Həsən İsmayılov
Həsən İsmayılov | |
---|---|
Həsən Tağı oğlu İsmayılov | |
| |
Doğum tarixi | |
Doğum yeri | Çomaxtur, Şərur rayonu, Naxçıvan MR, Rusiya imperiyası |
Vəfat tarixi | (24 yaşında) |
Vəfat yeri | |
Vəfat səbəbi | Həlak olub |
Dəfn yeri | Naməlum |
Vətəndaşlığı |
|
Atası | Tağı İsmayılov |
Milliyyəti | Azərbaycanlı |
Fəaliyyəti | mühəndis |
Fəaliyyət illəri | 1939-cu ildən |
Həsən İsmayılov (tam adı:Həsən Tağı oğlu İsmayılov; (d.1 aprel 1915, Çomaxtur, Şərur rayonu, Rusiya imperiyası - ö.2 mart 1940, Finlandiya) — pedaqoq, hidro meliorator mühəndis.
Həyatı
[redaktə | mənbəni redaktə et]Həsən Tağı oğlu İsmayılov 1 aprel 1915-ci ildə (bəzi sənədlərdə təvəllüd tarixi 1913 göstərilir) Şərur qəzasının Çomaxtur kəndində görkəmli şəxsiyyət erməni daşnaqlarına qarşı mübariz, partizan dəsdəsinin cəsur komandiri Tağı Məşədi Mahmud oğlu İsmayılovun ailəsində anadan olmuşdur.[1]
1931-ci ildə Yengicə kənd orta məktəbini yüksək qiymətlərlə bitirən Həsən İsmayılov, 1934–1939-cu illərdə Ağamalıoğlu adına Bakı Kənd Təsərrüfatı Texnikumunda meliorator-hidrotexnik ixtisası üzrə təhsil almışdır.
O, geniş erudisiyası və istedadı sayəsində musiqi alətlərində, xüsusilə də tarda mahir ifa etməyi öyrənmiş, musiqi təhsili də almışdır[2].
Təhsilini uğurla başa vuran Həsən İsmayılov Naxçıvan Su Təsərrüfatında çalışmış, eyni zamanda Ordubad Pedaqoji Məktəbini bitirmişdir.
Daha sonra o, Şərurun Aralıq, Şəhriyar və bir neçə digər kəndlərində müəllim işləmiş, insanların maariflənməsi üçün var gücü ilə çalışmışdır.
Həmin dövrdə savadlı kadrlara olan ehtiyacın ödənilməsi mümkün deyildi. Odur ki, Həsən İsmayılov kimi ziyalılar eyni zamanda bir neçə yerdə işləməyə məcbur olurdular. Bu səbəbdən də o, bir müddət məhkəmə orqanlarında da çalışmış, qüsursuz xidmət göstərmişdir.
Həsən İsmayılov Naxçıvan Firqə Şura Məktəbini bitirmişdi. O, həmçinin, xüsusi nişançılar hazırlayan atıcılıq kursunda fəal iştirakına və kursu uğurla başa vurduğuna görə, birinci dərəcəli "Voroşilov" nişanı ilə təltif olunmuşdur.
Ömrün sonu
[redaktə | mənbəni redaktə et]Həsən İsmayılov 25 mart 1939-cu il tarixində taleyin amansız gərdişi onu doğma el-obasından ayırır o, SSRİ ilə Finlandiya arasındakı müharibəyə cəlb olunur.
Həsən İsmayılov qısa olsa da, zəngin həyat yolu keçib, uzun insan ömrünə sığmayacaq qədər işlər körməyə nail olub. Onun həyatının mülki həyatda keçən hissəsinə dair xatirələr, dildən-dilə keçən məlumatlar kifayət qədərdir. Hərbi xidmət və müharibə dövrünə aid həyat yolunu isə yalnız arxiv sənədlərinə müraciət etməklə öyrənmək mümkündür. Keçmiş SSRİ-nin arxivlərindəki məlumatlara əsasən, Həsən İsmayılov SSRİ-Finlandiya müharibəsində xüsusi qəhrəmanlıq və şücaət göstərmiş, şəxsi fədakarlığı ilə digərlərindən fərqlənmişdir.[3]
Lakin amansız əcəl Həsən İsmayılovun ömür yolunun yarımçıq qalmasına səbəb olmuş, özü, doğmaları, xalqı və canından artıq sevdiyi Azərbaycanın inkişafı üçün sonsuz arzularla döyünən ürəyi əbədi olaraq susmuşdur.
2 mart 1940-cı il tarixində gənc döyüşçü Həsən İsmayılov qəhrəmancasına həlak olmuşdur.[4]
- Tanınmış şəxsiyyət Məşədi Mahmud İsmayıloğlunun nəvəsidir.
- İstiqlalçı, partizan, "Qırmızı tabor"un komandirlərindən Tağı İsmayılovun oğludur.
- Filologiya elmləri doktoru, professor Əjdər İsmayılovun qardaşıdır.
İstinadlar
[redaktə | mənbəni redaktə et]- ↑ interpress.az Şərəfli ömür yolu [ölü keçid]
- ↑ "olaylar.az Şərəfli ömür yolu". 2015-10-03 tarixində arxivləşdirilib. İstifadə tarixi: 2014-05-05.
- ↑ "Книгa памяти". 2022-03-29 tarixində arxivləşdirilib. İstifadə tarixi: 2014-05-05.
- ↑ "Исмаилов Гасан Таги-оглы". 2023-07-23 tarixində arxivləşdirilib. İstifadə tarixi: 2014-05-05.
- 1 apreldə doğulanlar
- 1915-ci ildə doğulanlar
- 24 yaşında vəfat edənlər
- 2 martda vəfat edənlər
- 1940-cı ildə vəfat edənlər
- Finlandiyada vəfat edənlər
- Şərur rayonunda doğulanlar
- Azərbaycan hərbçiləri
- Azərbaycanlı hərbçilər
- Azərbaycan pedaqoqları
- Azərbaycanlı pedaqoqlar
- Azərbaycanlı mühəndislər
- Azərbaycan mühəndisləri
- SSRİ-Finlandiya müharibəsi (1939-1940) iştirakçıları