Şanlıurfaspor
Şanlıurfaspor | ||||
---|---|---|---|---|
| ||||
Klubun tam adı | Şanlıurfaspor Klubu | |||
Ölkə |
|
|||
Ləqəb(lər) | Ceylanlar | |||
Rəng(lər) | Sarı-Yaşıl | |||
Yaranma tarixi | 1969 | |||
Stadionu |
Şanlıurfa 11 Aprel Stadionu, Şanlıurfa, Türkiyə |
|||
Tutumu | 28.965 | |||
Prezidenti |
|
|||
Baş məşqçisi |
|
|||
Liqa | 1-ci Liqa | |||
2022/2023 | 2. (2-ci Liqadan Pley-Off ilə yüksəldi) | |||
| ||||
Rəsmi saytı | ||||
Şanlıurfaspor- Şanlıurfada futbol və basketbol sahələrində fəaliyyət göstərən peşəkar bir klubdur. Klubun rənglərini Mustafa Dişli təyin etmişdir. 1969-cu ildə qurulmuş bu klub hal-hazırda 1-ci Liqasında mübarizə aparır və ev oyunlarını 28.965 nəfərlik Şanlıurfa 11 Aprel Stadionunda oynayır. Basketbol komandası isə basketbol liqasında mübarizə aparır. Trabzonspor ilə qardaş klubdur.
Klub yaşadığı maddi böhran səbəbiylə 2008-ci ildə qəyyuma təhvil verildi. Qəyyum olaraq təyin olunmuş Şanlıurfa Bələdiyyə Başçısı Şanlıurfa Belediyespor ilə eyni qrupda olan komandanın UEFA meyarlarına görə liqada qala bilməsi üçün iki klubun idarəçilərinin birləşməsini təmin etdi. Klub prezidentliyinə sonrakı dövrdə Kamal Saraçoğlu gəldi. Futbol komandası PTT 1. Liqaya yüksəldikdən sonra alınan nəticələr səbəbiylə Kamal Saraçoğlu istefa verdi. Seçkilər əsasında klubun prezidenti Fethi Şimşek seçildi.
Tarixi
[redaktə | mənbəni redaktə et]1969-cu ildə Şanlıurfada Kahraman Uyanışspor, Beşiktaş və 11 Nisanspor klubları birləşərək Şanlıurfasor klubunu yaratdılar. 1971-ci ildə gənc komanda təşkil edilmişdir. 1973-cü ildə həvəskar komanda quraraq Urfa həvəskar liqa matçlarına iştirak etməyə başlamışdır. İlk klub prezidenti Mustafa Kılıç olmuşdur. Forma rəngi buğdayi rəngin yaşıl tonu ilə buğdayi rəngin sarı tonunun qarımasından əmələ gələn sarı rəngdir.
1969-70 futbol mövsümündə Şanlıurfaspor 3-cü Türkiyə peşəkar liqasının qırmızı qrupunda mübarizə aparmışdır. O dövr liqada ilk oyununu Kırşehirsporla öz meydanında oynayaraq 0-0 bərabərə qalmışdır. Türkiyə 3-cü Liqası Qırmızı Qrup regional bir qrup olmayıb, Şərq, Cənub-Şərqi, Qara dəniz, İç Anadolu və Aralıq dənizi bölgələrində olan mövcud komandalardan meydana gəlmiş güclü bir qrup olmuşdur.
Türkiyə Kuboku
[redaktə | mənbəni redaktə et]Şanlıurfaspor klubunun uğurları 2006-2007 mövsümündə 2-ci Liqa A kateqoriyası üçün təşkil edilən yüksəlmə qrupuna çıxmaq və 2007-2008-ci il Türkiyə Kubokunda 2-ci Liqa A kateqoriyası komandası olan Malatyasporu 6-0 və davamında Super Liqa komandası olan Konyasporu 2-1 məğlub edərək qruplara qalmışdır. Qruplarda isə Kayserispor, Qaziantepspor FK və Alanyaspor ilə qarşılaşan sarı-yaşıllar ilk matçında Alanyasporu 3-0 məğlub etmiş, Kayserispor və Qaziantepspor ilə isə 1-1 bərabərə qalmışdır. 16 Yanvar 2008-ci tarixində qrupdakı son matçında tarixində ilk dəfə Fənərbaxça PFK ilə Kadıköydə Fənərbaxça Şükrü Saracoğlu Stadionunda oynamış və çox yaxşı bir performans göstərdiyi Fənərbaxça qarşısında 1-0 önə keçdiyi matçdan 3-2 məğlub ayrılmışdır. Bu nəticə ilə qrupda 3-cü olaraq mübarizəni dayandırmışdır.[1]
2011-12 mövsümündə də Türkiyə Kubokunda da komanda dörddəbir finala qədər yüksəlmiş, dörddəbir finalda isə 2010-11 Super Liqa çempionu Bursaspora 4-1-lik hesabla boyun əyərək kuboka vida etmişdir.
