Рэдагаваньне: Сацыяльная сетка (фільм)

{{Фільм
| выява        = The Social Network film.png
}}
'''«Сацыя́льная се́тка»''' ({{мова-en|The Social Network}}) — амэрыканскі біяграфічны драматычны фільм 2010 году рэжысэра [[Дэйвід Фінчэр|Дэйвіда Фінчэра]] паводле сцэнару [[Ааран Соркін|Аарана Соркіна]].

Гісторыя, якая распавядаецца ў фільме, ёсьць адаптацыяй кнігі [[Бэн Мэзрыч|Бэна Мэзрыча]] ''«[[Выпадковыя мільярдэры]]»'' 2009 году. Кінастужка адлюстроўвае фундацыю сацыяльнай сеткі [[Facebook]] і выніковыя судовыя працэсы. У фільме здымаліся [[Джэсі Айзэнбэрг]], [[Эндру Гарфілд]], [[Джастын Тымбэрлэйк]], [[Армі Гамэр]] і [[Макс Мінггэла]]. Ані сам [[Марк Закербэрг]], ані іншыя супрацоўнікі Facebook не ўдзельнічалі ў праекце, аднак адзін з заснавальнікаў гэтае сацыяльнай сеткі [[Эдуарду Савэрын]] быў кансультантам кнігі Мэзрыча<ref>[https://nymag.com/movies/features/68319/ «Inventing Facebook»]. New York Magazine.</ref>. ''«Сацыяльная сетка»'' займела добрую рэпутацыю з моманту свайго першапачатковага выпуску, а крытыкі звычайна называюць яе адным зь лепшых фільмаў адпаведнага дзесяцігодзьдзя ці нават стагодзьдзя<ref>[http://www.bbc.com/culture/story/20160819-the-21st-centurys-100-greatest-films «The 21st Century's 100 greatest films»]. BBC.</ref><ref>[https://www.rollingstone.com/movies/movie-lists/best-movies-decade-2010s-910770/the-social-network-2010-4-910968/ «The 50 Best Movies of the 2010s»]. Rolling Stone.</ref><ref>[https://www.rogerebert.com/features/the-best-films-of-the-2010s «The Best Films of the 2010s»]. RogerEbert.com.</ref><ref>[https://www.indiewire.com/gallery/best-movies-of-2010s-decade/the-social-network-4/ «The 100 Best Movies of the Decade»]. IndieWire.</ref>.

== Сюжэт ==
У кастрычніку 2003 году 19-гадовага другакурсьніка [[Гарвардзкі ўнівэрсытэт|Гарвардзкага ўнівэрсытэту]] [[Марк Закербэрг|Марка Закербэрга]] ([[Джэсі Айзэнбэрг]]) кінула ягоная дзяўчына Эрыка Олбрайт ([[Руні Мара]]). Вярнуўшыся ў свой студэнцкі пакой, Закербэрг піша абразьлівы пост на адрас Олбрайт у сваім блёгу [[LiveJournal]]. Ён хутка стварае вэб-сайт унівэрсытэцкага гарадку пад назвай Facemash, узломваючы базы зьвестак каледжа, каб скрасьці выкрасьці фатаздымкі студэнтак, а затым дазваляе наведвальнікам сайту ацаніць іхную прывабнасьць праз сыстэму рэйтынгу. Пасьля таго, як трафік на сайце прыводзіць да нячыннасьці кампутарную сетку ўнівэрсытэту, Закербэргу даюць шэсьць месяцаў акадэмічнага выпрабавальнага тэрміну. Тым ня менш, папулярнасьць Facemash прыцягвае ўвагу блізьнюкоў [[Кэмэран Ўінклвос|Кэмэрана]] і [[Тайлер Ўінклвос|Тайлера Ўінклвосаў]] (двух братоў грае [[Армі Гамэр]]) і іхняга бізнэс-партнэра [[Дывія Нарэндра|Дывіі Нарэндры]] ([[Макс Мінггэла]]). Трыё запрашае Закербэрга працаваць над праектам Harvard Connection, сацыяльнай сеткай, эксклюзіўнай для студэнтаў Гарварду і накіраванай на спатканьні.

