Takaşi Kimura
Takaşi Kimura | |
---|---|
| |
Vəzifədədir | |
24 mart 2024-cü ildən | |
Əvvəlki | İkuo Kabaşima |
Şəxsi məlumatlar | |
Doğum tarixi | 21 may 1974 (50 yaş) |
Doğum yeri | |
Təhsili | |
Fəaliyyəti | siyasətçi |
Takaşi Kimura (木村敬, Kimura Takaşi?, 21 may 1974, Tokio) – Yaponiya siyasətçisi. 2024-cü ildə Kumamoto prefekturasının qubernatoru seçilmişdir. Liberal Demokrat Partiyasının üzvüdür.
İlk illəri
[redaktə | mənbəni redaktə et]21 may 1974-cü ildə Tokioda doğulmuşdur. 1981-ci ildə ibtidai məktəbdə oxumağa başlamışdır. 1987-ci ildə liseyə keçmişdir. 1994–1999-cu illərdə Tokio Universitetinin hüquq fakültəsində təhsil almışdır.[1]
Siyasi karyerası
[redaktə | mənbəni redaktə et]Tokio Universitetindən məzun olduqdan sonra Daxil İşlər və Kommunikasiyalar Nazirliyinə daxil olmuş və Okayama prefekturasında işləməyə başlamışdır. 2004-cü ildə Tottori prefekturasına təyin olunmuşdur. 2012-ci ilin iyulunda Kumamoto prefekturasının hökumətində fəaliyyət göstəməyə başlamışdır. 2016-cı ildə Daxil İşlər və Kommunikasiyalar Nazirliyindəki vəzifəsinə qayıtmış, Kumamoto zəlzələsinin fəsadlarını aradan qaldırmaq üçün dəstək göstərmişdir.[1]
2020-ci ilin oktyabrında Kumamoto prefekturasının vitse-qubernatoru təyin olunmuşdur.[1] Bu vəzifəni yetirərkən prefekturada rifah xidmətlərinin inkişafı üçün işlər görmüş, Tayvanın "TSMC" şirkəti ilə əməkdaşlıq etmişdir. 24 mart 2024-cü ildə Kumamotoda keçirilmiş qubernatorluq seçkilərində iştirak etmiş, Kumamoto şəhərinin meri olan Seyşi Koyama kimi rəqibləri qabaqlayaraq yeni qubernator seçilmişdir. O, Kumamoto prefekturasının son 16 ildəki ilk yeni qubernatoru olmuşdur.[2]
Şəxsi həyatı
[redaktə | mənbəni redaktə et]1999-cu ildə Okayamada işləyərkən məktəb müəllimi olan gələcək həyat yoldaşı ilə tanış olmuş və 2002-ci ildə onunla evlənmişdir. Həyat yoldaşı hazırda Kumamoto prefekturasında yerləşən özəl liseydə dərs deyir.[1]
İstinadlar
[redaktə | mənbəni redaktə et]- ↑ 1 2 3 4 "プロフィール". Rəsmi saytı (yaponca). 17 may 2024 tarixində arxivləşdirilib. İstifadə tarixi: 17 may 2024.
- ↑ "Ex-vice governor wins Kumamoto gubernatorial election". The Japan Times (ingiliscə). 25 mart 2024. 10 May 2024 tarixində arxivləşdirilib. İstifadə tarixi: 17 may 2024.
Xarici keçidlər
[redaktə | mənbəni redaktə et]- kimura-takashi.jp — Takaşi Kimuranın rəsmi saytı