Гусь-Хрустальны

Гусь-Хрустальны
рас. Гусь-Хрустальный
Герб Гусь-Хрустальнага Сьцяг Гусь-Хрустальнага
Дата заснаваньня:	1756
Краіна:	Расея
Суб’ект фэдэрацыі:	Уладзімерская вобласьць
Плошча:	43 км²
Вышыня:	130 м н. у. м.
Насельніцтва (2012)
колькасьць:	60 784 чал.
шчыльнасьць:	1413,58 чал./км²
Часавы пас:	UTC+3
Тэлефонны код:	+7 49241
Паштовы індэкс:	601500
Нумарны знак:	33
Геаграфічныя каардынаты:	55°37′0″ пн. ш. 40°39′0″ у. д.
Гусь-Хрустальны на мапе Расеі Гусь-Хрустальны
Галерэя здымкаў у Вікісховішчы
http://gusadmin.ru/

Гусь-Хрустальны (па-расейску: Гусь-Хрустальный) — горад у Расеі, адміністрацыйны цэнтар Гусь-Хрустальнага раёну Ўладзімерскай вобласьці, аднак у склад раёну не ўваходзіць. Горад разьмешчаны на Мяшчэрскай нізіне на рацэ Гусь.

Гісторыя

Паселішча на месцы сёньняшняга гораду згадваецца ў дакумэнтах XVII стагодзьдзя. У 1756 годзе купцы Мальцовы ва ўрочышчы Шыварава на рацэ Гусь пачалі будаўніцтва шкляной мануфактуры, якая дала пачатак брэнду Гусеўскаму крыштальнаму заводу й, уласна, назьве самога гораду. Прычынай будаўніцтва мануфактуры стала неабходнасьць вываду сваіх прадпрыемстваў з Падмаскоўя, дзе ўрад забараніў дзейнасьць шкляных заводаў з-за высечкі лясоў.

Эканоміка

Горад зьяўляецца адным з цэнтраў шкляной прамысловасьці краіны, маюцца некалькі прадпрыемстваў, якія спэцыялізуюцца на выпуску вырабаў з шкла й крышталя.

Славутасьці

Адной са славутасьцяў гораду зьяўляецца Георгіеўскі сабор, пабудаваны ў 1904 годзе на сродкі Юрыя Нячаева-Мальцова паводле праекту архітэктара Лявонція Бэнуа й асьвечаны ў гонар сьвятога Георгія Перамоганосца.

Асобы

• Рэм Іванавіч Салавухін — савецкі навуковец у галіне фізыкі, чалец-карэспандэнт АН СССР, акадэмік АН БССР

Вонкавыя спасылкі

Гусь-Хрустальны — сховішча мультымэдыйных матэрыялаў

• Афіцыйны сайт адміністрацыі гораду
• Гісторыя Георгіеўскага сабору