Mustafa İslamoğlu
Mustafa İslamoğlu | |
---|---|
| |
Doğum tarixi | 28 oktyabr 1960 (63 yaş) |
Doğum yeri |
Mustafa İslamoğlu (28 oktyabr 1960, Kayseri) — Türk ilahiyyatçı, şair. Ədəbiyyat, İslam hüququ, İslam tarixi, təfsir kimi sahələrdə tanınmış alim.
Həyatı
[redaktə | mənbəni redaktə et]Mustafa İslamoğlu 28 oktyabr 1960-cı ildə Türkiyənin Kayseri vilayətinin Dəvəli şəhərində ziyalı ailəsində dünyaya gəlmiş, orta təhsilini də elə orada almışdır. Orta təhsilini başa vurduqdan sonra Yüksək İslam İnsti-tutunda, daha sonra isə Misirin məşhur əl-Əhzər Universitetin-də iki ixtisas üzrə (İslam hüququ və təfsir) ali təhsilə yiyələn-mişdir.
M. İslamoğlu tələbəlik illərindən fəlsəfi-teoloji-əxlaqi mövzularda elmi tədqiqat işləri ilə məşğul olmağa başlamış (1982–1989) və "Dergah" (1982–83) jurnallarında yayımlamışdır.
Mustafa İslamoğlu filosof, mədəniyyətşünas, ilahiyyatçı, yazıçı və şairdir. Yazıçı-publisistin "Yeni Şafak", "Anadolu’da Vakit", "Akit", "Selam", "Aylık Dergi", "Ribat", "Meydan" kimi qə-zet və jurnallarda çap edilən aktual mövzulara həsr olunmuş məqalələri "Makalat", "Şafak Yazıları", "Dağarcık", "Yokluğunda Düşülmüş Notlar", "Savaş Kesmeyen Sözler", "Sözün Gücü mü", "Gücün Sözü mü", "Yerliler ve Yersizler", "Ayetlerin işığında" adlı əsərlərdə toplanıb, kitablar şəklində çap edilmişdir.
M. İslamoğlu fəlsəfi, teoloji, sosioloji, kulturoloji, tarixi, ədəbi və s. mövzulara dair 30-dan artıq elmi və elmi-publisistik əsərin müəllifidir.