Гай Бёрджэс
Гай Бёрджэс | |
---|---|
| |
Імя пры нараджэнні | англ.: Guy Francis de Moncy Burgess |
Род дзейнасці | разведчык, журналіст, дыпламат |
Дата нараджэння | 16 красавіка 1911[1][2] |
Месца нараджэння | |
Дата смерці | 30 жніўня 1963[3][1][…] (52 гады) |
Месца смерці | |
Грамадзянства | |
Бацька | Malcolm Kingsford de Moncy Burgess[d][4][5] |
Маці | Evelyn Gillman[d][4][5] |
Месца працы | |
Альма-матар | |
Партыя | |
Член у | |
Гай Бёрджэс (англ.: Guy Francis De Moncy Burgess; 16 красавіка 1911, Дэванпорт (Англія) — 30 жніўня 1963, Масква) — вядучы «Бі-бі-сі», падвойны агент — англійскай MI5 і савецкага НКУС (член Кембрыджскай пяцёркі).
Біяграфія
[правіць | правіць зыходнік]Нарадзіўся ў 1911 годзе на паўднёвым захадзе Англіі, у горадзе Дэванпорт, у сям'і Малкальма Кінгсфарда дэ Монсі Бёрджэса, афіцэра флоту, і Эвелін Мэры. Вучыўся ў Ітанскім коледжы, потам па прыкладзе бацькі ў каледжы «Брытанія» каралеўскага ваенна-марскога флоту ў Дартмуце.
У 1934 годзе скончыў Трыніці-каледж у Кембрыджы, дзе быў у закрытым інтэлектуальным таварыстве Кембрыджскія апосталы, сярод членаў якога былі папулярныя марксісцкія пагляды. Да гэтага моманту ён ужо быў знаёмы з астатнімі ўдзельнікамі «Кембрыджскай пяцёркі» і савецкім нелегалам Арнольдам Дэйчам, які і прыцягнуў яго да супрацы з савецкай разведкай. У тым жа годзе пачаў хаваць свае левыя перакананні і ўступіў у Англа-нямецкае братэрства — пранацысцкую арганізацыю, членам якой таксама з'яўляўся і Кім Філбі.
Пасля сканчэння ўніверсітэта працаваў асістэнтам палкоўніка Джона Мак-Намара. З 1936 па 1944 год працаваў на «Бі-бі-сі». Выпускаў праграму The Week in Westminster. З 1939 па 1941 год працаваў таксама па сумяшчальніцтве ў аддзеле прапаганды MI5. У 1944 годзе паступіў на працу ў Міністэрства замежных спраў Злучанага каралеўства.
У Лондане Бёрджэс жыў на Чэстэр-сквер, потым на вуліцы Бенцінк, дзе разам з Энтані Блантам здымаў кватэру ў іх агульнага сябра па ўніверсітэту Віктара Ротшыльда. Дома, што належаў барону Ротшыльду, была вядомым цэнтрам багемнага жыцця Лондана падчас вайны. Хоць Бёрджэс і Блант абодва былі гомасексуаламі, Блант сцвярджае ў сваіх мемуарах, што ў іх адносінах не было «нічога сексуальнага[6][7]».
У 1947 годзе скіраваны ў Вашынгтон другім сакратаром пасольства Яго Вялікасці.
У сакавіку 1951 годзе сустрэўся з Майклам Стрэйтам у Вашынгтоне. Тады ж Філбі папярэдзіў Бёрджэса і Дональда Мак-Лэйна, што яны пад падозраннем і, найхутчэй, будуць раскрыты хуткім часам. У маі 1951 года абодва пакінулі Англію і былі перапраўлены ў Куйбышаў. У 1956 годзе Бёрджэсу дазволілі пасяліцца ў Маскве, ён атрымаў пашпарт на імя Джыма Андрэевіча Эліята[8]. У жніўні таго ж года ў Маскву прыязджаў Том Дрыберг, каб узяць у Бёрджэса інтэрв'ю.
Бёрджэс не асвоіўся з жыццём у СССР і ў 1963 годзе памёр ад алкагалізму. У адпаведнасці з апошняй воляй нябожчыка ўрна з яго пылам была перададзена сваякам у Вялікабрытанію.
Зноскі
- ↑ а б Lundy D. R. Guy Francis de Moncy Burgess // The Peerage Праверана 9 кастрычніка 2017.
- ↑ Guy Burgess // Roglo — 1997. — 10000000 экз.
- ↑ Guy Burgess // Encyclopædia Britannica Праверана 9 кастрычніка 2017.
- ↑ а б Lundy D. R. The Peerage
- ↑ а б Kindred Britain
- ↑ Daily Telegraph: „Anthony Blunt: confessions of spy who passed secrets to Russia during the war“
- ↑ The Independent: „The fourth man speaks: Last testimony of Anthony Blunt“
- ↑ Леонид Млечин. Холодная война: политики, полководцы, разведчики. — 2013. — 874 с. — ISBN 9785457078284.
Літаратура
[правіць | правіць зыходнік]- Lownie Andrew. Stalin’s Englshman: The Lives of Guy Burgess, London: Hodder and Stoughton, 2015. ISBN 978-1473627369.
Спасылкі
[правіць | правіць зыходнік]- Советский шпион, который работал на Би-би-си на сайте Русской службы BBC.
- Шпионаж был его страстью. Биография советского агента Гая Бёрджесса — авантюриста, увлекшегося коммунизмом, но разочаровавшегося в СССР на сайте Радио Свобода.