
[redaktə | mənbəni redaktə et]Elektronika mühəndisliyini oxumuşdur.[2]
Yaponiyada
[redaktə | mənbəni redaktə et]1981-ci ildə Yaponiyaya gəlib[2]. Burada on il Naqoya Universitetində çalışıb, sonra Tokioya köçüb. Həm Naqoya, həm də Tohoku universitetlərində doktorluq dərəcəsi alıb[2].
Yalnız Yaponiyada deyil, Amerika, Asiya və Avropada elektronika, yeni nəsil displey ekranlar sahəsində böyük mütəxəssis kimi tanınır. Həmin sahədə uzun müddət çalışdığına görə Xəlil Kələntərə müvafiq beynəlxalq konfranslarda Yaponiyanı təmsil etmək hüququ verilmişdir.
Xəlil Kələntər LCD televizor, kompüter və mobil telefonların əsas hissələrindən birinin — maye kristal displeyin arxa fon işıqlarının yaradıcısıdır[2].
Xəlil Kələntər fəza 2-ölçülü optik koherent təsvirlərin pilləli optik-liflərdə və addımlı optik-liflərdə ötürülməsi, opto-eletronik sensorlar və ölçü cihazları, optik-makrostrukturlu funksional cihazlar və displey optikası məsələləri üzərində işləmişdir[2].
1995-ci ildən bəri LCD blokları üçün optik cihazlar və modullar üzərində çalışır. Dünyada ilk dəfə işıqla yönləndirilən mikro-reflektorlu və mikro-deflektorlu optik lövhələr yaratmışdır. Bununla yanaşı, o, işıqla yönləndirilən mikrostrukturlu funksional optik lövhələrin ilk dizayneri, müəllifi və istehsalçısıdır[2].
2008-ci ildə displey elektronikası və optikası üzrə ABŞ-nin bütün dünyada tanınan nüfuzlu "Society for Information Display" (SID) Cəmiyyətinin fəxri üzvü seçilmişdir. "Global Optical Solutions" şirkətinin baş tədqiqatçısıdır, SID Cəmiyyəti proqram komitəsinin üzvüdür[2].
"Journal of SID" elmi jurnalının xüsusi buraxılışının redaktoru kimi fəaliyyət göstərir. Displey texnologiyaları üzrə Yaponiyada keçirilən beynəlxalq seminarların proqram komitəsinin də üzvüdür. O, dünyanın məşhur universitetlərində bu mövzuda mühazirələrlə çıxış etmişdir[2].
Apardığı tədqiqatlarla əlaqədar bir sıra tanınmış şirkətlərdə çalışmışdır. Əsərləri ingilis, yapon, Çin və Koreya dillərində dərc olunmuşdur.
Hazırda Yaponiyanın Tokio şəhərində yaşayır[2].
Əsərləri
[redaktə | mənbəni redaktə et]Elektronika mühəndisliyi, yeni nəsil ekranların yaradılması sahəsində 100-ə yaxın patentin, LCD texnologiyaları üzrə yapon dilində üç kitabın, 130-dan artıq elmi məqalənin müəllifidir[2]. Displey elektronikası üzrə yapon dilində nəşr edilmiş altı kitabın həmmüəllifidir.
Uğurları
[redaktə | mənbəni redaktə et]- 2007-ci ilin mayında LCD işıqlandırılmasında istifadə edilən işıq şüaları üçün kəşf etdiyi yeni optik-dizayn metoduna görə xüsusi mükafata layiq görülmüşdür[2].
- SID üzrə 2011-ci ildə keçirilmiş konfransda "Ən yaxşı məqalə" mükafatını almışdır[2].
- 2016-cı ildə Yaponiya Maye Kristal Cəmiyyətinin (JLCS) xüsusi "Texnoloji İnkişaf Mükafatı"na layiq görülüb[3].
Ailəsi
[redaktə | mənbəni redaktə et]Ailəlidir, iki övladı var.[2]
İctimai fəaliyyəti
[redaktə | mənbəni redaktə et]Azərbaycan-Yaponiya Dostluq Mərkəzinin rəhbəridir[3].
İstinadlar
[redaktə | mənbəni redaktə et]- ↑ "Xəlil Kələntər: "Azərbaycan bütün dünyada yaşayan azərbaycanlıların vətənidir"". Sia.az (az.). 2014-07-03. İstifadə tarixi: 2024-08-15.
- ↑ 1 2 3 4 5 6 7 8 9 10 11 12 13 Xəlil Kələntər: "Azərbaycan bütün dünyada yaşayan azərbaycanlıların vətənidir" Arxivləşdirilib 2015-05-08 at the Wayback Machine. azertag.az, 03.07.2014 (az.)
- ↑ 1 2 Azərbaycanlı alim Yaponiyada xüsusi mükafata layiq görüldü — FOTO Arxivləşdirilib 2016-09-10 at the Wayback Machine. milli.az, 09.09.2016 (az.)