Барынга
Барынга | |
---|---|
Baringo | |
| |
Морфаметрыя | |
Вышыня над узроўнем мора | 1000 м |
Даўжыня | 21,9 км |
Шырыня | 12,9 км |
Плошча | 108 км² |
Найбольшая глыбіня | 3,5 м |
Сярэдняя глыбіня | 2,5 м |
Басейн | |
Плошча вадазбору | 6820 км² |
Размяшчэнне | |
Краіна |
|
|
|
|
|
|
|
Бары́нга (суахілі: Baringo) — возера ў Вялікай Рыфтавай даліне Кеніі. Найбольшая глыбіня — 3,5 м. Плошча вадазбору — 6820 км².
Геаграфія
[правіць | правіць зыходнік]Возера Барынга месціцца ў цэнтральнай частцы Кеніі ў 219,74 км на паўночны захад ад Найробі, 5971,2 км на паўднёвы ўсход ад Мінска.
Клімат дадзенай мясцовасці вызначаецца значнымі ваганнямі, што абумоўлівае сталыя змены ўзроўню вады і воднай паверхні. У 2003 г. у выніку засухі да пачатку сезона дажджоў сярэдняя глыбіня Барынга знізілася да 1,7 м. Але ў жніўні 2012 г. возера выйшла з берагоў і затапіла бліжэйшыя пабудовы.
Рэкі, якія ўпадаюць у Барынга, не маюць сталага характару. У спякотныя месяцы перасыхаюць. Вада ў возеры каламутная, з асадкам.
На возеры маецца некалькі астравоў вулканічнага паходжання.
Прырода
[правіць | правіць зыходнік]Самая вялікая жывёліна, што насяляе возера Барынга — бегемот. Распаўсюджаныя нільскія кракадзілы (Crocodylus niloticus). Яно багатае рыбай. На астравах і ўзбярэжжы гняздуюць шматлікія птушкі.
Для аховы прыроды возера на яго тэрыторыі створаны нацыянальны парк.
Эканамічная дзейнасць
[правіць | правіць зыходнік]Вада з возера выкарыстоўваецца для арашэння палеткаў. Значныя тэрыторыі вакол яго адведзены для выпасу буйной рагатай жывёлы. Мясцовае насельніцтва займаецца рыбалоўствам. Развіваецца турызм.
Спасылкі
[правіць | правіць зыходнік]- Baringo Lake Profile
- Lake Baringo Архівавана 5 чэрвеня 2011.
- PARKS & RESERVES: LAKE BARINGO