Сярэдняе каралеўства
Гістарычная дзяржава | |
Сярэдняе каралеўства | |
---|---|
лац.: Francia media | |
Сярэдняе каралеўства і яго суседзі пры Лотары I |
|
843 — 855
|
|
Сталіца | Ахен |
Мова(ы) | Старажытнафранкская мова |
Афіцыйная мова | лацінская мова |
Форма кіравання | раннефеадальная манархія[d] |
Дынастыя | Каралінгі |
кароль Сярэдняга каралеўства | |
• 11 жніўня 843 — 29 верасня 855 | Лотар I |
Сярэдняе каралеўства — умоўная назва дзяржавы, утворанай у выніку падзелу Франкскай імперыі па Вердэнскаму дагавору ў 843 годзе, куды ўвайшла Італія і паласа земляў ад Нідэрландаў да Праванса. Да гэтага «Сярэдняга каралеўства», на чале якога стаў імператар Лотар I, адышла таксама большая частка былога франкскага каралеўства Бургундыя, за выключэннем невялікай паўночна-заходняй часткі на захад ад Соны, якая была замацавана за Заходнефранкскім каралеўствам і на тэрыторыі якой у далейшым утварылася герцагства Бургундыя.
Тэрыторыя Сярэдняга каралеўства ахоплівала землі, населеныя рознымі народамі — германскімі (франкамі ў Аўстразіі, фрызамі ў Фрысландыі, алеманамі ў Эльзасе) і раманскімі (у Бургундыі, Правансе і Італіі). Фактычнай сталіцай каралеўства быў не Рым, а Ахен. У 844 годзе Лотар I прызначыў свайго старэйшага сына Людовіка каралём Італіі, а ў 850 годзе папрасіў Рымскага Папу каранаваць Людовіка як імператара, хоць і сам працягваў быць імператарам.
У 855 годзе Лотар I, адчуўшы набліжэнне смерці, завяшчаў падзяліць яго «Сярэдняе каралеўства» паміж сваімі сынамі, пасля чаго пастрыгся ў манахі ў Прумскім абацтве і праз некалькі дзён памёр. Пасля Прумскага падзелу Італія і тытул імператара адышлі да старэйшага сына Людовіка II Італьянскага, а каралеўства Праванс (уключаючы большую частку Бургундыі) — да малодшага сына Карла Праванскага. Сярэдняму сыну Лотару II дасталася тэрыторыя, якая ахоплівала галоўным чынам заходнюю Аўстразію і Фрызію, названая затым Латарынгіяй.
Гл. таксама
[правіць | правіць зыходнік]- Герцагства Латарынгія
- Заходне-франкскае каралеўства
- Усходне-франкскае каралеўства
- Сярэднявечнае каралеўства Італія
- Каралеўства Бургундыя
- Каралеўства Верхняя Бургундыя
- Каралеўства Ніжняя Бургундыя
Бібліяграфія
[правіць | правіць зыходнік]- Энциклопедический словарь Брокгауза и Ефрона (1890—1907).
- Пиренн А. Средневековые города Бельгии. — СПб.: Издательская группа «Евразия», 2001. — 512 с. — 2 000 экз. — ISBN 5-8071-0093-X.