Nurəddin Məstəliyev
Nurəddin Məstəliyev | |
---|---|
Şəxsi məlumatlar | |
Doğum tarixi | |
Doğum yeri | |
Vəfat tarixi | (20 yaşında) |
Dəfn yeri | |
Vətəndaşlığı | |
Atası | Hasil Məstəliyev |
Anası | Nigar Məstəliyeva |
Hərbi fəaliyyəti | |
Mənsubiyyəti |
|
Xidmət illəri | 2019-2020 |
Rütbəsi | Əsgər |
Vəzifəsi | Kəşfiyyatçı |
Döyüşlər |
İkinci Qarabağ müharibəsi • Şuşa uğrunda döyüşlər |
Təltifləri |
|
Nurəddin Hasil oğlu Məstəliyev (13 fevral 2000, Qızıldaş – 2020) — Dövlət Sərhəd Xidmətinin kəşfiyyatçı əsgəri, İkinci Qarabağ müharibəsi şəhidi.
Mündəricat
Həyatı
[redaktə | mənbəni redaktə et]Nurəddin Məstəliyev 2000-ci il fevralın 13-də Bakı şəhəri, Qaradağ rayonu, Qızıldaş qəsəbəsində dünyaya göz açmışdır. Əslən Yardımlı rayonunun Ökü kəndindəndir. İbtidai təhsilinə 2007-ci ildə Azər Namazov adına 180 saylı orta məktəbdə başlamışdır. Nurəddin kiçik yaşlarından idmanla məşğul olmağa başlayıb. Bir çox turnirlərə qatılan Nurəddin dəfələrlə rəqiblərindən fərqlənərək mükafatlar, sertifikatlar və medallar ilə təltif olunmuşdur. İdman məşğuliyyətini peşəkar səviyyəyə çatdıran Nurəddin Karatenin Gōjū-ryū növü üzrə 80 kq çəki dərəcəsində bütün rəqiblərinə qalib gələrək Respublika Birincisi kimi ən yüksək mükafata layiq görülüb. 2016-cı ildə orta məktəbi bitirdikdən sonra 8 saylı texniki peşə liseyində "qaynaqçı" peşəsi üzrə ixtisaslaşıb. Peşə təhsilini bitirdikdən sonra hərbi xidmətə yola düşüb.
Hərbi illəri
[redaktə | mənbəni redaktə et]Nurəddin 2019-cu il iyul ayında hərbi xidmətə yollanıb. 2020-ci ilin sentyabr ayına qədər Dövlət Sərhəd Xidmətində hərbi xidmət keçib. Peşəkar idmançı olduğu üçün kəşfiyyat bölüyünə qoşulub.
Şəhadəti
[redaktə | mənbəni redaktə et]Sentyabrın 27-də İkinci Qarabağ müharibəsinin başlaması ilə döyüşə yollanıb. Cəbrayıl və Xocavənd uğrunda gedən döyüşlərdə şücaət göstərmişdir. Şuşa uğrunda gedən döyüşlərdə qəhrəmancasına döyüşmüşdür. Döyüş meydanında düşmən snayperinin gülləsinə tuş gəlmişdir. Aldığı xəsarətdən yerindəcə şəhidlik zirvəsinə ucalmışdır. Şəhid, 13 noyabr 2020-ci ildə doğulub boya-başa çatdığı, valideynləri ilə yaşadığı Qızıldaş qəsəbəsinə gətirilmiş, qəsəbə sakinləri tərəfindən izdihamla qarşılanmış və təntənəli surətdə torpağa tapşırılmışdır. Vida mərasimində Milli Məclisin deputatı, YAP Qaradağ rayon təşkilatının sədri Aydın Hüseynov, Qaradağ rayon İcra Hakimiyyətinin başçısı Süleyman Mikayılov, Qızıldaş bələdiyyəsinin sədri İdris Alışanov, sədr müavini Fərid Tağıyev və Müdafiə Nazirliyinin nümayəndələri iştirak etmişdir.
Uğurları
[redaktə | mənbəni redaktə et]19 Dekabr 2015 - Ümumilli lider Heydər Əliyevin xatirəsinə həsr olunmuş yeniyetmələr, gənclər, qızlar və kişilər arasında Qocyu-ryu Okinava Karate-do və Kobudo idman növü üzrə Açıq Respublika turniri İRİQUMİ-CYUQO döyüş qaydaları üzrə +65 kq çəki dərəcəsində bacarıq göstərərək II yerə layiq görülmüşdür.
