Yefim Fomin
Yefim Fomin | |
---|---|
rus. Ефим Моисеевич Фомин | |
| |
Şəxsi məlumatlar | |
Doğum tarixi | |
Doğum yeri | Kolışki, Vitebsk qəzası, Vitebsk quberniyası, Liozna rayonu, Rusiya imperiyası |
Vəfat tarixi | (32 yaşında) |
Vəfat yeri | Brest, Belorusiya SSR, SSRİ |
Vəfat səbəbi | güllə yarası[d] |
Vətəndaşlığı |
|
Hərbi fəaliyyəti | |
Mənsubiyyəti | SSRİ |
Qoşun növü | atıcı |
Hərbi hissə | 84-cü piyada alayı |
Xidmət illəri | 1932—1941 |
Rütbəsi | alay komissarı |
Vəzifəsi | siyasi komissar |
Döyüşlər |
Böyük Vətən müharibəsi * Brest qalasının müdafiəsi |
Təltifləri |
|
Yefim Moiseeviç Fomin (rus. Ефим Моисеевич Фомин) — Sovet siyasi komissarı idi. O, Brest qalasının müdafiəsində göstərdiyi şücaətə görə tanınmış, məhz həmin döyüşün sonunda Vermaxt tərəfindən əsir götürülmüş və dərhal edam edilmişdir.
Fomin, 1909-cu ildə Vitebsk quberniyasının Kolışki şəhərində (indiki Liozna rayonu, Belarus) yəhudi ailəsində anadan olmuşdur.[1] O, valideynlərini uşaq olarkən itirmiş və yetimxanada böyümüşdür. 1924-cü ildə, 15 yaşlı Fomin Komsomola qoşulur. O, Vitebskdə ayaqqabı fabrikində işləyir və sonra Pskova köçür. Orada, o peşəkar partiya işçisi kimi hazırlıq keçmək üçün Kommunist Partiyası məktəbinə göndərilir. Fomin, 1930-cu ildə 21 yaşında olarkən partiya məktəbində rəsmən Sovet İttifaqı Kommunist Partiyasının üzvü kimi qəbul edildi. O, məktəbdən qayıdanda Kommunist Partiyasının Pskov şəhər komitəsinin təbliğatçısı olmağa təyin edilir.
Hərbçi karyerası
[redaktə | mənbəni redaktə et]1932-ci ildə Partiya Fomini Sovet Ordusuna təyin edir, o siyasi komissar olur və hərbçi kimi Pskov, Krım, Xarkov, Moskva və Latviyada xidmət edir.[2]
1938-ci ilin avqustunda, Fomin Xarkovda 23-cü atıcı diviziyasının diviziya komissarı kimi təyin edilmiş, 1940-cı ildə isə Latviyanın Dauqavpils şəhərində xidmət etmişdi. Halbuki, 1941-ci ilin martında, o alay komissarlığına irəli sürülmüş və Belarusun Brest şəhərində dislokasiya edilmiş 6-cı atıcı diviziyasının 84-cü atıcı alayına təyin edilmişdi.
1941-ci ilin 21 iyununda, Fomin Brestə öz ailəsini gətirmək üçün Dauqavpilsə getmək istəyirdi, lakin o dəmiryolu vağzalındakı insanların böyük izdihamına görə qatar bileti əldə edə bilməmişdi. 22 iyunda, Vermaxt Barbarossa əməliyyatı kod adlı müharibəyə başlayanda Fomin Brest qalasında idi. O, Xolm qapılarını müdafiə edən sovet əsgərlərinə rəhbərliyi öz üzərinə götürmüşdü.
Sovet qarnizonu, almanların şiddətli hücumlarına tab gətirdi və bunu 1941-ci ilin 30 iyununa qədər bacardı. Fominin komissar və yəhudi kimi şəxsiyyəti müəyyən edildiyinə görə 1941-ci ilin 26 iyununda Xolm qapıları yaxınlığında dərhal güllələndi.
1957-ci ilin yanvarında, Fomin Brest qalasının müdafiəsində roluna görə Lenin ordeninə layiq görüldü. 1991-ci ilin mayında, 6-cı atıcı diviziyasının veteranlarının görüşündə Fominin rütbəsinin alay komissarlığına kiçildilməsi ləğv edilmiş və onun diviziya komissarı rütbəsi bərpa edilmişdi.
İstinadlar
[redaktə | mənbəni redaktə et]- ↑ "Surnames starting with the letter F". Russian Jewish Encyclopedia. JewishGen. 2011-05-14 tarixində arxivləşdirilib. İstifadə tarixi: 2010-11-24.
- ↑ Pleshakov, Constantin. Stalin's Folly: The Tragic First Ten Days of World War II on the Eastern Front. Houghton Mifflin Books. 2005. səh. 243. ISBN 0-618-36701-2. 2022-05-06 tarixində arxivləşdirilib.
- 15 yanvarda doğulanlar
- 1909-cu ildə doğulanlar
- 32 yaşında vəfat edənlər
- 26 iyunda vəfat edənlər
- 1941-ci ildə vəfat edənlər
- "Lenin" ordeni ilə təltif edilənlər
- Əlifba sırasına görə hərbi xadimlər
- SSRİ hərbçiləri
- İkinci Dünya müharibəsi iştirakçıları
- Böyük Vətən müharibəsi iştirakçıları
- Rusiya imperiyasında doğulanlar