Тэадор Гебрэ Селасіе
| |||||||||||||||||||
Агульная інфармацыя | |||||||||||||||||||
Нарадзіўся |
24 снежня 1986[1][2][…] (37 гадоў)
|
||||||||||||||||||
Грамадзянства |
|
||||||||||||||||||
Рост | 181 см | ||||||||||||||||||
Вага | 71 кг | ||||||||||||||||||
Пазіцыя | абаронца | ||||||||||||||||||
Інфармацыя пра клуб | |||||||||||||||||||
Клуб | завяршыў кар’еру | ||||||||||||||||||
Маладзёжныя клубы | |||||||||||||||||||
|
|||||||||||||||||||
Клубная кар’ера[* 1] | |||||||||||||||||||
|
|||||||||||||||||||
Нацыянальная зборная[* 2] | |||||||||||||||||||
|
|||||||||||||||||||
Тэадор Ге́брэ Села́сіе (чэшск.: Theodor Gebre Selassie; нар. 24 снежня 1986, Тршэбіч, Чэхаславакія) — чэшскі футбаліст эфіопскага паходжання, абаронца. Ігрок нацыянальнай зборнай Чэхіі (2011—2019).
Клубная кар’ера
[правіць | правіць зыходнік]Раннія гады
[правіць | правіць зыходнік]Тэадор нарадзіўся ў горадзе Тршэбіч, аднак пачаў займацца футболам у горадзе Велке-Мезіржычы, у аднайменным клубе ў 1992 годзе. У 1998 годзе ён пераехаў у Іглаву, дзе працягнуў футбольнае навучанне ў камандзе «Высачына». У 2005 годзе быў аддадзены ў арэнду ў «Велке-Мезіржычы», а ў 2006 годзе вярнуўся назад у «Высачыну», за якую яшчэ на працягу двух сезонаў выступаў у другой чэшскай лізе.
«Славія»
[правіць | правіць зыходнік]Восенню 2007 года Гебрэ Селасіе падпісаў чатырохгадовы кантракт з пражскай «Славіяй». Дэбютаваў у чэмпіянаце 19 кастрычніка, у матчы супраць пльзенскай «Вікторыі» (0:3). Паводле вынікаў сезона 2007/08 разам са «Славіяй» стаў чэмпіёнам Чэхіі.
«Слован»
[правіць | правіць зыходнік]У пачатку восені 2008 года Тэадор заключыў кантракт са «Слованам». У камандзе дэбютаваў 21 верасня, у гульні супраць пражскага «Багеміянса» (0:2). 2 лістапада, у матчы супраць «Млада-Болеслава» (3:3), забіў свой першы гол у складзе «Слована». У сезоне 2011/12 Тэадор разам са «Слованам» стаў пераможцам Гамбрынус Лігі.
«Вердэр»
[правіць | правіць зыходнік]Пасля ўдалага выступу на чэмпіянаце Еўропы 2012 года ў складзе зборнай Гебрэ Селасіе быў падпісаны 22 чэрвеня «Вердэрам», склаўшы з брэменскім клубам чатырохгадовы кантракт.
Пакінуў «Вердэр» па заканчэнні сезона 2020/21, калі клуб страціў месца ў Бундэслізе.
Вяртанне ў «Слован»
[правіць | правіць зыходнік]У чэрвені 2021 года зноў далучыўся да «Слована», у складзе якога і завяршыў кар’еру па заканчэнні сезона 2022/23.
Міжнародная кар’ера
[правіць | правіць зыходнік]У маі 2011 года быў запрошаны Міхалам Білекам у нацыянальную зборную Чэхіі, у складзе якой дэбютаваў 4 чэрвеня, у гульні супраць зборнай Перу (0:0). 29 мая 2012 года Тэадор трапіў у канчатковы спіс ігракоў, якія паехалі ў складзе чэшскай зборнай на чэмпіянат Еўропы 2012[5].
Гебрэ Селасіе з’яўляецца першым цёмнаскурым футбалістам у гісторыі нацыянальнай зборнай Чэхіі.
Дасягненні
[правіць | правіць зыходнік]«Славія»:
- Чэмпіён Чэхіі: 2008
«Слован»:
- Чэмпіён Чэхіі: 2012
Асабістае жыццё
[правіць | правіць зыходнік]Бацька, Хамола Гебрэ Селасіе, прыехаў у Чэхаславакію з Эфіопіі працаваць урачом яшчэ падчас камуністычнага панавання. Маці Тэадора клічуць Янай, і яна з’яўляецца этнічнай чэшкай[6]. У Тэадора таксама ёсць малодшая сястра Ганна, якая гуляе ў нацыянальнай жаночай зборнай Чэхіі па гандболе[7].
Заўвагі
[правіць | правіць зыходнік]- ↑ Werder Bremen - Squad 2012/2013 Праверана 14 красавіка 2023.
- ↑ Theodor Gebre Selassie // Transfermarkt — 2000. Праверана 9 кастрычніка 2017.
- ↑ 2022/2023 Bundesliga News, Rumors, Scores, Stats, Standings Праверана 14 красавіка 2023.
- ↑ Theodor Gebre Selassie // Transfermarkt — 2000. Праверана 20 ліпеня 2021.
- ↑ Сухи и Нецид попали в окончательный состав сборной Чехии на Евро-2012. sports.ru
- ↑ «Tožan Guédé by mohl už v srpnu obléknout dres slovenské reprezentace». idnes.cz.
- ↑ Euro 2012: Czech Republic profile - Theodor Gebre Selassie. Guardian
Спасылкі
[правіць | правіць зыходнік]На Вікісховішчы ёсць медыяфайлы па тэме Тэадор Гебрэ Селасіе