Vasif Talıbov
Vasif Talıbov | |
---|---|
| |
16 dekabr 1995 – 21 dekabr 2022 | |
Əvvəlki | Namiq Həsənov |
Sonrakı | Azər Zeynalov (i. e.) |
Vəzifədədir | |
1995-ci ildən | |
Naxçıvan Ali Məclisinin I, II, III, IV, V və VI çağırış deputatı | |
Vəzifədədir | |
1995-ci ildən | |
Şəxsi məlumatlar | |
Doğum tarixi | 14 yanvar 1960 (64 yaş) |
Doğum yeri | |
Partiya | |
Təhsili | |
Fəaliyyəti | siyasətçi |
Uşaqları |
Rza Talıbov Seymur Talıbov Baharxanım Talıbova |
Dini | islam |
|
|
Təltifləri |
|
Vasif Yusif oğlu Talıbov (14 yanvar 1960, Aşağı Aralıq, Noraşen rayonu) — Naxçıvan Muxtar Respublikası Ali Məclisinin sədri (1995–2022), Azərbaycan Respublikası Milli Məclisinin deputatı, Yeni Azərbaycan Partiyası İdarə heyətinin üzvü, Azərbaycan dövlət xadimi.
Həyatı
[redaktə | mənbəni redaktə et]Vasif Talıbov 14 yanvar 1960-cı ildə Naxçıvan MSSR Şərur rayonunun Aşağı Aralıq kəndində anadan olmuşdur. 1981-ci ildə Naxçıvan Dövlət Pedaqoji İnstitutunun tarix-filologiya fakültəsini və 1998-ci ildə Bakı Dövlət Universitetinin hüquq fakültəsini bitirmişdir.[1]
Əmək fəaliyyətinə 1976-cı ildə Şərur rayon xalq maarif şöbəsində başlamış, sonra isə Naxçıvan alt trikotaj fabrikində kadrlar üzrə inspektor (1982-ci il), xüsusi şöbənin rəisi vəzifələrində çalışmışdır.
Vasif Talıbov 1991-ci ilin sentyabrından 1994-cü ilin aprelinədək Naxçıvan Muxtar Respublikasının Ali Məclisi sədrinin baş köməkçisi, 1994-cü ilin aprelindən 1995-ci ilin dekabrınadək Naxçıvan Muxtar Respublikası Baş nazirinin xarici-iqtisadi əlaqələr üzrə birinci müavini vəzifələrində çalışmışdır.
Yeni Azərbaycan Partiyasının yaranmasında fəal iştirak etmişdir. 1995-ci il aprelin 8-də keçirilən konfransında YAP Naxçıvan Muxtar Respublikası təşkilatının sədri seçilmişdir.
Azərbaycan Respublikası I–IV çağırış Milli Məclisinin, Naxçıvan Muxtar Respublikası I–VI çağırış Ali Məclisinin deputatı, hər çağırışda Naxçıvan Muxtar Respublikası Ali Məclisinin sədri seçilmişdir.
Vasif Talıbov Dünya Azərbaycanlılarının I Qurultayında (Bakı, 9 – 10 noyabr 2001-ci il) Əlaqələndirmə Şurasının üzvü seçilmişdir.
Vasif Talıbov Naxçıvan Ensiklopediyasının yeni ikicildlik nəşri (2005-ci il) və "Naxçıvan abidələri" ensiklopediyasının redaksiya heyətinin sədridir.
Yeni Azərbaycan Partiyasının VII qurultayında (5 mart 2021-ci il) YAP İdarə Heyətinin üzvü seçilib.[2]
Naxçıvan Dövlət Universitetinin və Gürcüstan Şota Rustaveli adına Dövlət Universitetinin fəxri doktorudur.
Naxçıvan Ali Məclisinin 21 dekabr 2022-ci il tarixində qapalı keçirilmiş səkkizinci sessiyasında səhhəti ilə əlaqədər Ali Məclisin sədri Vasif Talıbovun vəzifəsindən istefa verməsi ilə bağlı müraciətə baxılıb, Naxçıvan Muxtar Respublikasının Ali Məclisi Naxçıvan Muxtar Respublikası Konstitusiyasının 30-cu maddəsini rəhbər tutaraq onun müraciəti qəbul olunub. Sədr vəzifəsindən istefa verməsinə baxmayaraq Vasif Talıbov Ali Məclisin deputatı kimi fəaliyyətinə xitam verilməsi ilə bağlı müraciət etməmişdir.[3][4]
Azərbaycan Respublikası Dövlət Miqrasiya Xidməti Vətəndaşlıq Məsələləri Baş İdarəsinin rəisi Rza Talıbov və Naxçıvan MR Ali Məclisinin V və VI çağırışlarının deputatı Seymur Talıbovun atasıdır.
