Timaşyovski rayonu
Timaşyovski rayonu | |||||
---|---|---|---|---|---|
| |||||
|
|||||
|
|||||
Ölkə | |||||
İnzibati mərkəz | Timaşevsk[1] | ||||
Tarixi və coğrafiyası | |||||
Yaradılıb | 2 iyun 1924 | ||||
Sahəsi |
|
||||
Əhalisi | |||||
Əhalisi |
|
||||
Rəsmi sayt | |||||
|
|||||
Timaşyovski rayonu (rus. Тимашёвский район) — Rusiya Federasiyası, Krasnodar vilayətinin tərkibində inzibati ərazi vahidi. İnzibati mərkəzi Timaşevsk şəhəridir.
Coğrafiyası
[redaktə | mənbəni redaktə et]Timaşyovski rayonu diyarının coğrafi mərkəzində, Krasnodarın şimalında yerləşir. Rayon şimaldan Primorsko-Axtarski və Bryuxovetski rayonları ilə, cənubdai Dinski ilə, cənub-qərbdən Kalininski, şərqdə Korenovski rayonu ilə həmsərhəddir. Rayonun sahəsi 1506.4 km²-dir.
Tarixi
[redaktə | mənbəni redaktə et]Şimali Qafqaz vilayətinin Kuban diyarının bir hissəsi olan Timaşevski rayonu, 11 fevral 1927-ci ildə Medvedovski rayonunun mərkəzinin Timaşevskaya kəndinə köçürülməsi və rayonun adının Timaşevski olaraq dəyişdirilməsi nəticəsində meydana gəlir. Əvvəlcə rayonda 16 kənd sovetliyi var idi: Boykoponurski, Qreçanobalkovski, Derbentski, Dneprovski, Zareçenski, Kazaçe-Kirpilski, Leninski, Malininski, Medvedovski, Moqukoro-Qreçanıy, Popoviçevski, Serqievski, Staroveliçkovski, Timaşevski, Topoli, Xmelinski. 10 yanvar 1934-cü ildən rayon Azov-Qara dəniz ərazisinin bir hissəsi idi. 31 dekabr 1934-cü ildə rayonun bölüşdürülməsi nəticəsində Popoviçovski kənd sovetliyi Kaqanoviçski rayonunun bir hissəsi olur. 13 sentyabr 1937-ci ildən etibarən Timaşevski rayonu Krasnodar diyarının bir hissəsi olur. 22 avqust 1953-cü ildə ləğv edilmiş Roqovski rayonunun Rogovskaya kənd sovetliyi rayonun bir hissəsi olur. 1 fevral 1963-cü ildə Timaşevski kənd rayonu qurulur[4]. 11 fevral 1963-cü ildə ləğv edilmiş Kalininski və Primorsko-Axtarski rayonlarının ərazisi rayonun bir hissəsi olur. 12 yanvar 1965-ci ildə Primorsko-Axtarski rayonu əvvəlki sərhədlərinə bərpa edilir. 5 aprel 1978-ci ildə Kalininski, Kuibışevski və Staroveliçkovski kənd sovetlikləri Timaşevski rayonundan bərpa edilmiş Kalininski rayonuna verilir. 1990-cı ildə Timaşevsk yaşayış məntəqəsinə şəhər statusu verilir 1993-cü ildə kənd sovetliklərinin fəaliyyətinə xitam verilir, kənd idarələrinin əraziləri kənd dairələrinə çevrilir. 2005-ci ildə rayonda 10 bələdiyyə qurulur.
Əhali
[redaktə | mənbəni redaktə et]1 yanvar 2006-ci il tarixinə rayon əhalisi 107 008 nəfər təşkil etmişdir. Bunlardan 50,6 % -i şəhər, 49,4 % -i kənd sakinləridir. Bütün əhali arasında kişilər 46,9 %, qadınlar 53,9 % təşkil edir. Ümumi əhalinin 65 354 (61,1 %) nəfəri əmək qabiliyyətli insanlar, 21,4 %-i pensiyaçılardır[5].
İnzibati-ərazi vahidləri
[redaktə | mənbəni redaktə et]Timaşyovski rayonunda 1 şəhər və 9 kənd inzibati vahidliyinə 41 yaşayış məntəqəsi daxildir.
İqtisadiyyat
[redaktə | mənbəni redaktə et]Timaşyovski rayonu Kubanın iqtisadi cəhətdən inkişaf etmiş aqrosənaye bölgəsidir. Rayonda 55 iri müəssisə fəaliyyət göstərir, onlardan 16-sı büdcə təşkilatı, 1200-dən çox kiçik və orta sahibkarlıq, 200-ə yaxın ticarət və ictimai iaşə müəssisəsi, 364 kəndli təsərrüfatlarıdır.
Kənd təsərrüfatı məhsullarının istehsalı və emalı bölgənin inkişafı üçün prioritet sahələrdir. İqtisadiyyatın aqrar sektoru əsas sosial əhəmiyyət kəsb edən sahədir və emal kompleksinin fəaliyyəti birbaşa onun fəaliyyətindən asılıdır.
2007-ci ilin sonuna taxıl istehsalı 300 min tondan çox, günəbaxan 40 min ton, şəkər çuğunduru təxminən 100 min ton təşkil etmişdir. Ümumi süd istehsalı 46 min tondur.
İstinadlar
[redaktə | mənbəni redaktə et]- ↑ 1 2 3 ОКТМО. 185/2016. Southern FD.
- ↑ 1 2 GEOnet Names Server. 2018.
- ↑ https://rosstat.gov.ru/storage/mediabank/Bul_MO_2023.xlsx (rus.). 2023.
- ↑ "Указ Президиума ВС РСФСР от 01.02.1963". www.libussr.ru. 2018-05-26 tarixində arxivləşdirilib. İstifadə tarixi: 2018-05-25.
- ↑ "Департамент здравоохранения Краснодарского края, Тимашёвский район". 2008-01-26 tarixində orijinalından arxivləşdirilib. İstifadə tarixi: 2020-10-03.