Эндру Стэнтан
Эндру Стэнтан | |
---|---|
| |
Дата нараджэння | 3 снежня 1965[1][2] (58 гадоў) |
Месца нараджэння | |
Грамадзянства | |
Адукацыя | |
Месца працы | |
Прафесія | кінарэжысёр, сцэнарыст, кінапрадзюсар, акцёр, кінаакцёр, акцёр агучвання, мастак-мультыплікатар, рэжысёр |
Узнагароды | |
IMDb | ID 0004056 |
Эндру Стэнтан (англ.: Andrew Stanton; нар. 3 снежня 1965, Бостан) — амерыканскі кінарэжысёр, сцэнарыст, кінапрадзюсар, мастак-мультыплікатар і акцёр агучвання. Двухразовы лаўрэат прэміі «Оскар» за мультфільмы «У пошуках Нэма» і «ВАЛЛ-І».
Біяграфія
[правіць | правіць зыходнік]Нарадзіўся ў Бостане, ЗША. Пасля заканчэння школы паступіў у Каліфарнійскі інстытут мастацтваў, у якім чатыры гады вывучаў анімацыю. Пасля заканчэння ўніверсітэта атрымаў ступень бакалаўра ў галіне кінамастацтва. Яшчэ падчас навучання ва ўніверсітэце, у 1987 годзе, ён стварыў два кароткаметражныя мультфільмы — «Дзесьці ў Арктыцы» і «Гісторыя».
Прафесійная кар’ера Эндру пачалася на студыі «Kroyer Films». Падчас працы на гэтай студыі, у 1987 годзе, ён напісаў адзін са сваіх першых сцэнарыяў для фільма «Майці Маўс — новыя прыгоды» Ральфа Бакшы.
У 1990 годзе Эндру Стэнтан перайшоў на новае месца працы — у кампанію «Pixar», дзе працаваў у якасці пастаноўшчыка і мастака-аніматара. Першапачаткова, ён браў удзел у стварэнні некалькіх рэкламных ролікаў, а праз некаторы час стаў адным са сцэнарыстаў поўнаметражнага мультфільма «Гісторыя цацак». Мультфільм стаў камерцыйным суперхітом 1995 года, сабраўшы ў пракаце больш за 300 мільёнаў долараў. За працу над гэтым мультфільмам Стэнтан і яшчэ чацвёра сцэнарыстаў былі вылучаныя на прэмію «Оскар». У далейшым, напісаў яшчэ некалькі сцэнарыяў, браў удзел у стварэнні мультфільмаў «Жыццё жукоў (Прыгоды Фліка)» (1998 год) і «Карпарацыя монстраў» (2001 год) у якасці сцэнарыста і рэжысёра.
У 2003 годзе Эндру Стэнтан стварыў вобраз і голас чарапахі Краш і выступіў у якасці рэжысёра-пастаноўшчыка (сумесна з Лі Ульрыхам) новай анімацыйнай карціны студыі «Pixar» — «У пошуках Нэма». Гэты мультфільм сабраў больш за 850 мільёнаў долараў у сусветным пракаце.
Яго наступная рэжысёрская праца — мультфільм «ВАЛЛ-І» — выйшаў на экраны ў ЗША ў 2008 годзе і на працягу некалькіх тыдняў утрымліваў першае месца ў рэйтынгу лепшых карцін за ўсю гісторыю кінематографа (па версіі наведвальнікаў сайта IMDB).
Карціна «Джон Картэр», у стварэнні якой Стэнтан выступіў рэжысёрам і аўтарам сцэнарыя, выйшла на экраны ў 2012 годзе.
Зноскі
- ↑ RKDartists Праверана 23 жніўня 2017.
- ↑ Andrew Stanton // ISFDB — 1995. Праверана 9 кастрычніка 2017.
- ↑ Museum of Modern Art online collection Праверана 4 снежня 2019.