Fəxri adları və mükafatları
[redaktə | mənbəni redaktə et]- Azərbaycan Respublikasının Prezidenti İlham Əliyevin 13 yanvar 2010-cu il tarixli Sərəncamı ilə Azərbaycan Respublikasında qanunvericiliyin təkmilləşdirilməsi və sosial-iqtisadi inkişafın təmin olunmasında xidmətlərinə görə "Şöhrət" ordeni ilə təltif edilib.
- 2020-ci ildə Azərbaycan Respublikasında dövlət quruculuğu işlərində xüsusi xidmətlərinə görə "Şərəf" ordeni ilə təltif edilib.[5]
- Batumi Dövlət Universitetinin Fəxri Doktoru[6]
İstinadlar
[redaktə | mənbəni redaktə et]Bu məqalədəki istinadlar müvafiq istinad şablonları ilə göstərilməlidir. |
- ↑ "Arxivlənmiş surət". 2017-09-25 tarixində arxivləşdirilib. İstifadə tarixi: 2017-06-29.
- ↑ "Arxivlənmiş surət". 2021-02-10 tarixində arxivləşdirilib. İstifadə tarixi: 2021-03-11.
- ↑ "Vasif Talıbov Naxçıvan Muxtar Respublikası Ali Məclisinin sədri vəzifəsindən azad edilib - QƏRAR". 2022-12-22 tarixində arxivləşdirilib. İstifadə tarixi: 2022-12-22.
- ↑ "Arxivlənmiş surət". 2022-12-21 tarixində arxivləşdirilib. İstifadə tarixi: 2022-12-21.
- ↑ "V.Y.Talıbovun "Şərəf" ordeni ilə təltif edilməsi haqqında Azərbaycan Respublikası Prezidentinin Sərəncamı". 2020-01-13 tarixində arxivləşdirilib. İstifadə tarixi: 2020-01-13.
- ↑ ""Tatarits şeni dzmaa" – Gürcü məsəli". 2012-02-02 tarixində orijinalından arxivləşdirilib. İstifadə tarixi: 2012-01-31.
Xarici keçidlər
[redaktə | mənbəni redaktə et]- 14 yanvarda doğulanlar
- 1960-cı ildə doğulanlar
- Yaşayan insanlar
- Şərur rayonunda doğulanlar
- Yeni Azərbaycan Partiyasının üzvləri
- Bakı Dövlət Universitetinin məzunları
- Naxçıvan Dövlət Universitetinin məzunları
- "Şərəf" ordeni ilə təltif edilənlər
- "Şöhrət" ordeni ilə təltif edilənlər
- Əlifba sırasına görə vəzifəli şəxslər
- Azərbaycan Milli Məclisinin VI çağırış deputatları
- Azərbaycan Milli Məclisinin I çağırış deputatları
- Azərbaycan Milli Məclisinin II çağırış deputatları
- Azərbaycan Milli Məclisinin III çağırış deputatları
- Azərbaycan Milli Məclisinin IV çağırış deputatları
- Azərbaycan Milli Məclisinin V çağırış deputatları
- Naxçıvan Muxtar Respublikası Ali Məclisinin I çağırış deputatları
- Naxçıvan Muxtar Respublikası Ali Məclisinin II çağırış deputatları
- Naxçıvan Muxtar Respublikası Ali Məclisinin III çağırış deputatları
- Naxçıvan Muxtar Respublikası Ali Məclisinin IV çağırış deputatları
- Naxçıvan Muxtar Respublikası Ali Məclisinin V çağırış deputatları
- Naxçıvan Muxtar Respublikası Ali Məclisinin VI çağırış deputatları
- Naxçıvan Muxtar Respublikası Ali Məclisinin sədrləri
- Talıbovlar
- Yeni Azərbaycan Partiyası İdarə Heyətinin üzvləri
- Yeni Azərbaycan Partiyası Siyasi Şurasının üzvləri