Rammstein
Rammstein (нямецкае вымаўленьне — [ˈʁamʃtaɪn], літ. «таранны камень») — нямецкі рок-гурт. Зьяўляецца адным з найбольш вядомых рок-гуртоў Нямеччыны, добра вядомы ва ўсім сьвеце.
Rammstein | |
Надпіс «Rammstein» ґарнітурай гурта | |
Гады | з 1994 — цяпер |
---|---|
Месца ўтварэньня | |
Мова | нямецкая, ангельская, гішпанская |
Жанр | індастрыял-мэтал, Neue Deutsche Härte |
Выдавец | Motor Music · Republic · Slash · Universal · Vagrant |
Зьвязаныя праекты | Feeling B · First Arsch |
Іншыя праекты | Lindemann · Till Lindemann · Emigrate |
Удзельнікі | Тыль Ліндэман Рыхард Круспэ Паўль Ляндэрс Олівэр Рыдэль Крыстоф Шнайдэр Крысьціян Лёрэнц |
Узнагароды і прэміі | |
www.rammstein.de |
Музычны стыль Rammstein аб’ядноўвае элемэнты індастрыял-мэталу й электроннае музыкі. Характэрным для гурта зьяўляецца стыль Neue Deutsche Härte. Большасьць песьняў напісаная на нямецкай мове, але ёсьць песьні, якія напісаныя на некалькіх мовах, напрыклад «Ausländer», «Stirb nicht vor mir»[1][2]. У гурта ёсьць песьня на гішпанскай мове — «Te quiero puta!»[3]. Rammstein таксама добра вядомыя сваімі сцэнічнымі шоў і эпатажнымі тэкстамі.
Па стане на 2018 год гурт прадаў каля 20 млн копіяў альбомаў[4]. Станам на 3 верасьня 2024 году гурт выпусьціў 8 студыйных альбомаў і іншыя творы .
Назва гурта
рэдагавацьНазва «Rammstein» паходзіць ад назвы амэрыканскай вайсковай базы Рамштайн (па-нямецку: Ramstein), якая знаходзіцца на тэрыторыі Нямеччыны ля аднайменнага гораду. 28 жніўня 1988 году на базе падчас авіяшоў з удзелам італьянскай авіяцыйнай групы найвышэйшага пілятажу «Фрэчэ трыкалёры» (па-італьянску: Frecce Tricolori) адбылося паветранае сутыкненьне трох самалётаў, у выніку якога загінулі 70 чалавек і больш за 300 былі параненыя (гэтай трагедыі прысьвечана аднайменная песьня гурта)[5]. Першая вэрсія назвы гурта нават выглядала як «Rammstein-Flugschau» («Авіяшоў Рамштайн»), прычым з падвойнай літарай «М».
Ідэя назвы належыць Рыхарду Круспэ, Паўлю Ляндэрсу ды Крысьціяну Лёрэнцу (на той час — удзельнікам гурта «Feeling B»). Паўль Ляндэрс казаў[6]:
Падчас нашых падарожжаў з «Feeling B» мы ўжо мелі дзьве новыя назвы дзеля гурту. Аднойчы мы напісалі на сьцяне нашага аўтобусу «Авіяшоў Рамштайн» (па-нямецку: Rammstein Flugschau). Неяк недарэчна… Мы напісалі «Рамштайн» зь дзьвумя літарамі «М», бо ня ведалі, што ў назове таго месца павінна быць толькі адна.
Rammstein з падвойным «M» па-нямецку азначае «таранны камень» (бэтонны блёк, якім у Нямеччыне адгарожваюць тратуар ад праезнай часткі). Музыкі лічаць, што гэтае слова гучыць даволі магутна і цьвёрда, а значыць — адпавядае стылю іх песьняў.
Дыскаграфія
рэдагаваць- Асноўны артыкул: Дыскаграфія Rammstein
Студыйныя альбомы
рэдагавацьСьпіс студыйных альбомаў Rammstein | |
---|---|
Год | Назва альбома |
1995 | Herzeleid |
1997 | Sehnsucht |
2001 | Mutter |
2004 | Reise, Reise |
2005 | Rosenrot |
2009 | Liebe ist für alle da |
2019 | # 7 |
2022 | Zeit |
Зборнікі
рэдагавацьСамотнікі
рэдагаваць- Du riechst so gut, 17 жніўня 1995
- Seemann, 2 студзеня 1996
- Engel, 1 красавіка 1997
- Engel, Fan-Edition, 23 траўня 1997
- Du hast, 21 ліпеня 1997
- Das Modell, 21 лістапада 1997
- Du riechst so gut ’98, 25 траўня 1998
- Stripped, 11 жніўня 1998
- Asche zu Asche, 15 студзеня 2001
- Sonne, 12 лютага 2001
- Links 2 3 4, 14 траўня 2001
- Ich will, 10 верасьня 2001
- Mutter, 25 сакавіка 2002
- Ich will UK, 13 траўня 2002
- Feuer frei!, 14 кастрычніка 2002
- Feuer frei! UK, 13 лістапада 2002
- Mein Teil, 26 ліпеня 2004
- Amerika, 13 верасьня 2004
- Ohne dich, 22 лістапада 2004
- Keine Lust, 28 лютага 2005
- Benzin, 7 кастрычніка 2005
- Rosenrot, 16 снежня 2005
- Mann gegen Mann, 3 сакавіка 2006
- Mann gegen Mann UK, 2006
- Pussy, 18 верасьня 2009
- Ich tu dir weh, 15 студзеня 2010
- Haifisch, 28 траўня 2010
- Mein Land, 11 лістапада 2011
Відэакліпы
рэдагавацьНа песьні Rammstein зьняты 21 відэакліп, большасьць зь якіх зьяўляюцца пастановачнымі і маюць зьвязны сюжэт. Некаторыя кліпы дэманструюць гвалт і аголеную натуру.
