Аляксандр Ігаравіч Дзямешка
Поўнае імя | Аляксандр Ігаравіч Дзямешка | ||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
Нарадзіўся |
7 лістапада 1986[1] (37 гадоў) |
||||||||||||||||||
Грамадзянства |
|
||||||||||||||||||
Рост | 173 см | ||||||||||||||||||
Вага | 70 кг | ||||||||||||||||||
Пазіцыя | паўабаронца, нападнік | ||||||||||||||||||
Інфармацыя пра клуб | |||||||||||||||||||
Клуб |
|
||||||||||||||||||
Пасада | трэнер | ||||||||||||||||||
Клубная кар’ера[* 1] | |||||||||||||||||||
|
|||||||||||||||||||
Трэнерская кар’ера | |||||||||||||||||||
|
|||||||||||||||||||
|
Аляксандр Дзямешка (нар. 7 лістапада 1986, Брэст) — беларускі футбаліст (нападнік) і трэнер. У цяперашні час працуе ў трэнерскім штабе брэсцкага «Дынама».
Клубная кар’ера
[правіць | правіць зыходнік]«Дынама»
[правіць | правіць зыходнік]Выхаванец брэсцкай СДЮШАР-5, з 2003 года стаў праходзіць у дубль мясцовага «Дынама», а ўжо ў 2005 годзе дэбютаваў у асноўнай камандзе. Найбольш паспяховым сезонам у «Дынама» стаў 2007, калі Дзямешка 17 раз з’явіўся на полі ў чэмпіянаце і вызначыўся голам, а таксама разам з камандай выйграў Кубак Беларусі. Пазней выступаў пераважна толькі за дубль, так і не здолеўшы замацавацца ў аснове дынамаўцаў.
«Граніт» і «Гарадзея»
[правіць | правіць зыходнік]Сезон 2010 распачаў у складзе «Граніта», які па выніках чэмпіянату 2009 страціў месца ў Вышэйшай лізе. Абараняў колеры мікашэвіцкага клуба на працягу двух сезонаў, здолеў трывала замацавацца ў аснове «Граніта».
У лютым 2012 года перайшоў у «Гарадзею»[2]. Двойчы разам з «цукровымі» займаў другое месца ў Першай лізе, аднак клуб так і не здолеў выйсці ў элітны дывізіён, саступаючы ў стыкавых матчах. У сезоне 2014 трывала з’яўляўся ў стартавым складзе, але клуб заняў толькі 6-е месца ў Першай лізе.
Вяртанне ў «Дынама»
[правіць | правіць зыходнік]Са студзеня 2015 года знаходзіўся на праглядзе ў брэсцкім «Дынама»[3]. У выніку распачаў сезон 2015 у складзе роднага клуба. У «Дынама» замацаваўся ў аснове, стаў выступаць на пазіцыі цэнтральнага нападніка.
У студзені 2016 года накіраваўся на прагляд у польскі клуб «Погань» з Седльцаў, але не падышоў[4]. У выніку вярнуўся ў «Дынама», з якім у сакавіку падпісаў новы кантракт[5]. Стаў капітанам каманды, у першай палове сезона 2016 быў асноўным нападнікам і забіў 6 галоў у чэмпіянаце, але ўлетку страціў месца ў стартавым складзе і стаў пераважна выхадзіць на замену.
У першай палове 2017 года заставаўся іграком «Дынама», аднак нават у заяўку на матчы трапляў зрэдку, згуляў толькі ў адным матчы. У ліпені 2017 года завяршыў гульнявую кар’еру і перайшоў на трэнерскую працу ў моладзевай акадэміі «Дынама»[6].
«Рух»
[правіць | правіць зыходнік]У пачатку 2018 года далучыўся да фарм-клуба дынамаўцаў — брэсцкага «Руха» — у склад якога быў заяўлены на сезон 2018 у якасці іграка. Дапамог камандзе атрымаць перамогу ў Другой лізе. Адначасова быў старшым трэнерам каманды, і пасля сезона 2018 сканцэнтраваўся на трэнерскай дзейнасці.
У 2021 годзе ў якасці аматара выступаў за «Брэстжылбуд» у Другой лізе.
Трэнерская кар’ера
[правіць | правіць зыходнік]У 2018—2021 гадах быў старшым трэнерам «Руха», разам з камандай прайшоў шлях да Вышэйшай лігі. У студзені 2022 года ўзначаліў дубль «Руха»[7], аднак у хуткім часе клуб зняўся са спаборніцтваў.
