Sorbe

Çiyələkli sorbe və ya şərbət

Sorbe və ya şərbət (fr. sorbet) – dondurulmuş desert. Şəkərli sirop və ya meyvə şirəsindən, püredən hazırlanır. Həmçinin şampan, şərab, konyak əlavə edərək də istifadə edilə bilər.

Haqqında

Laymalı sorbe

Bəzən sorbe soyuq halda tam dondurulmadan istifadə edilir. Onu çox vaxt yemək çeşidləri arasında verirlər. Çünki o həzmə yaxşı təsir edir. Tamamiylə sorbe dondurulmuş olduğu üçün dondurma kimi desertdir.

Tarixi

Ərəb sözü olan şərbət, soyuq alkoqolsuz içkidir. Avropaya ilk dəfə XVI əsrdə Türkiyədən dəyişilmiş şəkildə gəlib çıxmışdır. İtalyanca içkinin adı sorbetto (it. sorbire sözündən), fransızcada isə sorbet kimi səslənir. Versiyaya görə, Fransaya içki İtaliyadan kral II Henrinin dövründə gəlmişdir. Belə ki, onun xanımı italyan idi. Sorbeni Avropada ancaq bayramlarda içirdilərsə, Türkiyə və Misirdə sərinləşdirici meyvəli içki kimi tez-tez içilirdi. XVII əsrdə Fransız sorbesi su, şəkər və limondan ibarət içki kimi başa düşülürdü. XIX əsrdə artıq onu yarımdondurulmuş desert kimi təqdim etməyə başladılar. Bəzən ona alkoqol da qatır və onu asta-asta qaşıqla içirdilər.

Hazırlanması

Çiyələkli sorbe

Sorbeyə şəkərli sirop və püre halında meyvələr qatırdılar. Meyvəli püre və ya alkoqol soyumuş siropla qarışdırılıb dondurucuya qoyulurdu. Dondurulma zamanı o bir neçə dəfə çıxarılıb qarışdırılırdı, çünki iri kristallik donmalara rast gəlinməsin. Bəzi hallarda sorbeyə qaymaq, süd və yumurta da əlavə edirdilər.

Həmçinin bax

• Dondurma
• Desert
• İtalyansayağı buz
• Qranita

İstinadlar

1. ↑ Giuliano Valdès, " Sicilia " version française, éditions Bonechi, 2011, p. 14.
2. ↑ Abdallah Naaman, , Maison Naaman pour la Culture, 1984, p. 112
3. ↑ Liliane Plouvier, L'Europe se met à table, Ed. DG Education et Culture, Bruxelles, 2000, p. 60
4. ↑ (it) Maria Cristina De Montemayor, Monica Baldi, , M. C. de Montemayor, 2004, p. 21
5. ↑ ^{a, b, c et d} " " [archive], DGCCRF (consulté le 3 octobre 2017)
6. ↑ [PDF]Code des pratiques loyales des glaces alimentaires. Arxivləşdirilib 2013-06-26 at the Wayback Machine [archive]
7. ↑ https://www.legifrance.gouv.fr/jo_pdf.do?cidTexte=JPDF2807197000007039&categorieLien=id [archive]