Şanlıurfaspor 2012-13 mövsümündə Türkiyə Kuboku 4-cü dövr matçında Trabzonspor ilə qarşı-qarşıya gəldi. Hüseyn Avni Aker Stadionunda oynanan mübarizədə Şanlıurfaspor Trabzonspora 4-0 məğlub olaraq kuboka vida etmişdir.[2]
PTT 1. Liqasına yüksəliş
[redaktə | mənbəni redaktə et]Şanlıurfaspor Futbol Komandası 13 May 2012 tarixində səfərdə İskenderun Demir Çeliksporu 2-0 məğlub edərək liqanın bitməsinə 1 həftə qalmış ilk dəfə PTT 1. Liqasına yüksəlmişdir. Bu müvəffəqiyyət 11 il əvvəl bir alt liqaya salınan klubun bir mənada eyni liqaya geri dönməsidir. Şanlıurfaspor A2 liqasında 4-cü qrupda iştirak etməkdədir.
Digər növlər
[redaktə | mənbəni redaktə et]Klubun Qadın Basketbol komandası Super liqaya 2011-2012 mövsümündə yüksələrək böyük bir müvəffəqiyyətə imza atmışdır. Kişi basketbol komandası isə 1-ci Liqada mübarizə aparır. Komanda fiziki qüsurlu kişilərin basketbol liqasında mübarizə aparır.
4 Sentyabr 2011-ci il tarixində Şanlıurfaspor Super Liqa komandalarından Bursaspor ilə GAP Arena stadionunda 2011-2012 mövsümü açılış matçında qarşı-qarşıya gəlmiş və matçdan 1-0 məğlub ayrılmışdır.
Liqa mübarizələri
[redaktə | mənbəni redaktə et]- 1-ci Liqa: 21
1977-1985, 1989-1990, 1995-2003, 2012-2017, 2023-
- 2-ci Liqa: 34
1969-1977, 1985-1989, 1990-1995, 2003-2012, 2017-2023
Heyəti
[redaktə | mənbəni redaktə et]8 Sentyabr 2022 etibarı ilə
|
|
Şanlıurfa GAP Arena
[redaktə | mənbəni redaktə et]- 26400 m² ümumi sahə üzərində inşa edilmiş tam olimpik stadion
- 13600 m² tribuna sahəsi üzərində yerləşdirilmiş, hamısının üstü bağlı, 30 min kreslo tutumu
- Dam üzərinə monte edilmiş müasir işıqlandırma sistemi
- UEFA standartlarına cavab verən soyunma otaqları, dəhliz boşluqları, nümayəndə və hakim otaqları
- Futbol növlərində istifadə etmək üçün 4 ədəd, atletizmdə istifadə etmək üzrə 18 ədəd soyunma otağı
- 3 ədəd salon, 16 ədəd məşq zalı, 1 ədəd 4 zolaqlı 60 metrlik atletizm manejinə sahib salon
- 2000 adam tutumlu şərəf tribunası
- Texnoloji infrastruktura sahib mətbuat tribunası
- Fiziki qüsulu şəxslər üçün ayrılmış tribuna
- 250 adam tutumlu mətbuat salonu ilə çoxməqsədli mətbuat iş salonları
- Təhlükəsizlik nəzarət otağı ilə TV və radio şərhçiləri üçün xüsusi otaq
- Tamaşaçıların təcili bir vəziyyətdə sahəyə çıxmasını təmin edəcək nərdivan və qapılar
- Nəşriyyat və mətbuat otaqları
- 20.814 m² sahəni əhatə edən 5500 avtomobillik avtopark
İstinadlar
[redaktə | mənbəni redaktə et]- ↑ http://www.urfahayat.com/index.php?option=com_content&task=view&id=890&Itemid=55[ölü keçid]
- ↑ "Arxivlənmiş surət". 2012-12-03 tarixində arxivləşdirilib. İstifadə tarixi: 2016-04-20.