У сакавіку 2023 года стаў трэнерам у дублі брэсцкага «Дынама»[8]. Восенню 2023 года ўслед за галоўным трэнерам дубля Андрэем Чалмадзеевым перайшоў у асноўную каманду дынамаўцаў, дзе застаўся і ў наступным годзе пасля прызначэння новым галоўным трэнерам Аляксандра Бразевіча[9].
У лістападзе 2023 года атрымаў трэнерскую ліцэнзію катэгорыі A[10].
Дасягненні
[правіць | правіць зыходнік]Уладальнік Кубка Беларусі (2): 2007, 2017
Пераможца Другой лігі чэмпіянату Беларусі: 2018
Статыстыка выступленняў
[правіць | правіць зыходнік]Сезон | Дывізіён | Клуб | Краіна | Матчы | Галы |
---|---|---|---|---|---|
2003 | дубль | Дынама | 17 | 3 | |
2004 | дубль | Дынама | 25 | 0 | |
2005 | Д1 | Дынама | 1 | 0 | |
2006 | Д1 | Дынама | 1 | 0 | |
2007 | Д1 | Дынама | 17 | 1 | |
2008 | Д1 | Дынама | 8 | 0 | |
2009 | Д1 | Дынама | 3 | 0 | |
2010 (пач.) | дубль | Дынама | 1 | 0 | |
2010 | Д2 | Граніт | 29 | 5 | |
2011 | Д2 | Граніт | 28 | 2 | |
2012 | Д2 | Гарадзея | 23 | 4 | |
2013 | Д2 | Гарадзея | 20 | 3 | |
2014 | Д2 | Гарадзея | 25 | 1 | |
2015 | Д1 | Дынама | 25 | 0 | |
2016 | Д1 | Дынама | 23 | 6 | |
2017 (1) | Д1 | Дынама | 1 | 0 | |
2018 | Д3 | Рух | 22 | 3 | |
2021 | Д3 | Брэстжылбуд | 10 | 9 |
Крыніцы
[правіць | правіць зыходнік]- ↑ Aleksandr Demeshko // Transfermarkt — 2000. Праверана 9 кастрычніка 2017.
- ↑ Демешко и Козлович стали игроками «Городеи» (руск.)(недаступная спасылка). goals.by.
- ↑ Юрченко, Цеван и Демешко на просмотре в брестском "Динамо" (руск.). football.by (13 студзеня 2015). Праверана 24 студзеня 2024.
- ↑ Демешко не подошел «Погони» (руск.). by.tribuna.com.
- ↑ Огар, Чиж, Демешко и еще девять игроков подписали контракты с брестским "Динамо" (руск.). football.by (11 сакавіка 2016). Праверана 24 студзеня 2024.
- ↑ Демешко завершил карьеру игрока и переходит на тренерскую работу (руск.). football.by (21 ліпеня 2017). Праверана 24 студзеня 2024.
- ↑ Демешко возглавил дублеров "Руха" (руск.). football.by (10 студзеня 2022). Праверана 24 студзеня 2024.
- ↑ В тренерском штабе «Динамо-Брест» сменился главный тренер (руск.). Афіцыйны сайт брэсцкага «Дынама» (23 сакавіка 2023). Праверана 24 студзеня 2024.
- ↑ Брестское "Динамо" определилось с тренерским штабом (руск.). football.by (11 студзеня 2024). Праверана 24 студзеня 2024.
- ↑ Дипломы УЕФА категории "А" вручены 24 специалистам (руск.). football.by (13 лістапада 2023). Праверана 13 лютага 2024.
Спасылкі
[правіць | правіць зыходнік]- Профіль на сайце kick-off.by (руск.)
- Нарадзіліся 7 лістапада
- Нарадзіліся ў 1986 годзе
- Нарадзіліся ў Брэсце
- Асобы
- Спартсмены паводле алфавіта
- Футбалісты паводле алфавіта
- Футбольныя трэнеры паводле алфавіта
- Футбалісты Беларусі
- Ігракі ФК Дынама Брэст
- Ігракі ФК Граніт Мікашэвічы
- Ігракі ФК Гарадзея
- Ігракі ФК Рух Брэст
- Ігракі ФК Брэстжылбуд
- Футбольныя трэнеры Беларусі