Арвідас Сабоніс
Арвідас Сабоніс | ||
«Портлэнд Трэйл Блэйзэрз» | ||
Пазыцыя: | Цэнтравы | |
Рост: | 222 см | |
Вага: | 127 кг[1] | |
Грамадзянства: | Летува | |
Нарадзіўся: | 19 сьнежня 1964 | |
Клюбная кар’ера | ||
| ||
Асабістыя ўзнагароды і дасягненьні | ||
Мэдалі | ||
Алімпійскія гульні | ||
Золата | Сэул, 1988 | |
Бронза | Барсэлёна, 1992 | |
Бронза | Атланта, 1996 | |
Чэмпіянаты сьвету | ||
Золата | Калюмбія, 1982 | |
Срэбра | Гішпанія, 1986 | |
Чэмпіянаты Эўропы | ||
Бронза | Францыя, 1983 | |
Золата | ФРН, 1985 | |
Бронза | Загрэб, 1989 | |
Срэбра | Афіны, 1989 |
Арвідас Сабоніс (нар. 19 сьнежня 1964, Коўна) — савецкі і летувіскі прафэсійны баскетбаліст, алімпійскі чэмпіён 1988 году, чэмпіён сьвету і Эўропы ў складзе нацыянальнай зборнай СССР.
20 жніўня 2010 году Арвідас Сабоніс быў уведзены ў Залю славы ФІБА ў знак прызнаньня яго таленту[2].
Жыцьццяпіс
[рэдагаваць | рэдагаваць крыніцу]Нарадзіўся ў Коўне. Пачаў займацца баскетболам ва ўзросьце 9 гадоў у ковенскай баскетбольнай школе. Першы трэнер — Юры Фёдараў. У 1981 годзе ў складзе зборнай школьнікаў Летувы стаў чэмпіёнам школьнай алімпіяды і атрымаў прапанову ад галоўнага трэнэра ковенскага «Жальгірысу» Владаса Гарастаса перайсьці ў яго клюб. У гэтым жа годзе ў складзе юнацкай зборнай СССР стаў чэмпіёнам Эўропы.
У 1981 годзе ў 16 гадоў дэбютаваў у дарослай камандзе «Жальгірысу» ў матчы супраць «Калева» і набраў першыя 14 ачкоў. Прывёў «Жальгірыс» да трох запар перамог у чэмпіянаце СССР, атрымаўшы званьне «Гульца году» ў Эўропе ў 1984 і 1985 гадах паводле вэрсіі італьянскай газэты La Gazzetta dello Sport.
У гэтым жа сэзоне атрымаў запрашэньне ў галоўную каманду краіны. Зборная СССР заваявала залатыя мэдалі чэмпіянату сьвету 1982 году, абыграўшы ў фінале зборную ЗША зь лікам 95-94. У фінальным матчы, а таксама і ў іншых найважнейшых матчах турніру, галоўны трэнэр Аляксандар Гомельскі не задзейнічаў Сабоніса, спасылаючыся на адсутнасьць досьведу.
У 1984 году савецкі ўрад у адказ на байкот Алімпійскіх гульняў у Маскве ў 1980 годзе адмовіўся ад удзелу ў Алімпіядзе ў Лос-Анджэлесе, а ў 1985 годзе зборная СССР у нямецкім Штутгарце стала найлепшай у Эўропе. У фінале баскетбалісты СССР з буйным лікам абыгралі зборную ЧССР (120:89). Па выніках турніру Арвідас Сабоніс быў прызнаны найлепшым гульцом Эўропы.
У 1989 годзе Сабонісу дазволілі зьехаць з СССР. Але замест таго, каб падпісаць кантракт з «Портлэнд Трэйл Блэйзэрз», ён абраў гішпанскую лігу, дзе правёў шэсьць сэзонаў. У 1995 годзе дэбютаваў у НБА ў камандзе «Портлэнд Трэйл Блэйзэрз». На працягу ўсіх сямі сэзонаў, праведзеных у НБА, Сабоніс штогод выходзіў са сваёй камандай у плэй-оф.
Свой апошні сэзон 2003/2004 гадоў правёў у «Жальгірысе». Афіцыйна завяршыў прафэсійную кар’еру ў 2005 годзе.
Крыніцы
[рэдагаваць | рэдагаваць крыніцу]- Нарадзіліся 19 сьнежня
- Нарадзіліся ў 1964 годзе
- Нарадзіліся ў Коўне
- Кавалеры ордэна Сяброўства (Расея)
- Кавалеры ордэна Працоўнага Чырвонага Сьцягу
- Кавалеры ордэна «Дружбы Народаў»
- Узнагароджаныя мэдалём «За працоўныя адзнакі»
- Заслужаныя майстры спорту СССР
- Летувіскія баскетбалісты
- Чэмпіёны летніх Алімпійскіх гульняў 1988 году
- Чэмпіёны сьвету па баскетболе
- Чэмпіёны Эўропы па баскетболе