З Вікіпедыі, свабоднай энцыклапедыі
Газель-доркас (Gazella dorcas) — невялікая газель, важыць усяго 20 кг. Яе арэал ахоплівае Паўночную Афрыку, Ізраіль, Ліван, Іарданію, Сірыю, Ірак, захад Саудаўскай Аравіі і Емен.
Газель-доркас жыве ў пустыні і, дзякуючы сваёй афарбоўцы пясчанага колеру, ідэальна замаскіраваная. Ніжні бок цела ў яе белы, бакі злёгку чырванаватыя. Яна можа наогул нічога не піць, бо ўсю патрэбнасць у вадкасці яна ў стане пакрываць за кошт расы на раслінах, якімі яна сілкуецца, а таксама за кошт вадазапаслівых раслін, якія растуць у пустыні.
Доркас з'яўляецца грэчаскім словам, якое значыь газель. Уласна слова газель паходзіць ад арабскага ghazal.