Gwener he melezour
| Venus with a Mirror | |
| |
| Tizian, 1555 | |
| Eoullivadur war lien | |
| 124 × 104 cm | |
| [[National Gallery of Art]] | |
| Washington, D.C. | |
| SUA | |
Venus with a Mirror, pe Gwener he melezour e brezhoneg ('Venere allo specchio en italianeg) zo un daolenn graet gant Tizian war-dro 1555 hag a zo bremañ er National Gallery of Art e Washington, DC.
Meur a daolenn a reas an arzour gant Gwener, met honnezh eo an hini gentañ, a greder, hag an hini nemeti graet gantañ penn-da-benn, hep harp eiler ebet. En e di e chomas a-hed e vuhez, betek e varv e 1576.[1]
An daolenn
Emzalc'h Venus amañ a denn kenañ da hini an delwennoù klasel, ar Venus de' Medici en Firenze pe ar Gwener Capitolina en Roma, a c'hallje bezañ bet gwelet gant Tizian pa skrivas en doa "desket diwar ar vein kozh." Ur meulgan d'ar gened e vije an oberenn, pe ur flemmgan d'ar fougaserezh.
Eiladennoù zo bet graet gant arzourien all e-leizh, evel Peter Paul Rubens hag Anthony van Dyck.[1]
Levezonoù
-
Venus de' Medici; delwenn en Uffizi e Firenze
-
Gwener Capitolina; delwenn er Mirdioù Capitolin en Roma
-
Maouez yaouank he melezour, gant Giovanni Bellini (1515). Tizian a oa bet diskibl d'al livour Bellini.
Arzourien levezonet
Gant an daolenn-mañ eo bet levezonet Peter Paul Rubens ha Diego Velázquez.
-
Venus at her Toilet gant Pieter Pauwel Rubens, war-dro 1608. Homañ a vefe uneillivadur graet gant Rubens eus an hini livet gant Tizian diouzh goulenn Felipe II, roue Spagn.
-
Venus at a Mirror gant Peter Paul Rubens (1615). Azasaet gant Rubens ouzh e zoare-eñ.
-
Ar Rokeby Venus gant Diego Velázquez. (1599–1660). Graet etre 1647 ha 1651. Gwelet en devije Velazquez taolenn Tizian a-raok ober e hini.
-
Simon Vouet, The Toilet of Venus, war-dro 1628. Simon Vouet a vevas en Italia adal 1613 betek 1627, hag anaoudegezh en devoa sur eus labour Tizian. Gantañ e voe degaset dareoù al liverezh italian da Vro-C'hall.
Notennoù
Lennadurezh
- Humfrey, Peter (2007), Titien, Tout l'oeuvre peint, Ludion, 2007, ISBN 978-90-5544-689-6
- Nicholas Ilyin and Natalia Semonova, (2000), Prodanniy Sokrovischye Rossiyi, Trilisnik Publishers, Moscow, ISBN 5-89480-027-7