Riçard Kuklinski
Riçard Kuklinski | |
---|---|
1982-ci ildə çəkilmiş şəkli. | |
Doğum tarixi | 11 aprel 1934[1][2][…] |
Doğum yeri | |
Vəfat tarixi | 5 mart 2006[3][2][…] (71 yaşında) |
Vəfat yeri | |
Vəfat səbəbi | qan xəstəlikləri[d] |
Vətəndaşlığı | |
Fəaliyyəti | sifarişli qatil |
Cinayət | qətl |
Cinayət cəzası | 2 dəfə həbs |
Cinayət statusu | ölüm |
Həyat yoldaşı | Barbara Kuklinski (boşanıb) |
Valideynlər | Stenli Kuklinski (ata) və Anna Kuklinski (ana) |
Riçard Kuklinski (11 aprel 1935, Cersi-Siti – 5 mart 2006, Trenton) – amerikalı-polyak[4] mənşəli seriyalı qatil. Cinayətləri işlədikdən sonra cinayət vaxtının bəlli olmaması üçün cəsədləri dondurduğundan "Buz adam" ləqəbini almışdır. 250-dən çox insanın ölümündən məsuldur.
Həyatı və karyerası
[redaktə | mənbəni redaktə et]1935-ci ildə Cersi-Sitidə anadan olub. Ailəsi və yaşadığı mühit ona pis təsir edib: iki qardaşından biri Florian atası tərəfindən öldürülüb.[5] İkinci qardaşı isə 12 yaşlı qıza təcavüz edib qızı öldürüb.[6]
Riçard ilk cinayətini 13 yaşında işləyib.[7] Daha sonra cinayət ailələrinin diqqətini çəkmiş və peşəkar qatilə çevrilmişdir. Əvvəlcə Dekavalkante cinayət ailəsi və Nyu-Yorkda başqa 5 mafiya ailəsi üçün sifarişli qatil kimi xidmət göstərib. Daha sonra Qambino ailəsi ilə işləməyə başlayıb.
Tutulması
[redaktə | mənbəni redaktə et]17 dekabr 1986-cı ildə Riçardın yaxın dostlarından biri olan Fil Solimen ilə əməkdaşlıq edən FBI tərəfindən yaxalanıb.[8] Yaxalanması belə olur: Riçard növbəti "sifariş"ini alır və onu yerinə yetirməyə yollanır. Əldə etdiyi sianidi bir küçə itində yoxlamağa qərar verir, lakin itin ölmədiyini görüb bunun qurma olduğunu anlasa da, artıq gec olur.[9] Yaxalandıqdan sonra 250-dən çox cinayətdən məsul olduğunu etiraf edib və bu cinayətlərin işıqlandırılmasında özü kömək edib. Həbsdə qaldığı müddətdə bir çox jurnalist, psixiatra onunla görüşməsinə icazə verib.
5 mart 2006-cı ildə Sent-Frensis Sağlamlıq Mərkəzində həyata gözlərini yumub.[10]
Stili
[redaktə | mənbəni redaktə et]Qurbanlarını müxtəlif üsullarla öldürüb: tapança, bıçaq, partlayıcı maddə, boğma, zəhərləmə, hətta bəzən yalın əllə, amma əsasən sianiddən istifadə etməyə üstünlük verib. Belə ki, sianid tez öldürür və meyityarma zamanı müəyyən edilməsi çətin olur.
Film
[redaktə | mənbəni redaktə et]Riçard Kuklinsi haqqında HBO tərəfindən iki sənədli film çəkilib. Bundan əlavə, 2012-ci ildə onun həyatını ələ alan "Buz adam" adlı film də istehsal olunmuşdur. Filmdə Kuklinski rolunu Maykl Şennon oynamışdır. Film Antoni Brumanın "Buz adam: Soyuqqanlı qatilin əsl hekayəsi" kitabının motivləri əsasında çəkilib.[11]
İstinadlar
[redaktə | mənbəni redaktə et]- ↑ http://www.nytimes.com/2006/03/09/nyregion/richard-kuklinski-70-a-killer-of-many-people-and-many-ways-dies.html?mcubz=3.
- ↑ 1 2 3 https://www.biography.com/people/richard-the-iceman-kuklinski-21360091.
- ↑ http://www.nytimes.com/2006/03/09/nyregion/09kuklinski.html.
- ↑ "Richard Kuklinski – zabijanie miał we krwi?" Arxivləşdirilib 2016-02-13 at the Wayback Machine. More Maiorum 1/2016, pp. 28–37 (Polish only); retrieved 21 February 2016.
- ↑ "The Iceman Tapes: Conversations with a Killer". America Undercover. Home Box Office, Rock Solid Productions. 2018-07-30 tarixində arxivləşdirilib. İstifadə tarixi: 10 avqust 2017.
- ↑ "Jersey City Man Arrested In Death of 12-Year-Old Girl". The New York Times. September 16, 1970. August 30, 2013 tarixində arxivləşdirilib. İstifadə tarixi: 10 avqust 2017.
... of a 12-year-old girl who apparently was thrown from the roof of a building. Joseph Kuklinski was taken into custody at his home at 434 Central Avenue
- ↑ Bruno, Anthony. The Iceman: The True Story of a Cold-Blooded Killer. New York, New York: Delacorte. 1993.
- ↑ Carlo, 2006. səh. 299
- ↑ Carlo, 2006. səh. 363-365
- ↑ Higginbotham, Adam. "Married to the Iceman". The Telegraph. Telegraph Media Group Limited. 2021-07-09 tarixində arxivləşdirilib. İstifadə tarixi: 10 avqust 2017.
- ↑ Zakarin, Jordan. "'Iceman' Poster Stars Michael Shannon as a Menacing Killer". The Hollywood Reporter. 26 March 2012. 5 July 2015 tarixində arxivləşdirilib. İstifadə tarixi: 10 avqust 2017.
Ədəbiyyat
[redaktə | mənbəni redaktə et]- Carlo, Philip. The Ice Man: Confessions of a Mafia Contract Killer. New York, New York: St. Martin's Press. 2006. ISBN 978-0-312-34928-8.
- HBO documentary (1992), The Iceman Tapes: Conversations with a Killer.