Закербэрг зьвяртаецца да свайго сябра [[Эдуарду Савэрын]]а ([[Эндру Гарфілд]]) з ідэяй стварэньня сацыяльнай сеткі Thefacebook, эксклюзіўнай для студэнтаў [[Ліга блюшчу|Лігі блюшчу]]. Савэрын забясьпечвае першапачатковае фінансаваньне праекту ў памеры тысячы даляраў, што дазваляе Закербэргу стварыць вэб-сайт, які хутка становіцца папулярным. Калі блізьнюкі разам з Нарэндрам даведваюцца пра Thefacebook, яны становяцца разьюшанымі, мяркуючы, што Закербэрг скраў іхную ідэю, трымаючы іх у недасьведчанасьці, тармошыўшы разьвіцьцё вэб-сайту Harvard Connection. Яны скардзяцца на гэта прэзыдэнту Гарварда [[Лары Самэрз]]у ([[Дуглас Урбанскі]]), які зьняважліва не бачыць аніякай каштоўнасьці ані ў дысцыплінарных мерах, ані ў Thefacebook.

Савэрын і Закербэрг сустракаюцца з аднакурсьніцай Крысьці Лі ([[Брэнда Сонг]]), якая запрашае іх правесьці вечар разам. З ростам папулярнасьці Thefacebook Закербэрг пашырае сетку да [[Ельскі ўнівэрсытэт|Ельскага]], [[Калюмбійскі ўнівэрсытэт|Калюмбійскага]] і [[Стэнфардзкі ўнівэрсытэт|Стэнфардзкага ўнівэрсытэтаў]]. Лі арганізоўвае сустрэчу Савэрына і Закербэрга з сузаснавальнікам Napster [[Шон Паркер|Шонам Паркерам]] ([[Джастын Тымбэрлэйк]]), які тлумачыць хлопцам, што кампанія мае шанец стаць кампаніяй на мільярд даляраў, што ўражвае Закербэрга. Паркер таксама прапануе перайменаваць сайт проста ў Facebook. На прапанову Паркера кампанія пераязджае ў [[Пала-Альта]], а Савэрын застаецца ў [[Нью-Ёрк]]у, каб працаваць над разьвіцьцём бізнэсу. Пасьля таго, як Паркер паабяцаў пашырыць Facebook на два кантынэнты, Закербэрг запрашае яго жыць у доме, які ён выкарыстоўвае ў якасьці штаб-кватэры кампаніі.

Спаборнічаючы ў [[Каралеўская рэгата Гэнлі|Каралеўскай рэгаце Гэнлі]] ў складзе гарвардзкай дружыны блізьнюкі Ўінклвосы выяўляюць, што Facebook пашырыўся ў Эўропе, і вырашаюць накіраваць на Facebook позву ў суд за [[крадзеж]] інтэлектуальнай уласнасьці. Тым часам Савэрын пярэчыць супраць таго, каб Паркер прымаў дзелавыя рашэньні Facebook, і закрывае банкаўскі рахунак кампаніі ў выніку спрэчкі. Ён саступае, калі Закербэрг запэўнівае сябра ў тым, што яны атрымалі 500 тысяч даляраў ад [[бізнэс-анёл]]а [[Пітэр Тыль|Пітэра Тыля]]. Савэрын разьюшаны, калі выяўляе, што новая інвэстыцыйная ўгода дазваляе паменшыць ягоную долю ў Facebook з 34% да 0,03%, захоўваючы пры гэтым долю ўласнасьці ўсіх астатніх бакоў. Ён супрацьстаіць Закербэргу і Паркеру, і Савэрын клянецца падаць позву ў суд на Закербэрга, перш чым яго выправаджаюць з будынку. Імя Савэрына выдаляецца зь сьпісу сузаснавальнікаў. Пазьней Паркер быў затрыманы за захоўваньне какаіну на вечарыне з нагоды сьвяткаваньня мільённага карыстальніка сацыяльнае сеткі. Ён спрабуе абвінаваціць у гэтым Савэрына, таму Закербэрг разрывае зь ім сувязі.

