Belçikalı Stefaniya

Belçikalı Stefaniya
fr. Stéphanie de Belgique
Şəxsi məlumatlar
Doğum tarixi	21 may 1864(1864-05-21)
Doğum yeri	Brüssel[d]
Vəfat tarixi	23 avqust 1945(1945-08-23) (81 yaşında)
Vəfat yeri	Pannonhalma[d], Dyör-Moşon-Şopron, Macarıstan
Dəfn yeri	Pannonhalma monastırı[d]
Fəaliyyəti	yazıçı, gündəlik yazıçısı[d]
Atası	II Leopold
Anası	Avstriyalı Mariya Henretta (Belçika kraliçası)
Vikianbarda əlaqəli mediafayllar

Belçikalı Stefaniya Klotilda Luiza Harmoniya Mariya Şarlotta (fr. Stéphanie Clotilde Louise Herminie Marie Charlotte de Belgique; 21 may 1864, Brüssel^[d] – 23 avqust 1945, Pannonhalma^[d], Dyör-Moşon-Şopron) — Belçika kralı II Leopoldun qızı, Avstriya-Macarıstan taxtının vəliəhd şahzadəsi.

21 may 1864-cü ildə Brüsseldə dünyaya gəldi. Atası Belçika kralı I Leopoldun oğlu və varisi Brabant hersoqu Şahzadə Leopold, anası isə onun xanımı Avstriyalı Mariya Henrettadır. Babasının səltənətində dünyaya gəldi və 25 iyunda vəftiz edildi. Hələ bir yaşında ikən babasının ölümü və atası II Leopoldun taxta çıxmasıyla həyatı dəyişdi. Onun təlim-tərbiyəsilə məşğul olan xüsusi mürəbbiyələrin yerini saray məmurları aldı və daha sərt nəzarət altında yaşamağa başladı. Evlənərək Vyana sarayına gəlin göndərilən böyük bacısı Luizanın vastəçiliyi ilə Avstriya-Macarıstan imperatoru I Frans İosifin yeganə oğlu vəliəhd Şahzadə Rudolfla tanış oldu və 10 may 1881-ci ildə cütlük Vyana sarayında evləndi. Bu nigahdan bir qızı dünyaya gələn cütlük xoşbəxt olmadı. Şahzadə Rudolfun çoxlu sayda məşuqəsi vardı və onlardan qazandığı zöhrəvi xəstəliyi xanımına da keçirmişdi. Bu səbəblə, gənc Stefaniyanın bir daha övladı olmadı. 1889-cu ildə əri Şahzadə Rudolf məşuqələrindən biri tərəfindən Vyana yaxınlığındakı ov köşklərinin birində qətlə yetirildi.

1900-cü ildə Stefaniya nisbətən aşağı rütbəli bir macar əsilzadəsi olan qraf Elmar Lonyay ilə evləndi. Bu səbəblə Habsburq ailəsindən çıxarılsa da, olduqca xoşbəxt bir evlilik oldu. 1909-cu ildə atasının vəfatının ardından Stefaniya vəsiyyətdən yararlanmaq üçün Belçikaya qayıtdı. Ancaq II Leopold bütün şəxsi xəzinəsini son illərini yaşadığı məşuqəsi Karolina Lakroks və ondan doğulan 2 övladına, eləcə də bəzi dövlət qurumlarına vəsiyyət etmişdi. Bacılarıyla birlikdə hökumətə yazdıqları ərizəylə buna etiraz edən Stefaniya hökumət tərəfindən ayrılan külli miqdarda mirasla öz ərizəsini geri çəkdi.

İkinci Dünya Müharibəsinə qədər əri qraf Lonyay ilə Slovakiyada məskunlaşan Stefaniya 1935-ci ildə öz xatirələrini Je devais être impératrice ("İmperatriça Olmalı idim") başlığı ilə nəşr etdirdi. 1944-cü ildə sosialist bir millət vəkiliylə eşq yaşayan və illərdir üzünü görmədiyi yeganə qızını mirasından məhrum etdi. 1945-ci ilin aprelində Qızıl ordunun bölgəyə yaxınlaşmasının ardından Stefaniya və əri qraf Lonyay qaçaraq Macarıstandakı Panonhalma kilsəsinə sığındılar. Stefaniya həmin ilin avqustunda iflic keçirərək vəfat etdi.

Qalereya

• 
  Nişanlısı Şahzadə Rudolfla birlikdə, 1880-ci il
• 
  İlk rid Şahzadə Rudolfla birlikdə, 1882-ci il
• 
  Yeganə övladı Şahzadə Yelizaveta Mariya ilə, 1885-ci il
• 
  İkinci əri qraf Lonyay ilə birlikdə, 1906-cı il
• 
  Özü, 1911-ci il

Mənbə

• de Belgique, Louise (1921). Autour des trônes que j'ai vu tomber (in French). Paris: Albin Michel. ISBN 978-2-87106-192-2
• de Belgique, Stéphanie (2003). Je devais être impératrice: Mémoires des filles de Léopold II (in French). Brussels: Le Cri – Preface by Georges-Henri Dumont. ISBN 978-2-87106-324-7
• de Windisch-Graetz, Ghislaine (1990). L'archiduchesse rouge: La vie d'Élisabeth-Marie, orpheline de Mayerling 1883-1963 (in French). Paris: Duculot. ISBN 978-2-8011-0881-9
• Defrance, Olivier (2001). Louise de Saxe-Cobourg: Amours, argent, procès (in French). Brussels: Racine. ISBN 978-2-87386-230-5
• Schiel, Irmgard (1980). Stéphanie princesse héritière dans l'ombre de Mayerling (in French). Translated by Dominique Mols. Gembloux: Duculot. ISBN 978-3-421-01867-0
• Damien Bilteryst (2013). Le prince Baudouin: Frère du Roi-Chevalier (in French). Brussels: Éditions Racine. p. 27. ISBN 978-2-87386-847-5
• Amable de Fournoux (2019). "XI". Sissi et Venise (in French). Paris: Éditions de Fallois. ISBN 979-1-03210-142-1
• Fürstin von Lónyay Prinzessin Stephanie von Belgien (1935). Ich sollte Kaiserin werden, Kronprinzessin Stefanie Die Lebenserinnerungen der letzten (in German). Koehler & Amelang. ISBN 978-0239123220
• Alan Warwick Palmer (1997). Twilight of the Habsburgs: The Life and Times of Emperor Francis Joseph. Atlantic Monthly Press. p. 249. ISBN 9780871136657
• Jean Bérenger (1990). Histoire de l'Empire des Habsbourg (1273-1918) (in French). Fayard. p. 337. ISBN 978-2-213-02297-0
• Lutz D. Schmadel (2007). "(220) Stephania". Dictionary of Minor Planet Names. Springer Berlin Heidelberg. p. 35. doi:10.1007/978-3-540-29925-7_221. ISBN 978-3-540-00238-3