ХДС/ХСС
Выгляд
ХДС/ХСС (ням.: CDU/CSU), таксама «Саюз» (ням.: Union) — блок правацэнтрысцкіх палітычных партый у Германіі (і раней — ФРГ), які ўключае ў сябе «Хрысціянска-дэмакратычны саюз Германіі» (ХДС) і «Хрысціянска-сацыяльны саюз у Баварыі» (ХСС). Пры гэтым ХСС актыўная толькі ў Баварыі, а ХДС — ва ўсіх астатніх землях за выключэннем Баварыі. Нягледзячы на праграмныя адрозненні, абедзве партыі маюць адзіную маладзёжную арганізацыю — «Маладзёжны Саюз».
Згадванне ХДС/ХСС тычыцца звычайна аб'яднанай фракцыі гэтых партый у парламенце Германіі — Бундэстагу. На выбарах ХДС не выстаўляе сваіх кандыдатаў у аднамандатных акругах Баварыі, якая з'яўляецца полем дзейнасці ХСС і, наадварот, ХСС не выстаўляе сваіх кандыдатаў па-за Баварыяй.
Старшыні фракцыі
[правіць | правіць зыходнік]- Генрых фон Брэнтана (1949—1955)
- Генрых Кронэ (1955—1961)
- Генрых фон Брэнтана (1961—1964)
- Райнер Барцэль (1964—1973)
- Карл Карстэнс (1973—1976)
- Гельмут Коль (1976—1982)
- Альфрэд Дрэгер (1982—1991)
- Вольфганг Шойбле (1991—2000)
- Фрыдрых Мерц (2000—2002)
- Ангела Меркель (2002—2005)
- Фолькер Каўдэр (з 2005 года)