М. В. Нестеров исемендәге Башҡорт дәүләт художество музейы
М. В. Нестеров исемендәге Башҡорт дәүләт художество музейы | |
---|---|
Музей бинаһы | |
Асылған ваҡыты | 5 ғинуар 1919 |
Урынлашыуы | 450077, |
Директор | Тереғолов Айрат Рәүеф улы (2015 йылдан) |
Сайт | museum-nesterov.ru |
М. В. Нестеров исемендәге Башҡорт дәүләт художество музейы — 1919 йылдың 5 ғинуарында, Рәсәйҙә тәүгеләрҙән булып ҡаланың революцион комитеты ҡарары нигеҙендә ойошторола һәм бер йылдан һуң, 1920 йылдың 5 ғинуарынан, эшләй башлай. Ул саҡта Пролетар художество музейы тип атала. Музейға ҡаланың иң матур йорто бүленә, уға учреждениеларҙағы, ҡасҡан байҙар өйҙәрендәге, губерна— музейындағы һынлы сәнғәт әйберҙәре күсерелә. Музейҙы ойоштороу өсөн Мәскәүҙән рәссам һәм архитектор И. Е. Бондаренко саҡырыла. Ул килгәс тә, эшкә урындағы рәссамдарҙы йәлеп итә.
Тиҙҙән Мәскәүҙән күренекле рус рәссамы Михаил Васильевич Нестеровтың яҡташтарына — Өфө халҡына — бүләк иткән 102 картинанан торған коллекцияһы ҡайтарыла. Рәсәй империяһы һынлы сәнғәте мираҫтарынан торған был коллекцияла Репин Илья Ефимович, Исаак Левитан кеүек бөйөк рәссамдарҙың картиналары ла була.
Музейҙың XIX—XX быуаттағы урыҫ сәнғәте булеге Нестеров бүләге менән генә сикләнмәй. Уны тулыландырыуға Мәскәү һәм Ленинград галереялары һәм музейҙары ҙур ярҙам курһәтә. Улар аша Өфөгә Көнбайыш Европа, шулай ук Япония һәм Ҡытай сәнғәте өлгөләре лә килә. Музей өҙлөкһөҙ тулылана. Башкорт һынлы сәнғәтенең барлыҡҡа килеүе, халыктың һырлап, биҙәп, сигеп зауыҡ менән эшләгән әйберҙәрен йыйыу буйынса үткәрелгән экспедициялар һөҙөмтәһендә музейҙа бик бай, шул иҫәптән Башҡортостандың үткәнен һәм бөгөнгөһөн сағылдырыусы яңы бүлектәр асыла.
М. В. Нестеров исемендәге Башҡорт дәүләт художество музейы — Башҡортостан Республикаһының мөһим мәҙәни үҙәктәренең береһе.
Ҡаҙаныштары
[үҙгәртергә | сығанаҡты үҙгәртеү]- «Турстат» аналитик агентлығының 2020 йылдың апрелендә иғлан ителгән «Рәсәйҙең иң яҡшы художество музейҙары» рейтингында, М. В. Нестеров исемендәге Башҡорт дәүләт художество музейы, ун яҡшы сәнғәт учреждениеһы араһынан тәүге бишәү рәтендә атала, һәм ул исемлектә дүртенсе урын алып тора[1][2].
Иҫкәрмәләр
[үҙгәртергә | сығанаҡты үҙгәртеү]- ↑ Художественный музей им. М. Нестерова вошёл в пятерку лучших музеев России. Информационное агентство «Башинформ», 9 апреля 2020 года (рус.) (Тикшерелеү көнө: 9 апрель 2020)
- ↑ Портал «ТурСтат». Лучшие Художественные Музеи России 2020 йыл 17 апрель архивланған. (рус.) (Тикшерелеү көнө: 9 апрель 2020)
Һылтанмалар
[үҙгәртергә | сығанаҡты үҙгәртеү]- Башҡорт энциклопедияһы — Нестеров М. В. исемендәге художество музейы(недоступная ссылка) (Тикшерелеү көнө: 9 апрель 2020)
- Рәсәй музейҙары сайты
- Башкирский государственный художественный музей имени М. В. Нестерова (рус.) (Тикшерелеү көнө: 9 апрель 2020)
- Башкирский государственный художественный музей им. М. В. Нестерова (рус.) (Тикшерелеү көнө: 9 апрель 2020)