Кастэль-Нуова
Славутасць | |
Кастэль-Нуова | |
---|---|
| |
40°50′18″ пн. ш. 14°15′14″ у. д.HGЯO | |
Краіна | |
Месцазнаходжанне | |
Архітэктурны стыль | готыка |
Архітэктар | Pierre d'Angicourt[d] |
Дата заснавання | 1282 |
Сайт | comune.napoli.it/… (італ.) |
Кастэль-Нуова (Castel Nuovo; літаральна: «Новы замак»), таксама Маскіа Анджаіна (Maschio Angioino) — замак, узведзены каралём Карлам Анжуйскім на ўзмор’і ў Неапалі ў сувязі з пераносам сталіцы яго уладанняў з Палерма. Будаўніцтва пачалося пад наглядам французскіх ваенных інжынераў у 1279 годзе і працягвалася тры гады.
Сіцылійская вячэрня так і не дазволіла заснавальніку усяліцца ў замак. Першым манархам, які размясціўся ў Кастэль-Нуова з усім сваім дваром, быў яго сын Карл II. Пры ім і яго пераемніках Кастэль-Нуова заставаўся цэнтрам палітычнага жыцця Паўднёвай Італіі. Тут адрокся ад тыяру Цэлесцін V і быў абраны яго пераемнікам Баніфацый VIII.
Пасля розных паляпшэнняў, зробленых пры каралю Роберце, замак быў спустошаны войскамі Людовіка Венгерскага. Каралева Джаванна адбудавала ўмацаванні і вытрымала ў замку аблогу венгерскай арміі. Пасля яшчэ некалькіх аблог кароль Альфонс V загадаў умацаваць замак на выпадак гарматнага абстрэлу. Пры ім жа над варотамі з’явілася трыумфальная арка з выявай яго ўступлення ў горад — першы твор рэнесанснай архітэктуры ў Паўднёвай Італіі.
У 1494 годзе Кастэль-Нуова зноў аблажылі варожыя арміі (на гэты раз французскія). Пасля пераходу неапалітанскай кароны да іспанскіх Габсбургаў тыя бывалі ў Неапалі толькі наездамі і, як правіла, спыняліся ў гэтым замку.
Зноскі
[правіць | правіць зыходнік]Літаратура
[правіць | правіць зыходнік]- G. Ruggiero, I castelli di Napoli, Roma, 1995
- A.V., Mura e castelli di Napoli, Pubblicomit, 1999
- Pirovine E., Napoli e i suoi castelli tra storia e leggende, Del Delfino, 1989
- De Seta C., Napoli fra Rinascimento e Illuminismo, Editrice Electa, 1991
- De Vecchi P. e Cerchiari E., I tempi dell’arte, Bompiani, Milano 1999.
- D’Oriano N., Maschio Angioino Incarta, Incarta, 1996
Спасылкі
[правіць | правіць зыходнік]На Вікісховішчы ёсць медыяфайлы па тэме Кастэль-Нуова