Nindza tısbağalar (film, 1990)
Nindza tısbağalar | |
---|---|
ing. Teenage Mutant Ninja Turtles | |
| |
Janr | döyüş filmi[1][2][…], komediya filmi, elmi-fantastika filmi, fentezi filmi[d] |
Əsas mövzu | Nyu York Polis Departamenti, Nindza |
İcraçı prodüser | Reymond Çou[d] |
Baş rollarda | |
Montajçı | Salli Menke[d] |
İstehsalçılar | New Line Cinema, Orange Sky Golden Harvest |
Distribütor | UIP-Dunafilm[d], Netflix |
İlk baxış tarixi | 30 mart 1990[5][6], 14 iyul 1990[6], 21 sentyabr 1990[6], 28 sentyabr 1990[6], 21 noyabr 1990[6], 23 noyabr 1990[6], 30 noyabr 1990[6], dekabr 1990[6], 1 dekabr 1990[6], 6 dekabr 1990[6], 7 dekabr 1990[7], 12 dekabr 1990[6], 13 dekabr 1990[6], 21 dekabr 1990[6], 26 dekabr 1990[6], 25 yanvar 1991[6], 8 fevral 1991[6], mart 1991[6], 29 mart 1991[6], 2 avqust 1990[6] |
Müddət | 93 dəq. |
Büdcə | 13.500.000 $ |
Gəlir | 202.084.756 $[8], 135.384.756 $[8] |
Ölkə | |
Dil | ingilis dili |
Rəng | rəngli |
Çəkiliş yeri | Nyu-York[9], Uilminqton[d][9] |
IMDb | ID0100758 |
Nindza tısbağalar (ing. Teenage Mutant Ninja Turtles və ya TMNT) — Nindza tısbağalar seriyasının ilk filmidir. 1990-cı ildə irlandiyalı rejissor Stiv Barron tərəfindən çəkilmişdir.[10] Filmin distribütori New Line Cinema kinokompaniyasıdır.
Məzmun
[redaktə | mənbəni redaktə et]Nyu-York ştatının kanalizasiyasına kolba düşmüşdür. Bu kolbanın içindəki radioaktiv maddə dağılmışdır. Kanalizasiyada yaşayan 4 tısbağa radioaktiv maddə qidalanan zaman onlarda mutasiya gedir. Tısbağalar getdikdə böyüyür və mutant tısbağalara dönürlər. Mutant tısbağaları başqa bir mutant siçovul – sensey Splinter tapır. Splinter onları böyüdür və tərbiyə edir. Həmçinin, onlara döyüş sənətinin sirlərini öyrədir. Splinter həmin döyüş sənətlərinin sirlərini kiçik yaşlarında müəllimindən öyrənmişdir. Müəlliminin isə sevdiyi şəxs var idi. Lakin cütlüyün bir-birinə münasibətindən xoşlamayan Oroku Saki (və ya Şreder) onu öldürür. Bu zaman Splinter ona müqavimət göstərərək üzündə çırmaq izi qoyur. Lakin əvəzində bir qulağını itirir. Baş verən hadisədən sonra Splinter söz verir ki, müəlliminin intiqamını ondan mütləq alacaqdır.
Nyu-York şəhərində çoxlu oğurluq hadisələri baş verir. "Channel 3" televiziya kanalının müxbiri Eypril O’Nil küçə oğrularının hücumuna məruz qalır. Bu zaman hər tərəf qaranlıq olur. İşıq yananda isə oğruların hamısının əlləri bağlı olur. Bu zaman Eypril kanalizasiya qapağının yanına bir qılın görür və onu özü ilə birlikdə aparır. Əslində, qılınc tısbağalara məxsus olur.
Tısbağalar günlərin birində gecə vaxtı fəaliyyətlərini davam etdirən zaman küçə oğrularından biri olan Keysi Consla rastlaşırlar. Keysi Cons onlara müqavimət göstərir və qaçmağı bacarır. Bu müddətdə Eypril həyat yoldaşı ilə boşanma ərəfəsində olur. Onların övladı Denni Penninqton valideynlərindən xəbərsiz oğru bandasına qoşulmuşdur. Bandanın başçısı isə Şrederdir. Bu banda cavan yaşlı yeniyetmələ nindzalığı və oğruluq etməyi bacarığını öyrədir.
Tısbağalar Eyprilin evinə gəlirlər. Eypril tısbağalardan çəkinsə də, bir müddət sonra onlara qarşı yaxşı münasibət bəsləməyə başlayır. Tısbağalar isə daha çox pitsa yeməyi xoşlayırlar. Lakin bir gün Eyprilin evinə nindza bandası hücum edir. Dörd tısbağa, Eypril və onlara kömək üçün yetişən Keysi Cons evi tərk etməyə məcbur olurlar. Kanalizasiyaya geri dönən zaman tısbağalar Splinterin burada olmadığını görürlər. Onlar başa düşürlər ki, müəllimlərini nindza bandası oğurlayıb.
