З Вікіпедыі, свабоднай энцыклапедыі
Какава (Theobroma cacao) — від дрэваў з роду Тэаброма (Theobroma) сямейства Мальвавыя (Malvaceae).
Вечназаялёныя дрэвы вышынёю 5—8 м. Лісце вялікае, бліскучае. Кветкі дробныя, жоўтыя або чырвоныя ў пучках. Плод — ягада чырвонага, жоўтага або аранжавага колеру, мае 25—60 міндалепадобных зярнят. Цвіце і пладаносіць увесь год.
Паходзіць з тропікаў Амерыкі, вырошчваецца па ўсім свеце ў трапічных абласцях абодвух паўшар'яў дзеля атрымання насення, якое выкарыстоўваецца ў кандытарскай прамысловасці (гл. шакалад) і медыцыне.
Словам «какава» таксама называюць насенне дрэва какава і парашок, які з іх атрымліваецца; такую ж назву мае і напой.
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
- Какао — Theobroma cacao: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)