Джуліян Асанж

Джуліян Асанж
Julian Paul Assange
Род дзейнасьці	журналіст
Дата нараджэньня	3 ліпеня 1971
Месца нараджэньня	Таўнсьвіл, Аўстралія
Грамадзянства	Аўстралія
Месца вучобы	Цэнтральны ўнівэрсытэт Кўінзлэнду[d] Мэльбурнскі ўнівэрсытэт[d] Townsville State High School[d]
Занятак	інтэрнэт-актывіст, хакер, праграмоўца, спэцыяліст у галіне інфарматыкі, тэлепрадусар, тэлерэжысэр, пісьменьнік, журналіст, вядовец, бізнэсмэн, інфарматар, тэлевядовец
Месца працы	WikiLeaks
Псэўданімы	Proff і Mendax
Бацька	John Shipton[d]
Маці	Christine Assange[d]
Узнагароды	Прэмія Сэма Адамза[d] (2010) Прэмія за мужнасьць у мастацтве[d] (2013) Залаты мэдаль за мір і правасудзьдзе[d] (2011) Прэмія Index[d] (2008) Прэмія Марты Гелгарн за журналістыку[d] (2011) Штутгарцкая прэмія міру[d] (2020) Сіднейская прэмія міру[d] (2011) Walkley Awards[d] (2011) Günter Walraff award[d] (2022) Serena Shim Award[d] прэмія Асецкага[d] (2023) Premis Dignitat[d] (2021)
Сайт	WikiLeaks.ch
Подпіс
Джуліян Асанж у Вікісховішчы

Джуліян Пол Асанж (па-ангельску: Julian Paul Assange; [əˈsɑːnʒ]; нар 3 ліпеня 1971, Таўнсьвіл, Аўстралія) — інтэрнэт-журналіст, заснавальнік WikiLeaks.

Стаў вядомы дзякуючы неаднаразовым публікацыям на сайце WikiLeaks службовых дакументаў, галоўным чынам амэрыканскіх, не прызначаных для шырокай публікі. У прыватнасьці, улетку 2010 года ён рассакрэціў дзясяткі тысяч дакументаў, якія тычацца ваеннай апэрацыі ЗША ў Афганістане. Пасля гэтага на сайце WikiLeaks была размешчана канфідэнцыйная перапіска амерыканскіх дыпляматаў, што выклікала найбуйнейшы міжнародны скандал.

Пазьней улады Швэцыі абвінавацілі Асанжа у сэксуальных злачынствах. Сам ён мяркуе, што яго крымінальны перасьлед мае палітычную матывы. Афіцыйна справа ў адносінах Асанжа з публікацыямі сакрэтных матэрыялаў не зьвязаная. 7 сьнежня 2010 ён быў арыштаваны паліцыяй Вялікабрытаніі.

14 сьнежня 2010 Асандж быў вызвалены з пад арышту пад час суду пад заклад у памэры 150 тысяч фунтаў стэрлінгаў. Наўзамен Джуліян ўзяў на сябе абавязак здаць пашпарт, выконваць кашталянскую гадзіну, а таксама насіць датчык, які адсочвае яго месцазнаходжаньне..

У чэрвені 2012 Вярхоўны суд Вялікай Брытаніі адхіліў хадайніцтва абароны Джуліяна Асанжа пра паўторны разгляд апэляцыі на рашэньне гэтага суду выдаць заснавальніка WikiLeaks Швэцыі. Каб пазьбегнуць выдачы ў Швецыю, дзе яго вінавацяць у сэксуальных злачынствах, Асанж 19 чэрвеня зьявіўся ў амбасаду Эквадора ў Лёндане і падаў прашэньне аб палітычным прытулку. Пра гэта паведаміў міністар замежных спраў гэтай лацінаамэрыканскай краіны Рыкарда Паціна. Сам Асанж схаваўся на тэрыторыі амбасады Эквадору ў Лёндане.