Émile Guépratte
Paul Émile Amable Guépratte (Granville, 30 a viz Eost 1856 – Brest, 21 a viz Du 1939), a oa un ofiser a vor gall, echu e vicher er renk da vesamiral.
Buhez
Yaouankiz
Mab e oa da Charles Émile Guépratte, kabiten lestr, ha da Eugénie Constance Jéhenne, ha mab-bihan d'an amiral breizhat Aimable Constant Jéhenne (1799-1863).
Gant Thérèse Marie Virginie Gourdan e timezas e 1883, ha tri bugel o devoe.
Kentelioù Lise impalaerel Brest a heulias e 1868 a-raok mont da Skol an arme-vor d'ar 1añ a viz Here 1871. E 1883 e tapas ar breved lestr-tarzher.
En arme
Brudet bras e oa abalamour d'e galonegezh e-kerzh Emgann an Dardanelloù (19 a viz C'hwevrer 1915 - 9 a viz Genver 1916).
Deroet e oa bet dezhañ al lietennoù da-heul :
Marc'heg al Lejion a enor, 29 a viz Kerzu 1887,
Ofiser al Lejion a enor, 30 a viz Kerzu 1901,
Komander al Lejion a enor, 28 a viz Ebrel, 1915,
Ofiser meur al Lejion a enor, 2 a viz Gouere 1918,
Urzh Sant-Jord (Impalaeriezh rusian), 28 a viz Kerzu 1916,
Kordonenn veur Urzh an Erer Gwenn (Serbia), 2 a viz Gwengolo 1917.