У асобных паказаньнях блізьнюкі Ўінклвос сьцьвярджаюць, што Закербэрг скраў іхную ідэю, а Савэрын сьцьвярджае, што ягоныя акцыі Facebook былі несправядліва разьмеркаваныя, калі кампанія была зарэгістраваная. Мэрылін Дэлпі ([[Рашыда Джонз]]), памочніца адваката, паведамляе Закербэргу, што яны складуць угоду з Савэрыным, паколькі брыдкія дэталі заснаваньня Facebook і чэрствае стаўленьне Закербэрга да сябра ня маюць аніякай магчымасьці схіліць прысяглых на ягоны бок.

== Крытыка ==
Паводле агрэгатару аглядаў [[Rotten Tomatoes]], фільм мае рэйтынг ухваленьня 96% на аснове 326 рэцэнзіяў, зь сярэднім рэйтынгам 9/10. На думку крытыкаў ''«Сацыяльная сетка»'' мае бездакорны сцэнар, які аздоблены прыгожай рэжысэрскай працай і выдатнымі выступамі актораў, што робіць кінастужку захапляльным і амбітным прыкладам сучаснай кінавытворчасьці ў найлепшым выглядзе<ref>[https://www.rottentomatoes.com/m/the_social_network «The Social Network (2010)»]. Rotten Tomatoes.</ref>. На [[Metacritic]] фільм мае сярэднеўзважаных 95 балаў з 100 магчымых, базуючыся на 42 крытычных водгуках, што сьведчыць пра ўсеагульнае ўхваленьне<ref>[https://www.metacritic.com/movie/the-social-network «The Social Network»]. Metacritic.</ref>. Аўдыторыя, апытаная [[CinemaScore]], надала фільму сярэднюю адзнаку ў памеры B+ паводле шкалы ад A+ да F. [[Пітэр Брэдшаў]] з [[The Guardian]] надаў фільму чатыры зоркі, ухваліўшы рэжысуру [[Дэйвід Фінчэр|Дэйвіда Фінчэра]], адзначыўшы слушную інтэнсіўнасьць падаваньня гісторыі, якая адбываецца ў асноўным у мужчынскім асяродку Гарвардзкага ўнівэрсытэту<ref>[https://www.theguardian.com/film/2010/oct/14/the-social-network-review «The Social Network — review»]. TheGuardian.com.</ref>. [[Роджэр Эбэрт]] з [[Chicago Sun-Times]], прысвоіўшы кінатвору чатыры зоркі і нарокшы яго найлепшым фільмам году, напісаў, што фільм Фінчэра мае рэдкую якасьць, то бок ён ёсьць ня толькі такім жа разумным, як і ягоны бліскучы герой, але і разумным у такой жа ступені<ref>[https://www.rogerebert.com/reviews/the-social-network-2010 «The Social Network movie review (2010)»]. RogerEbert.com.</ref>.

== Крыніцы ==
{{Крыніцы}}

== Вонкавыя спасылкі ==
* {{IMDb твор|1285016}}
* {{Rotten tomatoes|the-social-network}}
* {{Metacritic фільм|the-social-network}}

{{Прэмія «Залаты Глёбус» за найлепшы фільм — драма}}

[[Катэгорыя:Фільмы 2010 году]]
[[Катэгорыя:Фільмы ЗША]]
[[Катэгорыя:Фільмы Дэйвіда Фінчэра]]
[[Катэгорыя:Біяграфічныя фільмы ЗША]]
[[Катэгорыя:Драматычныя фільмы]]
[[Катэгорыя:Фільмы пра інтэрнэт]]
[[Катэгорыя:Фільмы пра сацыяльныя сеткі]]
[[Катэгорыя:Фільмы пра камэрцыйныя арганізацыі]]
[[Катэгорыя:Фільмы пра студэнцкія братэрствы]]
[[Катэгорыя:Фільмы Columbia Pictures]]
[[Катэгорыя:Фільмы на ангельскай мове]]