Splinter qaranlıq otağa salınır. Burada Denni ilə rastlaşır. Splinter ona öz barəsində hər şeyi danışmağa başlayır. Bu vaxtda tısbağalar döyüş qabiliyyətlərini artırmağa çalışırlar və bu məqsədlə məşqlərə başlayırlar. Məşqlərini bitirdikdən sonra Splinterin ruhu ilə əlaqə yaradırlar. Bu isə onlarda qələbə inamını daha da artırır. Bu müddətdə Şreder onların hücum edəcəyini başa düşür. Keysi Cons Eyprilə aşiq olur. Bir müddət keçdikdən sonra Keysi Denninin nindza oğrular bandasına qoşulduğundan xəbər tutur. Keysi nindzalardan birini məğlub edərək, onun paltarını geyinir və bandaya daxil olur. Bu müddətdə Denni Splinteri dustaq edildiyi otaqdan xilas etməyə çalışır. Lakin Şrederin baş köməkçisi olan Tatsu heyət üzvləri ilə onun qarşısını alır. Bu zaman Keysi onlara yetişir və Tatsunu məğlub edir. Keysi heyət üzvlərinə ailələrinin burada yox, evlərində, valideynlərinin yanında olduğunu bildirir.
Nəhayət, tısbağalar Şreder ilə rastlaşırlar. Onlar Şreder ilə döyüşürlər. Lakin Şrederin öhdəsindən gələ bilmirlər. Onların güclü olmalarına baxmayaraq Şreder tısbağaların hər birini məğlub etməyi bacarır. Bu zaman qəflətən tısbağaların müəllimi Splinter peyda olur. Şreder maskasını çıxarır və ona hücum edir. Lakin Şreder onun öhtəsindən gələ bilməyərək məğlub olur. Artıq baş verən hadisələr geridə qalmış və tısbağalar uğurlu fəaliyyətlərinə davam etməyə hazırlaşırlar.
Rollarda
[redaktə | mənbəni redaktə et]Aktyor/aktrisa | Rol | Qeydlər |
---|---|---|
Kevin Kleş | Splinter | həm səsləndirən, həm də canlandırandır |
Li Coş Peys | Rafael | həm səsləndirən, həm də canlandırandır |
Devid Formen | Leonardo | səsləndirən: Brayan Toçi |
Mişlen Sisti | Mikelancelo | səsləndirən: Robbi Rist |
Leyf Tilden | Donatello | səsləndirən: Kori Feldman |
Cudit Hoak | Eypril O’Nil | Televiziya müxbiridir |
Elias Koteas | Keysi Cons | Küçə oğrularından biridir |
Maykl Törni | Denni Penninqton | Çarlz və Eyprilin oğludur |
Ceyms Saito | Oroku Saki | Şredder və ya Oroku Saki, səsləndirən: Devid MakÇaren |
Tosisiro Obata | Tatsu | Şrederin baş köməkçisi, səsləndirən: Maykl MakKonnohi |
Sem Rokuell | yoxdur | Şrederin dəstəsinin başçısıdır |
Cey Pitterson | Çarlz Penninqton | Eyprilin həyat yoldaşı və Denninin atası (məzmuna görə Çarlz və Eypril boşanırlar) |
Maraqlı faktlar
[redaktə | mənbəni redaktə et]- Tatsu rolunu ifa edən Toşiro Obata Şinkendo və Şinokan Aykido növü ustadır.
İstinadlar
[redaktə | mənbəni redaktə et]- ↑ http://www.imdb.com/title/tt0100758/.
- ↑ https://www.filmaffinity.com/en/film412197.html.
- ↑ http://www.ofdb.de/film/5316,Turtles---Quietschvergn%C3%BCgt-und-springlebendig.
- ↑ http://www.imdb.com/title/tt0100758/fullcredits.
- ↑ http://www.boxofficemojo.com/movies/?id=teenagemutantninjaturtles.htm.
- ↑ 1 2 3 4 5 6 7 8 9 10 11 12 13 14 15 16 17 18 19 http://www.imdb.com/title/tt0100758/releaseinfo.
- ↑ http://www.svenskfilmdatabas.se/sv/Item/?type=film&itemid=18771.
- ↑ 1 2 Box Office Mojo (ing.). 1999.
- ↑ 1 2 The Hollywood Reporter (ing.). / J. Min LA: Penske Media Corporation, 1930. ISSN 0018-3660
- ↑ "Awards for Teenage Mutant Ninja Turtles=Teenage Mutant Ninja Turtles". 2019-11-12 tarixində arxivləşdirilib. İstifadə tarixi: 2012-04-10.
Xarici keçidlər
[redaktə | mənbəni redaktə et]- TMNT I on the Official Ninja Turtles website.
- TMNT movie soundtrack information at the Official Ninja Turtles website.
- Cavan mutant nindza tısbağalar — Internet Movie Database saytında