Марк Вайзер
Марк Вайзер | |
---|---|
Mark Weiser | |
| |
Дата нараджэння | 23 ліпеня 1952[1] |
Месца нараджэння | |
Дата смерці | 27 красавіка 1999[1] (46 гадоў) |
Грамадзянства | |
Род дзейнасці | спецыяліст у галіне інфарматыкі, выкладчык універсітэта, інжынер |
Навуковая сфера | інфармацыйныя тэхналогіі[2] і вылічальная тэхніка[d][2] |
Месца працы | |
Навуковая ступень | доктар філасофіі (1979) і магістр мастацтваў[d] (1977) |
Альма-матар |
Марк Д. Вайзер (23 ліпеня 1952 — 27 красавіка 1999) — спецыяліст у галіне камп’ютарных тэхналогій, галоўны тэхнічны дырэктар (CTO) Xerox PARC. Вайзер першы ў 1988 годзе прапанаваў канцэпцыю т. зв. паўсюдных вылічэнняў[4], найбольш блізкай да якой у наш час можна лічыць Інтэрнэт рэчаў (IoT). У межах Сіліконавай даліны Вайзер і дагэтуль лічыцца візіянерам і празорцам у галіне камп’ютараў, яго ідэі паўплывалі на многіх сусветна вядомых спецыялістаў, звязаных з камп’ютарамі.
Маладосць і адукацыя
[правіць | правіць зыходнік]Вайзер нарадзіўся ў Чыкага, штат Ілінойс, у сям’і Дэвіда і Одры Вайзер. Дзяцінства правеў у Стоні-Брук, Нью-Ёрк. Пасля заканчэння школы Вайзер паступіў у каледж, каб вывучаць філасофію, але правучыўся толькі два курсы, а пасля быў адлічаны з-за немагчымасці плаціць за вучобу. Пасля адлічэння ен пайшоў працаваць праграмістам у горадзе Эн-Арбар (штат Мічыган), дзе адначасова наведваў заняткі па праграмаванню. Дзякуючы гэтаму ен быў залічаны адразу на магістарскую праграму Мічыганскага ўніверсітэта, дзе вывучаў камп’ютарныя навукі. У 1976 годзе там жа ен атрымаў ступень магістра, у 1979 годзе абараніў доктарскую дысертацыю.
Кар’ера
[правіць | правіць зыходнік]Пасля атрымання доктарскай ступені Вайзер выкладаў інфарматыку ва ўніверсітэце штата Мэрыленд у Каледж-Парку і стаў намеснікам старшыні кафедры камп’ютарных тэхналогій у 1986 годзе. У 1987 годзе Вайзер далучыўся да PARC (тады Xerox PARC) і стаў кіраўніком лабараторыі інфарматыкі ў 1988 годзе. У 1996 годзе ён стаў галоўным тэхналагічным дырэктарам PARC.
У дадатак да сваёй працы ў галіне інфарматыкі, Вайзер у вольны час быў барабаншчыкам рок-групы Severe Tire Damage, якая была першай групай, якая вяла жывыя трансляцыі праз Інтэрнэт.
Памяць
[правіць | правіць зыходнік]- У Каліфарнійскім універсітэце ў Берклі існуе стыпендыяльны фонд імя Марка Вайзера, які звязаны з даследаваннямі ў галіне вылічальнай тэхнікі.
- У 2001 годзе Асацыяцыя вылічальнай тэхнікі і аперацыйных сістэм (SIGOPS) заснавала спецыяльную прэмію імя Марка Вайзера для навукоўцаў, якія займаюцца даследаваннямі аперацыйных сістэм.
Крыніцы
[правіць | правіць зыходнік]- ↑ а б Deutsche Nationalbibliothek Record #1033533866 // Агульны нарматыўны кантроль — 2012—2016. Праверана 9 красавіка 2014.
- ↑ а б Czech National Authority Database Праверана 13 чэрвеня 2023.
- ↑ https://oac.cdlib.org/findaid/ark:/13030/tf700005jw/ Праверана 17 сакавіка 2020.
- ↑ The Computer for the 21st Century(недаступная спасылка). web.archive.org (22 кастрычніка 2014). Архівавана з першакрыніцы 22 кастрычніка 2014. Праверана 1 лістапада 2023.