У храналягічным парадку:
- Du riechst so gut (Ты пахнеш так добра)
- Seemann (Марак)
- Rammstein (Рамштайн)
- Engel (Анёл)
- Du hast
- Das Modell (Мадэль) — зьняты, але не апублікаваны, бо не спадабаўся гурту
- Stripped (Аголеная)
- Du riechst so gut’98 (Ты пахнеш так добра)
- Sonne (Сонца)
- Links 2 3 4 (Левай, 2, 3, 4)
- Ich will (Я хачу)
- Mutter (Маці)
- Feuer frei! (Адкрыць вагонь!)
- Mein Teil (Мая частка)
- Amerika (Амэрыка)
- Ohne dich (Безь цябе)
- Keine Lust (Няма жаданьня)
- Benzin (Бэнзін)
- Rosenrot (Ружачка)
- Mann gegen Mann (Мужчына супраць мужчыны, «сам-насам»)
- Pussy (Кіска)
- Ich tu dir weh (Я раблю табе балюча)
- Haifisch (Акула)
- Mein Land (Мая зямля)
- Mein Herz brennt (Маё сэрца гарыць)
- Deutschland (Нямеччына)
- Radio (Радыё)
- Ausländer (Іншаземец)
- Zeit (Час)
- Zick Zack (Цік Цак)
- Angst (Страх)
- Dicke Titten (Вялікія цыцкі)
- Adieu (Да пабачэньня)
Афіцыйныя DVD
рэдагаваць- Live aus Berlin, 29 лістапада 1999
- Lichtspielhaus, 1 сьнежня 2003
- Völkerball, 17 лістапада 2006
Саўндтрэкі
рэдагаваць- 1996 — «Lost Highway» — Rammstein (Edit) & Heirate Mich (Edit)
- 1997 — «Mortal Kombat Annihilation» — Engel
- 1997 — «Wing Commander Prophecy» (гульня) — Eifersucht
- 1999 — «The Matrix» — Du Hast
- 2002 — «Resident Evil» — Hallelujah
- 2002 — «XXX»— Feuer frei!
- 2002 — «La Sirene Rouge» — Sonne
- 2002 — «Lilja 4-Ever» — Mein Herz brennt
- 2002 — «Fear Dot Com» — Sonne
- 2002 — «Achtung! Wir kommen» — канцэртныя запісы
- 2004 — «Resident Evil: Apocalypse» — Mein Teil
Вечарыны
рэдагавацьБеларусь
рэдагавацьПершы канцэрт Rammstein на Беларусі адбыўся 7 сакавіка 2010 году.
Савет вэтэранаў, а затым савет па маральнасьці, які складаецца з царкоўных дзеячаў і чальцоў Саюза пісьменьнікаў, заклікалі ўрад краіны да скасаваньня канцэрту, абвінаваціўшы гурт у «непрыхаванай прапагандай гомасэксуалізму, садамазахізму й іншых скрыўленьняў, жорсткасьці, гвалту й непрыстойнай лаянцы»[7].
Потым яны заявілі, што гурт «пагражае беларускай дзяржаўнасьці»[7][8]
Негледзячы на абвінавачваньні, канцэрт адбыўся: у Менск-Арэну прыйшло больш за 11 000 чалавек[9].
Супрацоўніцтва з Белтэлерадыёкампаніяй
рэдагавацьУ 2018 годзе артысты прыбылі ў Менск для працы над новым альбомам — «# 7»[10].
Амаль гатова! Запісваем аркестар і хор у Менску для альбома # 7.
— Гурт у Facebook
Дамову аб супрацоўніцтве з рок-гуртом падпісалі сымфанічны аркестар і акадэмічны хор Белтэлерадыёкампаніі[10].
Крыніцы
рэдагаваць- ^ 6. STIRB NICHT VOR MIR / DON'T DIE BEFORE I DO // Rammsteinworld (анг.)
- ^ 4. AUSLÄNDER // Rammsteinworld (анг.)
- ^ 9. TE QUIERO PUTA! // Rammsteinworld (анг.)
- ^ Rammstein: Haben die Arbeiten am letzten Album begonnen? Праверана 3 мартa 2019 г. Архіўная копія ад 2019-03-06 г.
- ^ Герт Хоф. Афіцыйная біяграфія Rammstein
- ^ Герт Хоф. Афіцыйная біяграфія Rammstein
- ^ а б RAMMSTEIN в Минске, нацисты, извращенцы, ПГМ, маразм
- ^ Немецкую рок-группу Rammstein обвинили в пропаганде жестокости и насилия.
- ^ RAMMSTEIN в Минске. Шоу, которое нужно было увидеть
- ^ а б Музыканты из Rammstein и оркестр Белтелерадиокомпании работают над совместным проектом? — Беларусь сёньня.
Вонкавыя спасылкі
рэдагавацьАфіцыйны сайт гурта
Афіцыйны канал на YouTube
- Дыскаграфія Rammstein на MusicBrainz
- Дыскаграфія Rammstein на Discogs