20 Yanvar şəhidlərinin xatirəsinə həsr olunmuş yeniyetmələr, gənclər, qızlar və kişilər arasında Qocyu-ryu Okinava Karate-do və Kobudo idman növü üzrə respublika turnirində 75 kq çəki dərəcəsində III yeri tutmuşdur.
13 Mart 2016 - Azərbaycan Qocyu-Ryu Okinava Karate-Do və Kobudo Növləri Federasiyasının 20 illiyinə həsr olunmuş XIX Açıq Bakı birinciliyi və çempionatının +16 yaş, +75 kq çəki dərəcəsində I yerə layiq görülüb.
21-22 May 2016 - Azərbaycan Qocyu-Ryu Okinava Karate-Do və Kobudo Növləri Federasiyası. Beynəlxalq Juqo Kobute və Kempo-Ryu Federaiyası. Ümumilli Lider Heydər Əliyevin 93-cü ildönümünə həsr olunan XIX Açıq Respublika Kuboku İRİQUMİ-CYUQO döyüş qaydaları üzrə +65 kq çəki dərəcəsində bacarıq göstərərək II yerə layiq görülmüşdür.
17 İyul 2016 - Azərbaycan Qocyu-Ryu Okinava Karate-Do və Kobudo Növləri Federasiyası yeniyetmələr və Gənclər arasında Bakı Şəhər Açıq Turniri -60 kq çəki dərəcəsində III yerə layiq görülüb.
Azərbaycan Qocyu-Ryu Okinava Karate-Do və Kobudo Növləri Federasiyası və Juqo Kobute və Kempo-Ryu Federasiyasının böyüklər, gənclər və yeniyetmələr arasında XIX Açıq Respublika Çempionatı və Birinciliyində İRİQUMİ-CYUQO döyüş qaydaları üzrə 70 kq çəki dərəcəsində bacarıq göstərərək III yerə layiq görülmüşdür.
Təltif və mükafatları
[redaktə | mənbəni redaktə et](05.11.2022) — 3-cü dərəcəli "Vətənə xidmətə görə" ordeni Azərbaycan Respublikasının Prezidentinin Sərəncamı ilə təltif olunmuşdur.
(15.12.2020) — "Vətən uğrunda" medalı — Azərbaycan Respublikasının Prezidentinin Sərəncamı ilə təltif olunmuşdur.
(24.06.2021) — "Cəsur döyüşçü" medalı (ölümündən sonra)[1]
(25.12.2020) — "Füzulinin azad olunmasına görə" medalı — Azərbaycan Respublikasının Prezidentinin Sərəncamı ilə təltif olunmuşdur.
(25.12.2020) — "Xocavəndin azad olunmasına görə" medalı — Azərbaycan Respublikasının Prezidentinin Sərəncamı ilə təltif olunmuşdur.
Həmçinin bax
[redaktə | mənbəni redaktə et]İstinadlar
[redaktə | mənbəni redaktə et]- ↑ "Azərbaycan Silahlı Qüvvələrinin hərbi qulluqçularının "Cəsur döyüşçü" medalı ilə təltif edilməsi haqqında Azərbaycan Prezidentinin 24.06.2021-ci il tarixli Sərəncamı". www.mod.gov.az (Azərbaycan Respublikası Müdafiə Nazirliyinin rəsmi saytı) ( (az.)). 24.06.2021. 2021-06-26 tarixində arxivləşdirilib. İstifadə tarixi: 24.06.2021.
- 13 fevralda doğulanlar
- 2000-ci ildə doğulanlar
- Qaradağ rayonunda doğulanlar
- 20 yaşında vəfat edənlər
- Noyabrda vəfat edənlər
- 2020-ci ildə vəfat edənlər
- Qaradağ rayonunda dəfn olunanlar
- Azərbaycan Silahlı Qüvvələrinin əsgərləri
- 3-cü dərəcəli "Vətənə xidmətə görə" ordeni ilə təltif edilənlər
- "Vətən uğrunda" medalı ilə təltif edilənlər
- "Cəsur döyüşçü" medalı ilə təltif edilənlər
- "Füzulinin azad olunmasına görə" medalı ilə təltif edilənlər
- "Xocavəndin azad olunmasına görə" medalı ilə təltif edilənlər
- Əlifba sırasına görə hərbi xadimlər
- İkinci Qarabağ müharibəsində Azərbaycan tərəfdən həlak olanlar