Жак Барацье

Жак Барацье
фр.: Jacques Baratier
Род дзейнасці	кінарэжысёр, сцэнарыст, кінаакцёр, рэжысёр
Дата нараджэння	8 сакавіка 1918(1918-03-08)
Месца нараджэння	Манпелье, дэпартамент Эро, рэгіён Лангедок — Русільён, Францыя
Дата смерці	27 лістапада 2009(2009-11-27) (91 год)
Месца смерці	Антані, дэпартамент О-дэ-Сен, рэгіён Іль-дэ-Франс, Метраполія Францыі, Францыя
Месца пахавання	могілкі Ацёй[d]
Грамадзянства	Францыя
Узнагароды і прэміі
Медыяфайлы на Вікісховішчы

Жак Барацье (фр.: Jacques Baratier; 8 сакавіка 1918 — 27 лістапада 2009) — французскі кінарэжысёр, сцэнарыст, акцёр.

Біяграфія

Сын банкіра, нарадзіўся ў Манпелье 8 сакавіка 1918 года. З юнацтва захапляўся жывапісам і літаратурай, але па парадзе бацькоў пачаў вывучаць права. Скончыў вучобу ў 1938 годзе і паступіў на службу ў ВПС Францыі. У час Другой сусветнай вайны служыў у Марока. Пасля заканчэння вайны вярнуўся ў Парыж, часта наведваў літаратурныя колы, раён Сен-Жэрмен-дэ-Прэ і пасябраваў з Жакам Бесам, Аліўе Ларондам і Барысам Віянам. Стаміўшыся ад парыжскага багемнага жыцця, вырашыў стаць мастаком і з’ехаў у Магрыб. На поўдні Алжыра ў 1948 годзе быў наняты ў якасці статыста і памочніка Рэнэ Чана на здымках фільма «Белая эскадрылля» паводле рамана Жазефа Пейра. Атрыманы досвед абудзіў у ім жаданне заняцца кіно і ён зняў свой першы кароткаметражны фільм «Les filles du soleil», у якім паказаны звычаі і паўсядзённае жыццё берберскага племя.

Як рэжысёр зняў 21 кінакарціну. Фільм «Paris la nuit» быў прадстаўлены ў конкурснай праграме на 6-м Берлінскім міжнародным кінафестывалі ў 1956 г. Яго фільм «Goha» быў узнагароджаны прэміяй на Канскім кінафестывалі 1958 года. Яго фільм «Lar poupee» (1962) увайшоў у праграму 12-га Берлінскага міжнароднага кінафестывалю.

Памёр у Антоні 27 лістапада 2009 г. ад сардэчнай недастатковасці ва ўзросце 91 года.

Узнагароджаны «Ордэнам мастацтваў і літаратуры».

Фільмаграфія

• «Дражэ з перцам» (1963)