Ferdinand (cizgi film, 2017)
Ferdinand | |
---|---|
ing. Ferdinand | |
Janr | komediya filmi, macəra filmi |
Bəstəkar |
|
İstehsalçılar | Blue Sky Studios[d] |
Distribütor | 20th Century Fox, Netflix, Disney+ |
İlk baxış tarixi |
10 dekabr 2017 (Los Angeles) 15 debar 2017 (Amerika Birləşmiş Ştatları) |
Müddət | 108 dəq. |
Büdcə | 111 milyon dollar |
Gəlir | 296,1 milyon dollar |
Ölkə | |
Dil | ingilis dili |
Rəng | rəngli |
IMDb | ID3411444 |
Ferdinand - "Blue Sky" studiyoları tərəfindən çəkilən 2017-ci il amerikan məhsulu komediya-macəra janrında cizgi film. Cizgi filmin musiqisi Con Povelə aiddir.
Məzmun
[redaktə | mənbəni redaktə et]İspaniyada Ferdinand digər buzov və buğalar ilə birlikdə senyor Moreno tərəfindən buğa güləşləri üçün öyrədilir. Ancaq Ferdinand qəti buna maraq göstərmir. Buna görə də digər buzovlar - Valentin, Quapo və Bones tərəfindən təzyiqə məruz qalır. Bir matador gəlir və buzovların ataları özlərini ona göstərmək üçün döyüşürlər. Ferdinandın atası Raf seçilir. Atası seçilmədiyi üçün Valentin Ferdinantın çox istədiyi gülü əzir. Axşam Ferdinand görür ki, atasını gətirməli olan maşın boşdur. Atasının öldüyünü anlayan Ferdinant oradan qaçır. Ferdinand daha sonra onu tapan gül ferması sahibi Cuan və onun qızı Nina ilə yaşayır. Ferdinandın Ninanın iti Pako ilə səmimi, amma atışmalı münasibəti olur.
Bir neçə ildən sonra Ferdinand nəhəng, amma yenə də nəzakətli buğa olur. Cuan qərar verir ki, Ferdinand hər il getdikləri çiçək festivalı üçün artıq çox böyükdür. Buna görə də onu aparmır. Ferdinant dayana bilmir və festivala gedir. Orada arı Ferdinandı sancır. Özünü itirən Ferdinand bilmədən şəhər meydanını dağıdır. Şəhər məmurları onun vəhşi olduğunu düşünür və Ninaya qulaq asmadan Ferdinandı tuturlar.
Məmurlar Ferdinandı köhnə dostları - Valentin, Quapo və Bonesin yanına gətirirlər. Orada onlardan əlavə Ferdinandın tanımadığı buğalar - Anqus və Qaluvey, keçi Lupe olur. Ferdinand qaçmaq istəyir, ancaq üç alman atı tərəfindən durdurulur. Daha sonra təkəbbürlü matador El-Primero son döyüşü üçün senyor Morenodan vəhşi boğa istəyir. Morena döyüşmələri üçün bütün boğaları buraxır, amma Ferdinand yenə döyüşməkdən imtina edir. El-Primero heç bir boğanı bəyənmir və Morenoya boğaları düzəltməsi üçün 2 gün verir. Quapo məğlub olduğundan kəsilmək üçün göndərilir. Valentin Ferdinanda deyir ki, döyüşə bilməyənlərin axırı belə olur. O günün gecəsi Ferinand Guapo üçün yas tutan Bonesə təsəlli verir və ikisi dostlaşır. Səhəri gün Ferdinand Anqusun saçını düzəldir ki, daha yaxşı görə bilsin. Beləliklə, bir dənə də dost qazanır. Daha sonra Ferdinant, Anqus və Bones rəqs etməkdə atlara meydan oxuyurlar və qalib gəlirlər. Valentin isə Ferdinandın digər buğaların dəyərli məşq saatlarını oğurladığı üçün onları ələ salır və buğaların dost olmalarına mane olur.
Yenidən qaçmağa səy göstərən Ferdinand evin içində atasının buynuzları ilə birlikdə bir çox buynuzu divardan asılmış vəziyyətdə görür. Hər döyüşdə öküzlərin öldürüldüyünü anlayan Ferdinand geri dönür və digərlərinin də qaçmasını istəyir. Çünki seçilsələr də, seçilməsələr də öləcəklər. Valentin həqiqəti qəbul etmək istəmir və Ferdinand ilə döyüşməyə başlayır. Döyüşdə Valentinin bir buynuzu sınır. Beləliklə, Valentin qiymə sexinə gedərkən Ferdinand da El-Primero tərəfindən seçilir.
Ferdinand təslim olmur, hələ kəsilməmiş iki boğanı (Quapo və Valentin) qurtararaq digər boğalar ilə birlikdə Morenonun maşınını oğurlayıb Madridə qaçır. Qaçış zamanı Ferdinand digər boğalara vaxt qazandırmaq üçün özünü ələ verir. Tutulan Ferdinandı televizorda görən Nina və atası Madridə yola düşür.
Arenada Ferdinand yenə döyüşdən imtina edir. Digər insanlar tərəfindən qızışdırılan Ferdinand El-Primeroya bir anlıq hücüm edir, ancaq bilmədən yerdəki çiçəyi əzdiyini görüb dayanır. Heç kəsə zərər vurmaq istəməyən Ferdinand oturur və ölümü gözləyir. İzləyicilər qışqıraraq El-Primeronun qılıncı aşağı salmasını istəyir, El-Primero də bunu edir. Beləliklə, Ferdinand boğa güləşini "qazanan" ilk öküz olur. Daha sonra Nina və atası bütün boğaları və keçi Lupeni öz fermalarına aparırlar.