Lesoto bayrağı
Lesoto bayrağı | |
---|---|
|
|
Təfərrüatlar | |
İstifadə edən(lər) | Lesoto |
Qəbul edilib | 4 oktyabr 2006 |
Proporsiya | 2:3 |
Lesoto bayrağı, 4 oktyabr 2006-cı ildə Lesoto Krallığı tərəfindən rəsmi olaraq qəbul edilmiş olan bayraqdır. Bayrağın mavi, ağ və yaşıl rəngdə olan üç ədəd zolaqlarıdır var və bayrağın mərkəzi hissəsində (ağ zolağın mərkəzində) Basotho papağı yerləşdirilmişdir. Bu bayraq Lesoto krallığının müstəqilliyinin 40-cı ili münasibəti ilə qəbul edilmişdir. Bu yeni bayraq ölkə sülhünün və sülh oriyentasiyasının simvolu hesab edilir.
Tarixi
[redaktə | mənbəni redaktə et]Lesotonun ilk bayrağı 4 oktyabr 1966-cı ildə, ölkənin müstəqilliyini əldə etdiyi gün qəbul edilmişdir. Bayraqdakı ən gözəgəlimli fiqur isə ağ Basotho papağıdır. Bu papaqda istifadə edilən ağ rəng sülhün simvoludir. Bayrağın hakim rəngi olan mavi rəng səmanı və yağışı, yaşıl rəng torpağı, qırmızı rəng isə imanı simvolizə edir.
20 yanvar 1987-ci ildə Lesotoda yeni bayraq qəbul edilmişdir. Bu bayraq 20 ildir hakimiyyətdə olan Basotho Milli Partiyasının hərbi çevriliş yolu ilə devrilməsindən sonra qəbul edilmişdir. Bu bayraqda ənənəvi ağ rəngli Basotho papağı fiqurunun yerini açıq qəhvəyi rəngli Basotho qalxanı, "assegai" (nizə) və "knobkierie" (dəyənək) əvəz edilmişdir. Bayrağın rəngləri və forması da dəyişdirilmişdir. Diaqonal olan ağ rəngli zolaq sülhü, diaqonal olan açıq mavi rəngli zolaq yağışı, diaqonal olan yaşıl rəngli zolaq isə rifahın simvolu olmuşdur.
1993-cü ildə hərbi idarə demokratik hökumətlə əvəz olunmuş olsa da, ölkə daxilində bayraqla bağlı gərgin müzakirələr davam etmişdir. Ölkənin bu ikinci bayrağı hərbi xunta rejimi ilə eyniləşdirilmiş və onu dəyişdirmək üçün ictimaiyyətdən tələblər olmuşdur. Yeni bayraq isə 2006-cı ildə qəbul edilmişdir.
Dizayn
[redaktə | mənbəni redaktə et]Milli bayrağın rəng kodları və ölçüləri aşağıdaki kimidir.
Mavi | Ağ | Yaşıl | Qara | |
---|---|---|---|---|
CMYK | 100-80-0-38 | 0-0-0-0 | 100-0-55-42 | 100-100-100-99 |
HEX | #00209F | #FFFFFF | #009543 | #000000 |
RGB | 0-32-159 | 255-255-255 | 0-149-67 | 0-0-0 |
Tarixi bayraqlar
[redaktə | mənbəni redaktə et]-
Birləşmiş Krallığın müstəmləkəsi olan Basutolend bayrağı (1884–1966)
-
Lesoto krallığının bayrağı (1966-1987)
-
Lesoto krallığının bayrağı (1987-2006)
-
Bayraqda olan və mokorotlo adı verilmiş papaq