Барыс Акунін
Барыс Акунін | |
---|---|
руск.: Борис Акунин | |
| |
Асабістыя звесткі | |
Імя пры нараджэнні | Рыгор Шалвавіч Чхарцішвілі |
Псеўданімы | Барыс Акунін, Анатоль Бруснікін, Ганна Барысава |
Дата нараджэння | 20 мая 1956[1][2][…] (68 гадоў) |
Месца нараджэння | |
Грамадзянства | |
Альма-матар | |
Прафесійная дзейнасць | |
Род дзейнасці | пісьменнік, перакладчык, гісторык, пісьменнік навуковай фантастыкі, дзіцячы пісьменнік, драматург, літаратуразнавец, грамадскі дзеяч, галоўны рэдактар, japanologist, літаратар, літаратурны крытык |
Гады творчасці | з 1980 |
Жанр | дэтэктыў, гістарычны фікшн[d] і гістарычная мастацкая літаратура |
Мова твораў | руская |
Грамадская дзейнасць | |
Член у | |
Прэміі |
The British Book Awards[d] (2024) |
Узнагароды | |
akunin.ru | |
Рыгор Шалвавіч Чхарцішвілі (руск.: Григорий Шалвович Чхартишвили, груз. გრიგორი შალვას ძე ჩხარტიშვილი; род. 20 мая 1956, Зестафоні, Грузінская ССР, СССР), больш вядомы пад псеўданімам Барыс Акунін (руск.: Борис Акунин), — расійскі пісьменнік, вучоны-японист, літаратуразнаўца, перакладчык, грамадскі дзеяч.
Біяграфія
[правіць | правіць зыходнік]Рыгор Чхарцішвілі нарадзіўся ў 1956 годзе ў грузінскім Зестафоні. Яго бацька-грузін Шалва Ноевіч Чхарцішвілі быў афіцэрам-артылерыстам, удзельнічаў у Вялікай Айчыннай вайне. Маці Берта Ісаакаўна Бразінская, яўрэіка па нацыянальнасці, скончыла філалагічны факультэт Маскоўскага дзяржаўнага універсітэта, працавала настаўнікам рускай мовы і літаратуры. У 1958 годзе сям’я пераехала ў Маскву.
У 1973 годзе Рыгор скончыў Маскоўскую школу нумар 36 з паглыбленым вывучэннем англійскай мовы, у 1978 годзе — гісторыка-філалагічнае аддзяленне Інстытута краін Азіі і Афрыкі пры Маскоўскім дзяржаўным універсітэце па спецыяльнасці «гісторык-японовед».
З 1979 па 1986 гады Рыгор Чхарцішвілі працаваў у выдавецтве «Руская мова » (руск.: Русский язык). З 1986 года быў загадчыкам аддзела публіцыстыкі часопіса «Замежная літаратура » (руск.: Иностранная литература), у 1994—2000 гады — намеснік галоўнага рэдактара дадзенага выдання. З’яўляўся галоўным рэдактарам шматтомнай серыі «Анталогія японскай літаратуры» (руск.: Антология японской литературы) і складальнікам серыі дэтэктыўных раманаў сучасных замежных аўтараў «Лекі ад нуды» (руск.: Лекарство от скуки).
Першая жонка Рыгора Чхарцішвілі — японка, з якой ён пражыў некалькі гадоў. Другая жонка, Эрыка Эрнэстаўна, — карэктар і перакладчык. Дзяцей няма[4]. З 2014 года пражывае з сям’ёй у Лондане.
Творчасць
[правіць | правіць зыходнік]У 1980 годзе Рыгор Чхарцішвілі дэбютаваў як перакладчык і літаратурны крытык. У яго рускамоўным перакладзе выдадзены творы японскіх празаікаў (Юкіа Місімы, Кэндзі Маруямы , Кобо Абэ і іншых), а таксама англамоўных пісьменнікаў (Малкалма Брэдберы , Піцера Усцінава і іншых).
Уласныя мастацкія празаічныя творы пачаў публікаваць у 1998 годзе пад псеўданімам «Б. Акунiн» (руск.: Б. Акунин). Расшыфроўка «Б» як «Барыс» (руск.: Борис) з’явілася праз некалькі гадоў, калі ў пісьменніка сталі часта браць інтэрв’ю. Японскае слова «акунін» (яп.: 悪人), па словах аднаго з літаратурных герояў Чхарцішвілі, перакладаецца як «нягоднік, злодзей», але велічэзных маштабаў. Некалькі сваіх твораў пісьменнік апублікаваў пад псеўданімамі «Анатоль Бруснікін» (руск.: Анатолий Брусникин) і «Ганна Барысава» (руск.: Анна Борисова)[5]. Крытычныя і дакументальныя працы публікуе пад сваім сапраўдным імем.
Зноскі
- ↑ Boris Akunin // Brockhaus Enzyklopädie Праверана 9 кастрычніка 2017.
- ↑ Boris Akunin // Babelio — 2007.
- ↑ Czech National Authority Database Праверана 5 чэрвеня 2023.
- ↑ Кто вы, мистер Акунин? (руск.). kp.ru (15 сакавіка 2002). Праверана 30 студзеня 2021.
- ↑ Снигирева 2014.
Літаратура
[правіць | правіць зыходнік]- Снигирева Татьяна Александровна, Снигирев Алексей Васильевич Псевдонимное речетворчество Б. Акунина // Уральский филологический вестник. Серия: Язык. Система. Личность: лингвистика креатива. — 2014. — № 1.
Спасылкі
[правіць | правіць зыходнік]- Акунин, Борис — ПЕРСОНА ТАСС (руск.)
- Григорий Чхартишвили на сайте журнала «Сноб» (руск.)
- Нарадзіліся 20 мая
- Нарадзіліся ў 1956 годзе
- Нарадзіліся ў Грузіі
- Нарадзіліся ў Тбілісі
- Выпускнікі Інстытута краін Азіі і Афрыкі пры МДУ
- Кавалеры ордэна Узыходзячага сонца 4 класа
- Асобы
- Пісьменнікі паводле алфавіта
- Пісьменнікі Расіі
- Пісьменнікі XXI стагоддзя
- Пісьменнікі XX стагоддзя
- Перакладчыкі Расіі
- Перакладчыкі XX стагоддзя
- Перакладчыкі XXI стагоддзя
- Літаратуразнаўцы Расіі
- Асобы, вядомыя пад літаратурнымі псеўданімамі